7kayet Hazem wou FichFich

22 jan

Ba3ed mat3adalou leddar..fi essbe7 wou la3chia..wou wassa m3a bouh wou ommou..mchelou lil bat7a..lil playstation..lil 7it elli woura esseka..lil khazma mte3 dhaou..ellycée..elbassem..s2el ay wahed rachi..wella ya3rflouchi thnia..Hazem khayatha el7ouma wou ri7tou mafommech..fil le5er kif raoua7 FichFich lil eddar kalmou 3ala talifounou..wou 9allou ahla Hazem..Fich Fich m3ak..chnoua 9lebet 3alia eddar..cava..7ajtek bia..chbik makalmtnich 3al portable..ti baba chadni khna9ni..9alli chbih sa7bek men bekri whou houa kharrar marrar 3al eddar yesel 3alik wi 3aoued..win konet tethoumel win..chnoua 3andkom emti7anet..wou etdhaker 3ad elnotet wel indharat elli jaou..7assilou rassatli fi sabounia..fi jortek si chbeb

Hazem: ti winek win ghberet mil sbeh wani enlaouej 3alik

FichFich: konet fi 9adhya iste3jalia..eyh 3ad ki enti 7ajtek bia urgent kalamtni 3al portable

Hazem: lé mahou ma3andich 7a99 appel..asma3 7ajti bik urgent..fi faza

FichFich: chnoua echfemma

Hazem: asma3 ataou net3adelik taou taou

FichFich: ti chnoua echfemma

Hazem: haou jitek haou jitek

haya la7dha men zmen wou ken Hazem metepointi 9oddem darr FichFich..wejhou te3eb wou asfar..et9oul hazez 7mel eddenia 3ala dhahrou..3aytlou..khrajou jmi3 wou 9allou..asma3 mani sahbek..errou7 berrou7..taba3ni ija en7eb enwarik faza..haya nemchiou woura eljarda..bech enwarihelik..haya mchaou..9a3dou woura elkarma fi e5er eljarda..win sa3at elmouatnin yetaychou el5rod mte3hom ghadi..metarfin..elli met3eddi..maya3tihomech 5abrr..esghar elli mestansin yala3bou fil jarda..fil wou9ayet hedha..tal9ahom fil madrssa..wou elkbar..yekhafou ennhom yet3adaou min woura eljarda..la3alla to5rjelhom ba3edh lahouayech.

FichFich: ah ech bik..chnoua l9it..wini elfaza elli bech twariheli..chnoua 3amalet..3arka? Dharbouk?..chnoua kalamet Ikbal? Taffetik..chnoua mat9ollich bech endoublou essné?

Hazem: mafomma chay men hedha..la7dha barek..mayra fina 7ad?..ok……………………………….c bon

FichFich:chbik hekka 3amel..estoui rou7ek..chnia hedhi faztek..elli jayebni  3aleha..ya7beni..estoui rou7ek layraouna la3bed

Hazem: 7ot sob3ek 7ot

FichFich: win?

Hazem: Lenna

FichFich: lenna!..louah..fech 9am

Hazem: ti 7ot mouch normal..na3mlou jaou

FichFich: ema jaou mte3ik..ca va pas..man7otech

Hazem: ti 7ot 3ad

FichFich: louah

Hazem: ti faza

FichFich: ema faza mte3ik zeda..ti chbik..ti dhaher feha khayba

Hazem: ti 7ot faza mouch normal..rit Pa’ wou Ma’ ya3mlou feha kif dkhalet 3alehom fil koujina..9amou yadh7kou..wou 9atlou ya3tik..mabledek

FichFich: bouk wou ommek?…..behia za3ma?

Hazem: wallah mouch normal..apparament feha tcheye5 mouch normal..eni rani jarabtha..behia chi5a liyeni wayyek

FichFich: lé khouk

Hazem: ti haya 3ad aman..ti chnia la7kaya elkoll..sbo3 wou akahaou..e5i bech enghorr bik e5i..chou hein..hani bech en7ot sob3i zeda eni

FichFich: lé khouk..fok 3alia..hedheka sob3ek t7otou win t7eb enti 3adi..ema eni yedhorli mouch 3adia faztek..ti ken yeraouna lo5rin..taou ye9oulouna fech ta3mlou..faztek kif ri7et lemlou5ia..boufadhou7

Hazem: ti matkhafech..hana wa7adna..mayrana 7ad..wou zid ken yeraouna..momken barcha te3jebhom..wi 7otou soube3hom elkoll

FichFich: elkoll..m3ab3adhom?..normal?

Hazem: Eyeh mela..ti koll m’akther souabe3 koll ma khir

FichFich: za3ma..lé khouk..enchaouer baba 9bal..mak ta3ref may7ebech el7ajet hedhom

Hazem: ti lazem et9ollou enti

FichFich: eyeh mela..lazem en9ollou..may7ebnich..na3mel 7aja men ghir manchaourou..ti ken yasma3 bia 3amalet 7aja hekka wella hekka..mayekeli jo7ri..may7ebech ela3eb elmaset

Hazem: taou wallit tchaouer fi bouk..ti darkom wala 3ala belhom bik..ti normal rahou..mafeha chay..ti base bouk wou houa sghir..jarbha m3as7abou wou houma sghar

FichFich: impossible..baba mouch mte3 la7kayet hedhom

Hazem: ti wallah..haou Pa’ wou Ma’ 3amlouha wou 3adi..ti Farhat elmarra elli fettit..fi 7anoutou elde5el..7at sob3ou 7ata houa..ti houa ell3alamhali..mani seltou 3aleha..fassarli wou jarabneha

FichFich: ya3tik be3zé mal9it ken Farhat?

Hazem: Eyeh..ti wallahi dhalminou Farhat..yesser behi..ti che5na..wou tefla9 bil dho7ek..wou 9alli yatla3 mennek ya wou7ayed..hek tla3et ett7ebelfazet hedhom..3atani ka3ba glace..wou 9alli elmarra eljeya kif etji..en3almek 7ajet o5rin kifha..e5i bellahi bech enghor bik..wou louken ma3ejbetekech..matkhafech man9oul el7add..hana wa7adna..ti rak sahbi wou khouya..mankhabi 3alik chay..wou 7abit enjarabha m3ak 9bal la3bed elkoll..ti haya 3ad..madem mafomma 7add..wou mat5afech..ken ma3jbetekech serrna fi bir..ti enjarbouha elmarra hedhi barek..wou ma3adech en3aoudouha..

FichFich: kelma

Hazem: behichi zeda..kelmet rjel

FichFich: behi behi..haou sob3i..en7ot hekka

Hazem: stanna stanna..9bal koll chay..sob3ek ndhif?..mani na3rfek dima tma5ouer

FichFich: ma7soub souab3ek enti houma elli ndhaf

Hazem: behi 7ot hekka..ti 9areb chbik hareb..manech bech neklehoulek sob3ek..mat5afech zid chouaya..zid 9arreb..uuuuuuuh..ti mat5afech 9otlek..ti marra eni wou marra enti

FichFich: eni emba3ed zeda

Hazem: mela kifech..eyeh koll marra wahed yejareb

FichFich: behi behi..haya ezreb ezreb..hani 7atit sob3i

Hazem: Prix prix..bel3arbi tekel sa7fa lablabi..fi dar sou7abi..ya mabrouka 7el elbab..rahou louled jaou mil kotteb..jaboulek war9a wou joueb…..ye333333..chaditek enti..taou eni nohreb wou enti lazem tchednni

FichFich: 3ad enti ma9otlich lazem enhareb sob3i bech matchednich bidek..wou chnia hal ghonaya hedhi zeda

Hazem: ti eljaou fil ghonaya..ti eni che5et 3aleha barcha barcha..mte3 ness 9bal..hekka ken yala3bou 7olila..9otlekchi bouk ken yal3abha wou houa sghir

FichFich: ema eni wayek barek masta..twalli khir ken jaou barcha souabe3

Hazem: eyeh..9otlekchi..twalli jaou kbir..chi5a mouch normal..3efrita mout

FichFich: haya taoua eni..3ejbetni barcha..haya 7ot sob3ek 7ot..madamna wa7adna./.

7kyet si Tarhoun fil Sbitarr

22 jan

Si Tijani..kima koll sbeh wou kifma ayouha rajel kbir entriti..3andou sonna 7amida woua mou9adssa..mayfaltha ken fi lé ye9adder mardha wella fi dharoura el9ousswa..ala wahya ennou yemchi lil 9ahwa mte3 el7ouma..bech yela9i andadou wou as7abou..ahaouka ya3tiou kelma wouye5dhou kelma…yeselou 3al a7ouel wou yetna9chou fil a5bar wou 3al koll ma sarr fil elbled..ahaouka wousel lil 9ahwa..yotleb elfiltre mte3ou..wou yo93ed m3a jme3tou fi blayeset el3ada..

si Tijani: haya sbah elkhir ya Samir..chan7wel elwoulidet

Samir elgérant: marahbé si Tijani marahbé..wallahi hamdoulah labes..haya ech tochrob..filtre kil 3ada

si Tijani: Eyeh..haya hek

Samir elgérant: Chnouma hedhom si Tijani..kil 3ada..na9sin 10 franc

si Tijani: Ohhhh ti fok 3alina mil hal 10 franc elma7nouna..wou enti marejna 3leha kol sbeh..e5i mata3yech..3ef rahou 3ib rahou 3ib hedha yetsamma t9ar9ich rahou..mayo5rojech 3alina..rak wouled 7oumti wou zid rani client wou saheb elmar7oum.

Samir elgérant: Eyeh si Tijani 3ala khaterek wouled 7ouma wou client wou eldhekra mte3 elmar7oum..hek 3alech koll marra enwassa3 beli m3ak..Wou n3aouedlek koll youm wou eni mobtasem..nafes elma3bouka mte3 el 10 franc ena9sinn wou eli enti lé nhar 3atitni 7a9 hal 9ahwa kemel..et9oul 3amel bel3ani makech 7abeb tadafa3 kemel

si Tijani: Bellahi si Samir wallit t3ayer fia..ritni 9alleb mte3 siyedtek..yekoun fi 3elmek elli eni 3andi flous wou kol marra enmedelk 50 s7i7a wou enti makebch el 10 9bal kol chay..wella na7na ensam7ou wenti lé.

Samir elgérant: Wallahi ya si Tijani eni kol marra na5ou mennek el50 franc wou enraja3lek menha elba9i..wou 3ala 9ad ma3titek 3achrat..lé nhar raja3ti menha wa7da.

si Tijani: Eyeh mela kahaou..ma3andich 10..mnin jibhelik..wella mouch lazem ne7lfou ma3adech na3fsouha el9ahwa..hek hal 50 franc.

Samir elgérant: Ema ya si Tijani rak matmeddha el 50 ken malazem en3aoudou elmosdouaj hedha kol sbeh..ti yarsoul ellah ti 7ata fi nhar ra7ti..9omet 3aradhtou hal mozdouaj 3al mra..

si Tijani: Wach t7ebni na3malaek ta7kili fi 9esset 7ayetek..haya het het..maremzek el7asel..ya Assfour filtre mte3 el3ada m3a 9otra zhar 5alina nestfaylou khir hal sbeh..wou jibheli elbo9a3ti..

Si Tijani 3andou blasa special mo5assa lih mayo93ed ken feha..leblassa hedhi 9riba lelkassa..ahaouka forsa ken 7ab bech yeherr m3a Samir en cas jme3tou mazelou majaouech..wella yetfaih manghir mayachal9 kif yabda elmaoudhou3 mayhemouch..men mouyezet leblassa hedhi ennha tetmayez bil maou9e3 elestratiji elli tmaknou b7okem woujoudha 3al dhifaf elkayess ennou ye3ess 3al mechi wou jay wou 3al de5el wil kharej..wou fi nafess elwa9et yebda 3ati wedhnou lil 7adith..wou zeda men khlilalha 3andou nadhra panouramia tmaknou men moumaraset hiouaytou elmoufadhla fi a7sen maou9a3 tarfihi wa iste3lami..ala wahoua spermarché Fathi..yechallel elli ba9a men 3inih..wou ya3mel talla 3ala bourset le9fef..wou crani elcrédiyet ila a5irhi.

Si Tijani kif wousel lil taoula..tesdam..wou jetou 5ayebt amal..kif el9a wahed 9a3ed fi blastou..meknou ennirvou..wetbadlet sintou..

si Tijani: Ya khouya ya khouya..sma7ni blasti.

Wahed elli 9a3ed fi blastou: Blastek..sbeh elkhir awalan..chnoua 9otli blastek..natl3ouchi fil madrssa ya 7aj..blayess elkoll kif kif rahi ya 7aj

si Tijani: Sbeh elkarfouss..9otlek korsia wou taouelti hedhi wou yezzi blé tdhoumir maset mte3ik..manich 7aj..chkoun kdheb 3alik wou 9allek elli eni 7aj..haya tebram.

Wahed elli 9a3ed fi blastou: Chbik ta7ki hekka ya 7aj..chnia korsia..ti 7ata el7aj ele5er 9al kifek zeda wou tar menkorsih

si Tijani: 7aj rokbti..haya 9oum 9otlek.

Wahed elli 9a3ed fi blastou: wou ki man9oumech..ech bech ta3malli..bech tjibli 3adel
monafedh..wella el9oua el3amma.

si Tijani: bellahi wallit tetboureb..haya 9oum..mata3rafnich rahou..eyeh enjibhelik el9oua el3amma ya hemma.

Samir elgérant: Ya weledi ya 5ouya bellahi khaliliou elblassa rajel kbir mestaness yo93ed ghadi..mak ta3ref..bellahi yezzina men bleh hal sbeh..

si Tijani: Eni blé ya si Samir..walitou tsam3ou fia elklem 3ala 3a9ab 3omri..behi behi..akahaou jek ennhar ya Tijani..elli znouss wellat tsama3 fik fi wousa5 wedhnik..akahaou 7ata eni taya7et 9adri wou fadleket m3ak.

Samir elgérant: Ya si Tijani sama7ni..mano9sodech..ema 7abit en9oul elli enti kbir el7ouma..wou ken tsir ey 7aja..wouled el7ouma yafz3oulek..yejiouk yejriou men koll blassa..wou mak ta3ref si Tijani..el9haoui 3abbet lebled..elclient elli ta5srou m3adech yarja3lek batatan.

Wahed elli 9a3ed fi blastou: Behi 3ala khtrek Samir..haya 7aj achba3 beha ..wou rod belik 3ala rou7ek ok..laou damet li ghayrika lé ma 2alat ilayk.

si Tijani: nannna nnannna..Tebram..remez..mate7chemech..ya Assoufr jetech hal 9ahwa

Assfour: Jééééééééééék

si Tijani: Haya ya raabbii lekrim..ezreb rou7ek ech noua m7ani sa9ik si Assfour..

Assfour: Jéééééééééééék

si Tijani: 7ot lenna 7ot..effffffff..asma3 Ya Assfour..Ekhi mat9olich winou si Tarhoun madhorech mouch 3ouaydou yewa5er..fil 3ada yemchi lil marchi wou yeji toul. e5i si Tarhoun matallech elyoum..wella jé wou mché?

Assfour: e5i masma3tech.

si Tijani: chnoua inchalah khir

Assfour: mahou si Tarhoun d5al lil sbitar elbare7 la3chia hazouh en urzence

si Tijani: ya rassoul ellah..mat9oulech melloul..ken maneselek..7alit fommek mil sbeh..

Assfour: mnin na3ref si Tijani..fi bali 3achirek 9olet base 3al belou.

si Tijani: la7aoula wala 9ouata ella bellah..rabi yoltef bik ya Tarhoun ya sahbi..rabbi yahdik..rabbi yahdik

Assfour: e5i cha3mlaet eni..mnin na3ref 3alik ya si Tijani..si Tijani haya forsa..3ad haou wa9et ezyara 3eddek bih barra toll 3alih

si Tijani: ba3ed ma habatet elfiltre..wella en9ollek 7otha fi goblet..wou kheff rou7ek

si Tijani haz 9ahoutou estanna fil ma7ata..khdhé taxi bou blassa..wou hbat lil sbitar..

si Tijani: haya hek ya wouled

Taxist: chnouma hedhom?

si Tijani: Flous..mela kakaouia?

Taxist: Lé 7aj..no9sod e5i enti mnin tla3et?

si Tijani: Mel ma7ata

Taxist: Eyeh 7aj ne9sa 50

si Tijani: 50 3aleh..e5i mouch 500 ?

Taxist: Lé 7aj 550 rahi

si Tijani: Yetwallak rabi mnin zedtha hal 50..e5i t7eb tzalba7ni..ti e5er marra rkebet kenet 500..e5i 3amel tarifa 3ala zay rassek?

Taxist: N3am 7aj?..Chnoua mnin zedtha..rahi 3andha 3amin rahou melli tzadet..mouch men rassi rahi hedhi feha 9anoun rahou

si Tijani: Masma3tech beha eni hal zyeda hedhi..chbih ma5abrouch

Taxist: Masma3tech..Ech t7ebni na3malek kenek re9ed 3ala wedhnik..7loua 9alli chbehom ma5abrouch..e5i houma mestansin ye5abrou 3ala 7aja.

si Tijani: Mayhemnich..mandafa3 ken 500..wou chkoun 9alli s7i7 elli ta7ki fih

Taxist: Bellahi kedheb 3and syedtek..asma3 rani motrobi m3ak..wou m9ader eltaou lo3morr rahou..rani ma3andi win ydour erri7.

si Tijani: Chnoua? Thaded fia 3aleh ech bech ta3meli..rani 7arif..ta3ref ech ma3neha 7arif..lazmek t9adarni..

Elchauffeur chad frein wou wa9ef elkarahba fi weset elkayyess..lekraheb etzammer wourah..khoumadha wallet..

Taxist: asma3 ya chesmek..ken enti 7arif..eni moun7arif..donc chedd el 500 mte3ik wou tir o5roj mel taxi..lé enbassi fi jortek

si Tijani: Chnoua mazelt maouseltech

Taxist: Ti ahbet 9ali mazelt maouseltech..ye3jlek lé wouselet..mayezich bal7atli eltaxi bil 9ahwa mte3ik..wou zid tsara9 fia..haya tir kheff rou7ek

si Tijani: Bellahi ted3i 3alia.rajel kbir fi m9am bouk

7arif e5er ndhayef: Ya khouya ya khouya..ma3adech bekri rahou..rana 3ana masouliyat..Ti bellahi saybou rajel kbir rahou..hedha elkoll 3ala 50 franc ti ataou enkhalasha eni wou sme7

si Tijani: Ma9otlekech khalass 3alia..manich notlob 3andek

7arif e5er ndhayef: Bellahi ya 7aj hedha kfouya..walahi 3adou el7a9..mella 7ala..elchib wel 3ib

7arif thani gabaret: uuuuuuuuuuh..Ya weldi saybou bellahi ti 50 rahi

Taxist: Saker fommek enti..50 eyeh 50..wou zid mouch 3al 50..ema 3al faza..manich msame7 wou ken mouch 3ajebek ahbet m3ah

7arif thani gabaret: Asma3 eni mazroub rahou..en plus eni chihemni..ki tethardou

7arifa o5ra: oh lala..mouch faza..3ib ezza7..chayeb

Taxist: chnoua?

7arifa o5ra: lé 9olet..echib wel 3ib

Taxist: Ahabt 3ad

si Tijani: Fil kayess? Rabbi yahdik Ti7eb tdhrabni karhaba..behi a9ef 3ala jnab 3al a9al

Taxist: Yahdik enti..eni ma7achtich..ti ahbat..yadhrabouk lekraheb wella temchi tzamer

si Tijani: Hani habet..et9oul ma7soub rekeb fi mercedes..ti mahi ella khorda..znous mte3 wedhi..ti barra lé trab7ek..inchalah ta7re9 stop..yehezek camion..tfih 3alik.

Taxist: Chay wou barra yalli bech en9oul fommi……………………………..

si Tijani: Tsebbé tsebbé.. la3net allah 3ali mayae7chemech ..lé tar7amlek 3adham..inchalah telbess fi 7it..inchalah yejik le9dha ta7t camiyoun Berliet..ah..haou bezhar habatet fil ma7atta..nestanna elcar…barra ken tzamer

7arifa o5ra: yaaa..d3a 3alina el7ajj..nahbtou khir..esstanna monsieur..nahbet 7ata eni.

7arif thani gabaret: 7ata eni zeda habet..hek chedd.

Taxist: ri7 essedd..wenti makech habet?

7arif e5er ndhayef: eni mazroub..ti ma7asalt taxi ken bessif..ezrebna 3aychek khouya.

5dhé si Tijani elcar..t5adh kima 7ab houa wechtha..daz wou dazouh..lin tkarem 3alih wahed weled 7lel..wou 3ateh blastou..fil la79i9a houa si Tijani 93ad yoghzorlou merjou..haou 3afaslou 3ala sabatou..haou wou9ef binou wou bin etofla elli yeraka7 feha..wella yor3och akther mel lazem wou yetkhadh m3a a9al rakza fil kayess..haou yestaghfer..haou yewa7wa7..fil le5er louled fedd..mennou..9am wou 5allelou leblassa..haya ell7assilou wousel lil sbitar ba3ed mamrej elchaffeur bil 7adith fi koll chay wou 7ata chay..haya wou houa de5el..3ordhou kochek jdid ba7dha bab esbitar..wakel eltrottoir elkol.

si Tijani: hal 7anout awel marra enrah lena………………hay aessalamou 3alaykom

Houanti: wa3alaykom essalam..tfadhel ya 7aj

si Tijani: tbrak allah tbarka allah..3amra la7ouinta machallah

Houanti: elhamdoulah essatar rabbi..ahaouka khoubza nest9atou menha

si Tijani: 7alit jdid lenna manadhakrach ritha la7ouinta maoujada lenna s7i7 wella lé..netdhaker kennet lenna fomma madda nemchiou 3aliha..tra win hazouha.

Houanti: Eyeh ya 7aj elhamdoulah ahouka khobza nest9atou menha wou rabbi yoster..elhamdoulah elthaoura 3aounetna

si Tijani: Belahi..mli7 mli7..barakallahou feha elthaoura..ahaouka taoua elli yabda yemchi 3al trottoir yal9a rou7ou faj2atan fi 7anoutek .rabi ye3inek woulidi

Houanti: 3aychek N3aounek fi 7aja ya baba..yedhorli fik jay tzour fi mridh

si Tijani: Eyeh..tbarkalah 3alik faten wou nbih..mela louah de5el lil sbitar

Houanti:Inchalah labes inchalah labes..wou inchalah ma3andou saou..mel 3ayla?

si Tijani: Inchalah Walahi rabbi yoster wallahi lé sahbi wou 7bibi rou7 berou7 meskin ma7soub 5ouat manetfar9ouch

Houanti: Moulabes ech 3andou? maredh?

si Tijani: Lé lé 7adeth

Houanti: Ya latif ya latif

si Tijani: Tayrin tayrain fil kayesss tghaffess..la3bed 3andha kil dhebana

Houanti: Lé 7aula wala 9ouata ella bellah..inchlah labes inchalah labes..9adha wa 9adar ya 7aj 9daha wa 9adar

si Tijani: Hamdoulah hamadoulah..9adder wou ltaf

Houanti: ayouah ech bech ta5ou ya 7aj

si Tijani: eyeh ken kteb mafiha bess..3andek yaghoret?

Houanti: Eyeh emana naoua3 t7eb

si Tijani: Ar5ess wahed..a3tini 8 ka3bet wella en9ollek eb9adeh

Houanti: 180 elka3ba.

si Tijani: A3tini zouz ka3bet

Houanti: Kahaou?

si Tijani: kahaou yezzih e5i bel chab3a houa..behi 3andek bachkoutou?

Houanti: Eyeh..3anna t7eb lar5ess zeda

si Tijani: Lélé nesel wou barra..a3tini gazouza

Houanti: Gazouza ? Ekhi mechi testaltef ya 7aj wella machi thani

si Tijani: Mayjich?

Houanti: Lé lé mayjich..khdhoulou ghalla..yedhorli khir

si Tijani: Za3ma..ech 3andek

Houanti: Haou fomma elbanane

si Tijani: 9adeh?euh euh euh ekhi chbih ghlé elbanane

Houanti: Mahou thaoura ya 7aj

si Tijani: Mela thaoura..Haya mouch lazem mennou..mesteness bih ma7soub..9adeh

Houanti: 360..Na9ssa 10 ya 7aj

si Tijani: Haya fok 3alia men hal 10 elma7nouna rani machi enzour fi mridh..wallahi ken majach maredh wou 3achiri wallah lé nechrih elyaghoret.

Houanti: Chbik ech3elet ya 7aj kil ftila men ghir zit..ech 9otlek eni 10 franc..ti essme7 essme7..inchalah bechfé.

d5al si Tijani dhaye3 fi hak sbitar..3ordhotou wahda 3arfha elli hia fermlia men b3id men labsetha..wejha asfer..ch3arha mcha3chet..3iniha m7aou9in..wou mel naf5a eli dharbteha et9oul doctour Es9olli..t9ollek ta3rafchi etteb..et9ollek enzid fih..ta3tik echahia bech traoua7 lil eddar bech tmout.. se2lha 3ala bit si Tarhoun..hia fil la79i9a fer7et bih barcha..kollhom yefer7ou bil rajel lekbir..wou 9atlou: atla3 elfou9 lil deuxieme étage 3ami rajel..wou laouej 3alih fi e5er elcouloir 3al yemin..rahou bi ba3edh elbyout.
si Tijani tla3 lil étage elli warathoulou elfermlia..elli kif el3ada tla3 ghalet wou mouch houa.. 93ad yelaouej men bit elbit wou men étage el étage..wou houa meskin 3rou9atou chertella..yemchi wou yerta7..wou yesel et9oul madhaya3 weldou..lin wousel lil bit bizhar..si Tarhoun mamdoud 3al farech..wou kolou m3assab..matra mennou ken 3inih wou fommou..Et9oul moumia..si Tijani terma 3alih..ya Tarhoun ya 5ouya..mou labes inchalah belotef..wallahi tefja3et 3alik..bil 3amal hazit rou7i jarya..haou k3ibet yaghoret ched behom rou7ek..wou inchalah bi zyretna yethazlek elmoral wou tabra wou to5rjelna kif la7ssan..mat5afech labess..lé tradhridh tradhridh..wenti zid eni tetchouke3 chouaya..9olli labes 3alik.

si Tarhoun: netchouke3 eyeh..netchouke3..chouaya tradhridh..e5i makech tra fia koll m3asseb et9oul 3okssa…wouji3a fi koll blassa..7assess rou7i manich lase9 fi ba3dhi..offf estaghfer ellah la3dhim..3ala koll..3aychek ya Tijani..3aychek ya khouya..haouini elhamdoulah..ech 3anna en9oulou.

si Tijani: elhamdoulah..dafa3a allahou makana a3dhem..ema 9olli chnia sebtek..chnoua sarlek…7adeth?7adhet?

si Tarhoun: lé lé..mani ya Tijani..mchit..kima 9alou..fil talfza..bech enbadel..bita9et eta3rif..bech en9ayed..mchit lil mant9a..khdhit laoure9 ellazma..7adharthom..wou rja3etelhom bech ensobhom..ya sidi el3aouen khdhé laoure9..chefhom..wou 9alli beeehi aoure9 elkol maoujouda wou mrigla..ema tarje3 ghodwa ya baba..9olet behi 3adech bih..rja3et men ghodwa..estanit chouaya..nafes el3aouen 3aoued chef laoure9 marra o5ra..9alli koll chay tamem..arje3lena ghodwa..ghzaret hekka wou 9otlou behi..rja3et men ghodwa..3aoued chefhom marra o5ra..9ali kol chay 5/5..arja3 ghodwa inchalah..9oltou ghodwa..9alli eyeh mani 9otlek ghodwa..9otlou rani jitek ames..wou hedhi ghodwa rahi..9alli 9otlek arja3 ghodwa..mouch 3aref..tla3li elnervo..weskhana tal3et elrassi..wejhi t3aouej..manekdhebech 3alik ya Tijani mouch 3aref ech sarli mché fi beli fi baladia..hazit yeddi elfou9 wou ntaret 3alih..chnia hal khedma hedhi..mouch ma39oul rahou..chnoua no93odchi méchi jey zeda 3ala syedtek..ija ghodwa ija ghodwa..wou hedha ghodwa mayjich..mella emarek..wou mella khedma mte3 arab..to93dou metkhalfin 7yetkom kemla..7assilou lé 5alit wou lé ba9it..la79i9a el3aouen ma9al chay..ghazarli..wou tabess ebkollou..ta7et elbirou..wou tla3 mennou labes casque mte3 bop..wou ya khouya ya Tijani..hedhika e5er 7aja netdhakarha..edhlem..edenia k7alet..wou 9ass elfilm ghadi..wou men ba3ed haou fil sbitar kima tra..re9ed..mdagdag fi 7ala.

si Tijani: chkoun elbloulissi

si Tarhoun: taou nadhrab rou7i ebrass..taou nadhrab rou7i ebrass..elboulissi? eyeh elboulissi houa elli etdagdeg ya Tijani..elboulissi..chnoua ba3thinek bech tkamel 3ala jad waldia..haya edhheb men ba7dhay.

si Tijani: chnoua ya Tarhoun..rani nesel nheb nestafser..e5i elboulissi chnoua sarlou

si Tarhoun: wou 3ala baba wou 3ala ra9edtou..tir ya Tijani..tir la n9oumlek

si Tijani: bech t9oum..lé mouch lazem et9oum khallik merta7..haya behi kif et7assanet..rani mil thnia wou eni ned3ilek..

si Tarhoun: aghhhhhhhhhhhh..ahhh

si Tijani: ya Tarhoun..ya Tarhoun..r9adet..erte7 erte7..ataou enji entol 3alik ghodwa./.

7keyet Marouen wel talfza

22 jan

Marouen tfol sghir bari2..wi kima ay tfol sghir fatten..koll chay yerah yedhorlou iktichaf
gharib..echeddou fi mo55ou..wa9tha yabda yet9assa wou yesel 3al 3ella wou benet el3ella..3alech kifech wou wa9tech wou chkoun..el7assel yemrejlek elkbeta mte3ik..lin ya3ref koll mahi saghira wella kabira..tafha wella mouhemma..fil maoudhou3.
Haya marra Marouen 9la9 mil la3eb..khdé elcommande 9al 5alini enlaouej 3ala barnemej mte3 sighar wella comic behi..ahaouka chadd yezappi wi yebaddel..wi cha9leb fil chanette..lin ta7 bi mala to7madou 3o9bah..ebzahrou meskin wou 9bal 3omrou ta7 eb..ech bech ye9oul fommi..fil la7dha hedhika elbara2 etoufoulia mte3ou tba5ret..nsé wou rjel..kbar wou sghar..mil wesfen lil byodh..mil khayeba lil mezyena..wou mil bdan..lil botti..7allin fi b3adhom ja3fria..elrajel laeth..3rou9atou chertella..3amel zouz 9o3ret zit ta7et dhbabtou.. wou lemra ch3arha mchabchab..wou fommha mkachkach..et9oul charba elraghoua..wou le5er ghatess..yefare3 marra fi hedha wou marra fi le5er..wou lebnaya binathom..marra lehia behdha wou marra lehia blo5rin.
Marouen wou9ef 3ala blasstou..3inih mfanglin..fommou ma7loul ta9..wil skhana tal3et elmo5ou..wella 7assess rou7ou mouch kil 3ada..wou 7assess eb7ajet awel marra ye7ess behom..winek ya Marouen wou winek mil chay hedha elkoll..Marouen 3araf wa9tha elli houa mazel sghir..wou denia mazelet m5obia 3alih asrarha..wou fomma baaaarcha 7ouayej mazel maya3rafhomech..wou tdhaker wa9tha klem Si Tijani..9ad mat3ich tchouf wou tet3allem ya woulidi..
Marouen akther 7aja leftetlou entibahou..ennou kifech elmra elmezyena..jet lil rajel wou 9atlou: si flen elfoulani..moutha9af..3alech houa barek 9atlou moutha9af..wou chbih lo5rin masamthomeh moutha9fin..juste flen ben 3llen rais 7ezeb..wou sayda flena ben foulen amina 3amma 3al jam3ia elwatnia..dhrab 5messou fi sdessou..3sarr mo5ou wou estajma3 ma3loumatou..yelaouej 3ala ma3na moutha9af..za3ma ma3netha houa 9aray..wou ya9ra barcha 9issass?ema lo5rin ma3netha mahomech 9araya?mela chbih le5er rais wou houa lé..za3ma houa ya3ref barcha 7ajet..kima pa’ kif neselou mnin ta3ref ye9olli tha9afa 3amma?eyeh 7ata lo5rin ahaoukom yejaoubou s7i7 wou ya7kiou bil klem lekbir..mafhemet chay..rassi wouja3ni mil to5mem..berjoulia 7kaya hedhi tfoutni..wou lazemni na3raf ech ma3neha..7allha nemchi nesel ma’ base hia ta3ref..mahi hia dima t9arini..wou kif neselha tjaouebni bes7i7..bon hia s7i7 ta9ra lesla7 men tali wou eni na3mel rou7i manich feye9 beha..ema hia ta3ref kollll chay.
Mché lommou fil cougina 9a3da mchammra 3ala dhra3atha et9assi fi ka3bet bouga..tetakrem..wel djej lak7el deyer biha.

Marouen: ma’ ma’

Om Marouen: chbik ech t7eb?

Marouen:  ma’ n7eb neselk 7aja ?

Om Marouen: haya fok 3alia manich ne9setek.

Marouen:  aman ma’..bech neselek souel.

Om Marouen: Marouen manich ne9setek taou..eb3edni..rahi elkalba benet elkaleb tal3etli..tchedni men khachmi tatla3 rou7i..edjej lak7al deyer bia.

Marouen:  aman ma’..souel barek.

Om Marouen:oooooh..9adech tkabech..chbik..chbik..ech t7eb..9rit drousek se3a 9bal?

Marouen:  eyeh

Om Marouen:mmm..behi chnoua..ezreb rou7ek

Marouen:  ma’ echma3neha motha9af?

Om Marouen: motha9af!..ken jit ta9ra 3ala rou7ek rak ta3raf ech ma3neha..wenti maz3im ken fil la3eb..al3ab al3ab lin tetsatek.

Marouen:  aman ma’ dima hekka enti..kol man7eb net3allem 7aja..tabda thantel fia.

Om Marouen: madamek enti matefhem ken bil fala9i..9adech men marra nabda nanba7..barra a9ra barra a9ra..e5i machi fi belik ta9ra lili..mak ken etdoubel mata5sar ken enti.

Marouen:  ezzah ma’ dima hekka enti..mat7ebnich net3allam 7ata chay..mani 9otlek 9rit droussi..wou sati..bech touled..wou mazelou majaboulnach mou3aoudha.

Om Marouen: etza7za7 3alia! Behi behi..emmm..melli d5alet lil makteb wou satiyetek elkoll ya 3arssou ya bech youldou..7a9ni samitek sa3ed mouch Marouen..wella na3malek 9obba..tellement woulidi..dhoret yena7ou bik etab3a wou yejibou bik le9boul..wou man7ebekech tet3allem?..maritek tet3allem ken fi bleda wel rkeka..behi wenti win sma3tha?

Marouen: fi talfza 9alou flen ben felten motha9af.

Om Marouen: mmm.. wenti mafhemthech?

Marouen:

Om Marouen: tal9ahom kif y7ebou yochkrou 7ad y9oul alih motha9aff.. par exemple KEN ENI NA7KI 3ALA BOUUEK..N9OUL HEK ELRAJEL ELLI 9A3ED METEKI MAY3AOUENICH LE FIL COUJINA WOU LE YE9ARRI SGHAROU 3ALA ABOUAB EMTI7ANET..WOU 3AMEL FI ROU7OU MAFIBALOUUECH..EN9OUL RAJLI MOTHA9AF.. dharben lougha bte3 twanssa..fhemet taou?

Marouen: lé!

Om Marouen: yeje3lek lé fhemet mak msatak kifou..maz3im ken fil forja fil talfza..barra eselou mahou bou el3orif.

Bou Marouen: YA MAROUEN..SAEYB OMMEK..IJA LENNA..CHBIK CHT7EB..CHBI BABA CHBIK..chbeha ommek t3ayet chebha

Marouen: mana3rafech..tayretleha..t9aecher fil 7out..9alet tchedha men khchamha tatla3 rou7ha.

Bou Marouen: behi ma3adech t9ele9 mama..behi Marouen..5aleha wa7adha..ok ?behi enti chnoua t7eb.

Marouen: pa’ n7eb neselek souel..na3ref tnajem tjaouebni 3alih..3ala khatrek enti adhka wahed wou naja7 fi 7yetek wou eni n7eb enwalli kifek..na3ref kollll chay.

Bou Marouen: sa7it..esel baba esel.

Marouen:  pa’ echma3neha motha9af?

Bou Marouen: ki ttji tchouff ennes elkol moutha9fa..mé kol wehid kiféch..5ater etha9afa subjective

Marouen:  mela 3alech fomma jme3a fil talfza yesamiouhom motha9fin

Bou Marouen: 5ater selon leurs reperes personels et selon les cadres

Marouen:  ah !pa’ mafhemtekech belkol.

Bou Marouen: 5ater edinia des reperes et kol wehid kifech houma dans le cadre du sujet mté3hom houma mittha9fin.

Marouen: fhemet chay..a3lech fil talfza ye9ououl flen elfouleni motha9af..wou lo5rin lé.

Bou Marouen: ba ché pas..trah ba3ed chouaya min 9oddemi.

Marouen mché el5ouh lekbir..essné ya9ra bac..wou yetsamma elmithal ela3la mte3ou fil la9rya..fil madrssa yadhrbou bih elmathal kenou fil 39oulia wel 9rya wou eldiscipline wel torbia..khou Marouen ken elchouchou mte3 elmo3alin..yefasa5 esaboura..wou yejib etabachir elmlaouen..wou yatba3 lil classe..wou ki to5rej elmo3allma..houa elli ye3ess 3al classe wou ye9ayed elmouchaouchin..yejib ennaouar..wou yewassel eljaouebet mabin elmo3almin..wi yeched elfal9a..etc..el7assilou carriere heyla fil madrsa t3adet..maklé feha 7ata dharba bil 3assa..ema klé marra tri7a nabech le9bour men 3and wouled classou elli tardou..Marouen 7al bab bit khouh belchouaya bech mayadha3louch tarkizou..yal9a 5ouh..dharbou 5miri fok elkorsi..7alel fommou ta9..yech5er et9oul bared yeghli.. 9rob ba7dheh wou 93ad we9ef yetfarej fih behit..yedaoua7 fi rassou..wou 9al fi 9albou..hedha elli ye9olenna mat9al9ounich..wou 5arjni mil bit wou khallani enbet fil salla..3ala khater ndhaya3lou tarkizou..wou elli houa lila kemla mayor9odech lil sbeh……
5ouh 7ass bil 7athla..welli fomma chkoun ba7dheh tnfadh wou 93ad 3al korsi wou mad elkorrassa wou 3amal rou7ou ya7fedh. Wou tlafet elMarouen :

Khou Marouen : 9a3ed na9ra manich re9ed

Marouen: ma9tolek chay..wou zid 3andi draj weni wa9ef wou enti makech lenna.

Khou Marouen :Wallah léni re9ed.

Marouen: konet tech5er rahou..wou zid korastek ma9louba

Khou Marouen : Wallah lé..mouch s7i7..mghamadh 3inaya bech na7fadh..wou korassa ma9louba..bech manajamech ntoll menha.

Marouen: ………..abay ma9ouak el9itha fisa3……………behi behi..nheb nesl souel wou n7ebek tjaouebni..na3rfek woulidha wou ken enti tnajem tjaouebni 3alih.

Khou Marouen : chnoua inchalah khir..ezreb matdhaya3nich..wou t9ossli 3al concentration mte3i..rani bac essné..ma3adech bekri..wou d9i9a be7sebha.

Marouen: ech ma3neha motha9af?

Khou Marouen : cultivé.

Marouen: ti lé lé.. fil talfza dima ye9oulou m3ana flen ben falten motha9af..ech yo9zdou beha.

Khou Marouen : ah oui ma3netha..intello.

Marouen: intello ! intellegent ?

Khou Marouen : lé ma3netha intellectuel.

Marouen: ahhhh……….eyeh wou chnoua ma3netha intellectuel.

Khou Marouen : eh !………………..trah ba3ed chouaya mechi lil toilette..ataou njaoubekemba3ed..behi ?

Marouen:  behi.

93ad Marouen yestanna fi khouh elli bet fil toilette..da5let o5et Marouen lil bit..meskina mraoua7a te3ba mahdouda mil khedma..wou rasha youja3 feha..o5et Marouen maitrise finance..nej7et ma bin el 5 loulalin fil promotion mte3ha..9alet madam 3andi souffle enkammel na9ra mastére..jet bech et9addem fi mastere el institut mte3ha..chay 9aloulha elli rahi sné tna7at..9admet fil les mastéres lo5in ma9eblouhech ya 3ala khater wouledhom 3andhom awlaouia..wella 3ala khater hia maitrise wou houma maye9blou ken el licence..el7assilou fil le5er kif ayset..wou fedet..9alet allah ghaleb nemchi ne5dem wakahaou..wou yezzi mil 9raya..elli 9raou metou..wou zid haou 3andi ch’hedeti..wou ba3ed 4 chhour wou hia tlaouej..chedetet 5edma fi centre d’appel..spécialisé fil voyance. Mchélha Marouen yejri.

Marouen: bech tor9ed ?

Okhet Marouen: lé se3a net3achha..3aleh enti ?

Marouen: n7eb selek souel ?

Okhet Marouen: behi emba3ed..enbadel dabchi.

Marouen: lé lé fisa3 fisa3..na3ref elli enti barek fil dar hedhi tnajem tjaouebni.

Okhet Marouen: asma3 ken souel mte3 blédé..e9leb mandhrek men taou

Marouen: lé lé..n7eb na3ref ech ma3neha Motha9af

Okhet Marouen: motha9af! Louah souel hedha zeda enti.

Marouen: sma3et fil talfza ye9oulou flen motha9af.

Okhet Marouen: ah motha9af..houa el 3abed elli ma3andou 7ata 3ale9a fil domaine elli ya7ki 3alih..ema houa civilisé wou 3andou 7ajet wou ara2 ye9oulhom. Bil souri ma3nteha cultivé.

Marouen: mouch intellectuel?

Okhet Marouen: lé cultivé..ta3ref khir menni.

Marouen: ma3netha houa 3abed yeda5el fil khachmou fi mala ya3nih ?

Okhet Marouen: ma3netha houa 3abed yefehmelha..fhemet?

Marouen: ma3netha intellectuel

Okhet Marouen: yehdhorli..lé cultivé.

Marouen: met2akda ?

Okhet Marouen: mana3rafech.

Marouen: ataou nesel ma…maaaaaaaaaaaaa’..maaaaaaaaaaaaaaaa’./.

7keyet Si Tijani wou mardhet Lella Habiba

22 jan

ElHbib wou Radhia mchaou fi char el3asal el masr..wou bi zharhom tech3el thaoura..eddenia de5la b3adha mouta wou majri7..rabi ye9ader elkhir.

3amtek Habiba om Radhia: ya nari 3al bnayti..ya nari ya ndra ech 3amla ghadi..kolou men hak elwach9a eli wa5edha..chad s7i7..chad s7i7 bech yemchiou elmasr fi chhar el3asal..lé trab7ek ya Habib ya weld Aroussia bech terzini fil tofla.

Si Tijani bou Radhia: ya mra yezzi..khalihom chabab yetfarhed..mat5afech mat5afech

3amtek Habiba: taou nindebhom taou..nindebhom..bech thabalni ya Si Tijani 9ali yetfarhdou..edenia cha3la wou kartouch ye5ayet wou houa ye9olli chabab yetfarhed bnayti bech yete9saf chbebha mezelt 3aroussa jdida wou houa ye9oli yetfarhedou kolou mennek kolou mennek 9otlek mata3tihelouch rahou..bech yerzina feha

Si Tijani: ohh ohh..chnoua taou..9ader elkhir ya Habiba..wou hot rabi fi belik..dafa3a elahou makana a3dham.

3amtek Habiba: dafa3a allahou makana a3dhem..9albi 3asarthouli ebhal kelma..ya rasoul lelah..etofla matkalmetech 3andha Jom3a meli weslet..wou houa ye9oli wasa3 belik ti ti kalamha kalamha..etman 3aliha

Si Tijani: metman metman..kalamtha elmarra elli fetit talifounha msaker..wou 7ata ken bech en3aoudelha..ti eni tunisiana w hiyya telecom..wou ma3andi ken bonus..wou zid elroaming yekel yekel flous.

3amtek Habiba:  ya7 choumi ya7..bech ton9otni ya Tijani..eb dammek elbared ti barra sob carta wou kalmha..ya nari 3ala bnayti..rahi kbida ya Tijani kbida.

Si Tijani: ekhi hia mahiach benti zeda..ema en9la9ou fehom louach trah..rahom re9din rahom re9din..ya Sleh..ya Sleh..ija 7ot eljazira 7ot..khalina enchoufou chouaya khbar…..ya latif ya latif..hasbia allah wa ne3ma elwakil..chedda b3adhha fi masr..lé 7abet tahda..walah chay e7amem el9alb..ya Sleh..ech maktoub elouta?

Sleh: fomma el3adid mena elmaouta wou almousabin..wou isabet 4 ajaneb wa maout ethnayn menhom bi isabetihem elbaligha

Si Tijani: ya latif ellotef..rahom 3ilathom mechiouin 3alehom..mché yezzamer wa kahaou elli w7el ghadi

Sleh: yammi yammi..jo3et ne7eb nekel..baba ommi chebha matrodech?

Si Tijani: yedhorli ra9det..ghateha 3ayech woulidi

Sleh: la ya baba 3ineha mazalou ma7loulin.

Si Tijani: ya ltif..ya hbiba..ya hbiba..ech bik ya mra..rod ya mra enkallem fik..matafinich..behi behi..ataou enkalmhom..chbik m3aoujtli fommek..manoubouza?

Sleh: baba..baba..tatla3chi omi saretleha haja? Enhezouha lil sbitar?

Si Tijani: fel allah wa la felik..yerrzini fik..fommek mayet7al ken bech yefaouel bil khayeb. E5i ma3andek matasna3..chedid janbi..barra emchi jarya el3amek Ezzeddine..9olou yeji yechoufha..T7rak sa9ik a3la men rassek.

Sleh: behi.

Si Tijani: ya Sleh matjerich fomma eljaye..ch..ya rasoul ellah chnoua hal cartouche.

Wa tamdhi elayam

Men ghouda..si Noureddine jar Si Tijani..mché yestaltef el lella Habiba. 3ordhou Si Tjani fil salla..metaki 3al banc.

Si Tijani: asslema si Noureddine..hal khta ess3id.

Noureddine : asselma si Tijani..haya echna7welik..inchalah ma3andha saou lella Habiba.

Si Tijani: beraka alahou fik ya si Nouredine..inchalah hadha 7ad elbess

Noureddine : ech na7welha taou..abrakchi..ech 9al etbib.

Si Tijani: elhamdoulah wakahaou..ahayki re9da..terta7..etbib 9al lazemha erra7a etama..9al 7alet ghoch kbira wella sadma t3ardhetlha..rabiye9ader elkhir.

Noureddine : essatar allah ya si Tijani..inchalah labes.

Si Tijani: inchalah..eni elli mouch fehmou..ech ghachechha..konna sahrin labes..badalna eljazeera..wou ma nferou beha ken fi hal 7ala.

Noureddine : tal9aha t7amset mil la5bar..el 9asem 3ala allah..houa chay wallahi..yesa5ef elkafer. Rabi ye9ader elkhir wakahaou.

Si Tijani: edenia wakla b3adha..wou zid Habiba 7assessa..tes5eff 3al b3id..7ata mil wouled Sleh..9rib lé klé rasou elbare7..el jaych naouedh 3alih..mché fi balou mil mlichia.

Noureddine : ya ltif..rabi 9ader wou ltaf..kalamtou bentek Radhia?

Si Tijani: mat7asaltech 3aleha..wou zid ma7abitech en9ala9hom..mak ta3ref 3rayes jdod

Noureddine : lé 3ad ya si Tijani..rahi ommha quand meme..karek 9oltelha.

Si Tijani: na3ref ya si NouSreddine..ema walahi eni mkhayef ken 3al Sleh

Noureddine : 3aleh..tbarkalah Sleh walla rajel taou..mayet5afech 3alih.

Si Tijani: mak ta3ref hedheka fared ka3ba..elwahed dima yerod balou 3alih wou chouaya..wou zid..chahitou ma7loula..mal9it mana3tih yekel..ahaouka..harrani bil masrouf..kaskroutet 3ala ba3dhou..ahaouka khir maydour 3ala rassi

Noureddine : yezzi ya si Tijani..mat9oulech hekka..tfol sghir fi taouer ennoumou..lazmou Etaghdhia

Si Tijani: eyeh..rvh men taghdhia..ti fi 3omrou hedha youzen 80ti..ti mata3rfouch enti..ti ken enhar yal9ani eni wou ommou madhounin bil
zit..mayozrotna lethnin..rahou wahef..weldi wou na3rfou

Noureddine :…elwahed ye9oul tbarkalah wakahaou..eni walahi ya si Tijani..7ata eni weldi Hazem mkhaouefni barcha..7asess elli eni wou Souad m9asrin fil lahoua bih.

Si Tijani: echna7welha lella Souad..3andi barcha marithech ..mestenss enraha..tji ta9dhi men 3and Far7at.

Noureddine : walahi labes..tsallem 3alik wou 9atlek inchalah bil lotef el lalla Habiba..9alet etji emba3ed etoll 3aliha..bech etji m3a maret

Ezzeddine..walahi lahia t9ari fi Hazem mak ta3ref el emti7anet 9orbou..wou zid manekdhebech 3alik..eltremistra elli fetet majabech mo3adel behi.

Si Tijani: e5i el bultanet jaou?

Noureddine : taou 3andhom joma3tin..cha3mal Sleh..neuvieme houa essné?

Si Tijani: wlahi lé fi beli..bouh elkaleb..9ali mazelt majatech elbulletin 3ala khater elthaoura..ataou netfahmou ya Sleh ataou netfahmou.

Noureddine : ah ah..haou tla3 ki Hazem..elbultein ye5abiha..fi 93ar edenia..wou ya3mel rou7ou ma3albalouch. Eni walahi weldi emhabalni..wou mda5ali elweswes fi mo55i..ya sidi..3andou taoua modda..kol marra yejini yotlobni fi dinar wella alfin..dinar alfin..mankedhebech 3alik chakit fil la7kaya..9olet chnoua taou..kol youm la7kaya..base fomma enna..9olet nesel ommou..wou na7na fil farech bech nor9dou..9oltelha:

Si Tijani: ayeh a7kili a7kili

Noureddine : Souad Souad r9adet

Souad: mazlet 3aleh

Noureddine : mator9odech mezel ellil touli wou 3andi man9ollik

Souad: chnoua noura..mezelna nhar khmis rahou

Noureddine : na3ref mouch 3ala hedheka..3ala 7aja o5ra rahou

Souad: inchalah khir..labes?

Noureddine : souad weldek kber

Souad: mela chnoua weldi rajel

Noureddine : ya souad rahou weledek walat 3andou san3a jdida

Souad: chnia smella la3dhim..chbih Hazem..mat9ollich weldi Hazem tla3…

Noureddine : chnia..elotef..hedha 7add mo55ek..ema rahou kol youm yeji yotlobni fi dinar wella alfin..la7kaya ghriba

Souad: wou 3adech bih..masroufou.

Noureddine : weldek lazmou chahria 3al dazza hedhi..wou eni mouch 3aref fin yosrof fehom

Souad: yezzi ya rajel..khalih kif andadou..shabou elli fi 3omrou elkol kifou..wou zid weledek elwahid..hedha elkoll na3mlou fih lechkoun mehou lilou.

Noureddine : eni kif konet sghir makonetech kifou

Souad: Noura..e5i enti konet marra sghir?

Noureddine : bellahi..lé touledet bechlaghmi..zid etma9sess zid..eni en9oulelha elli weldek tra fech ya3mel men wourana wenti tetmanyek

Souad: taoua chbik chbik..fech ritou ya3mel

Noureddine : za3ma yatla3chi yetkayef? Enti machimetech 3alih ri7et do5an..mal9itech marra elwou9ida mafommech..chouaya 7chicha mte3souager fi jibou..farkastou farkstou?

Souad: manekdhebech 3lik..lé..ema sa3at yeraoua7 ri7tou kolha do5an..7ata men trikouh elkhal3a..9otlou tetkayef 9ali lé..wou zid souab3ou wou fommou mafihomech ri7a

Noureddine : ya7 yatla3chi yochrob wella yezabret

Souad: weldi Hazem yezabret,..abadan yasta7il..hedheka ech mazel..ken jé bel7a9 rani fe9et bih

Noureddine : mela hal dinar wel alfin ech ya3mel behom..za3ma yemchi lil 9ahwa?

Souad: eni seltou marra..nsa9si fih..9otlou to93dou fil 9ahwa..9ali ya ma’ lé..moula el9ahw may7ebech yeda5alna 9al na7na mazelna sghar.

Noureddine : chnia la7kaya mela..asma3 eni chekek yatla3chi 3andou sahebtou ysrof 3aleha..3ala khater dima talifounou ysoni..wou men ba3ed yeji yotleb menni alfin

Souad: bellahi..yosref 3ala sahabtou alfin…belahi win 3ayech..ech ya3mlou alfin taou..mella

Noureddine : 3ad hana konna 9bal no5rjou wou netfarhdou eb alfin wou nos nhaytou tletha laf..wou na3mlou jaou

Souad: bellahi yezzi matdhkarnich..9ali na3mlou jaou..eb 3 alaf..nadhrbiouha 3ala sa9ina machi wou jay..wou fil le5er ta5ouli gazouza..elli khasrou baba sbabet 3alia..mayebni dar 3al theni..belehi or9od..konet 3amla jaou..wou kenek 3ala weldek….menek lih..barra eslou..rassi waja3thouli..9alli konna na3mlou jaou..efff mennek

Si Tijani: kahaou?..wou men ba3ed r9adtou?

Noureddine : eyeh..r9adna 3aleh!

Si Tijani: masta 7keytek

Noureddine : estana ya si Tijani haou jek la7dith..Haya ya sidi men ghodwa 9a3ed meteki..wou Hazem yetfarej fil talfza..sonna portablouih..appel jah..eni ghzartlou eb taref 3ini..wou 3amalet rou7i mafeye9 ebchay….nchoufou ech yamel..chay 9am wou 9alli:

Hazem: baba en7otlek eljazeera?

Noureddine : 7ot 7ot wou9yet khalina enchoufou ech 3amlou fi masr

Hazem: baba a3tini alfin

Noureddine : jinahachi!..louah wallit bil kré tbadel etalfza

Hazem: mezyena mennek hedhi pa’..haya 7achti behom

Noureddine : louach

Hazem: 7achti behom

Noureddine : ech bech ta3mel behom?

Hazem: chay

Noureddine : mela ki chay..louach na3tik fehom

Hazem: haya pa’ 3ad..yestanaou fia

Noureddine : chkoun

Hazem: s7abi

Noureddine : win machin

Hazem: ti haya pa’ chbik tesel barcha

Noureddine : rak kathertleha rahou..kol youm alfin kol youm alifin..hez matrod ejbel tethad

Hazem: ti haya ya pa’chbik ta7ki kil 3zeyez bil amthel cha3bia..haya pa’ 3ad chbik 7ala eza7

Noureddine : 7ala..hekka tkallme fia..wou etza7a7 fou9 men hakka..la3netellah 3alik mate5chemech

Hazem: behi samahni pa’ ema rak temrej walit..alfin rahou mouch barcha..wou zid ech 3andek ta3mel behom..

Noureddine : enkhales behom l’étude mte3ik wou 7ata ken nefe3

Hazem: ti chnoua pa’ bech tdhelni 3ala alfin ti ataou enraja3homlek

Noureddine : ayah ya sidi..kifech bech traja3hom

Hazem: ki nekber wou nwali ne5dem

Noureddine : ti 7ata tenje7..bech te5dem

Hazem: ti chnoua pa’ mouch lazem..ezzah jab rabi jit weldek ekwahid..manich mechi hani 9a3ed ba7dhek mouch lazem..louled elkoll bouathom ya3tiouhom flouss ella eni lazemni netmerej..

Noureddine : mouch lazem temchi..a7ssen

………..berjoulia ghazrtlou..sakhafni..mkatef yedih.. mdankess rassou..portablih yena9ozz wou houa yoghzrlou yetnahed wou yoghzroli 3ala jnab..sada9ni cha3ra lé bkit..weldi Hazem elwahid..manbouz..dhakarni fi rou7i kifech..konet sghir..9otlou mana3tik ella mat9oli win mechi wou ech bech ta3mel behom

Hazem: m3a shabi machi nal3ab

Noureddine : win

Hazem: lenna

Noureddine : win lenna

Hazem: ti lenna

Noureddine : matemrejnich..eyeh win

Hazem: chnoua pa’ sghir eni

Noureddine : asma3ni..mademek mat7ebech et9oul bech nemchi m3ak win mechi

Hazem: lé 3ad pa..mouch faza

Noureddine : mayhemnich..sa9i sa9ek..nheb nemchi m3ak..sinon mafommech flous..ghazar menna elmenna talifounou zed sonna..9alli pa’ haya 3ad chbik hekka..walahi yestanaou

Noureddine : eni hekka..khalihom yestanaou

Hazem: ezzah ya pa’..behiii haya m3aya…bech t7achamni ezzah…

Noureddine : 3alleh test3ar men bouk?

Hazem: lé ema mouch faza 9odem louled..ma7leni jeyeb baba m3aya ech bech ye9oulou..mechi lil raoudha..behi behi haya haya

Ya sidi mchit m3ah..dorna douret dar jamel el7ajjem wou 9ademna ba7dha dar Ezzeddine..wou 9ali rit el7anout hedheka..machi elghadi..9otlou de5el m3ak..

Hazem: paaaaaa’ wallahi mouch faza..dima hekka ta3malli t7achamnni..

Noureddine : se9i se9ik..

ya sidi mchina..houa ki trah mahouch 7anout..et9oul birou arab..bab sghir alluminum matra mennou chay..wou fil 7it maktoub bi la7mar..plystation..ya sidi nahna hekka wou yet7al elbab..wou fouar mte3 do5an..kharjet et9oul 7ri9a elda5el wou fi westha zahmoula ka7la et9oul kharej menha 3efrit skander..manekdhebech 3alik..tefja3et..chay yatla3 fare5 sghir manzouss..ghzarli 9oul g7erli..hazzni wou nfadhni martin..wou men ba3ed ghazr el Hazem wou 9allou..ahla Hazem chbik emakher men bekri wou eni na3mallek fil les appels

Hazem: asslema Fich Fich..t3alet chouya..chnoua bditou sayé

FichFich: bdina wou kamalna..el7assilou fetek tore7 kbir..kharajtou yebki..haya ahoukom ejme3 elde5el..annast bih..

ya sidi d5alna..wou kerchi daret.chay ya3ser el9aleb wel.msarn..ri7a rahi ri7a..touja3 el9aleb..lé ta3rafha ri7et dhabbet 3ala ri7et sbabet..3ala chay ndé..wou zid do5an bayet m3a ri7et enfass wou la3bed elli naffset rou7ha..3inaya dam3ou..el7asel..ri7a tjayef..wou eskhana..et9oul da5el elborken..elda5el matra chay..ken elsouger yeche3lou nkot nkot 7mor wou woujouh tafja3 dhareb feha dhaou elécronet..et9oul 3abebeth..eni d5alet wou la3bed elkol sektet..wou ghazrouli bahtin..et9oul 3eryn..tlaftli Hassen..9ali asslema si Noureddine..naouratna..jit m3a Hazem elyoum..9otlou ahla Hassan..labes chnoua enti eli 7alel el play?..lé si Noureddine..juste lahi lenna..en3aouen lin yessahel rabbi..9otlou lin yessahel rabbi wou yenoub wou tal9a khedma?..lé si Noureddine..lin yessahel rabbi ou njamel 7a99 7ar9a..el7asel 9alli Hazem weldi..pa’ kahaou 3ad hak jit wou ritni ech bech na3mel..tnajem traoua7 taou

Noureddine : bellahi tared fia?

Hazem: mela e5i bech tal3ab m3aya?

Noureddine : e5i mest3ar menni?

Hazem: eye..ti lé ..wenti ta3ref tal3ab..

Noureddine : eyeh ech feha 3elem eladaon

Hazem: za3ma tnajem rou7ek..s3iba 3alik rahi

Noureddine : de5el 3ala 3arka ma7ssoub..haya yezzi men se7et elro93a mte3ik..

Khdhina blassa wou 7atlena lo3ba mte3 foot..wou 3atani elmanett fi yeddi wou bdé ye5tar fil
jam3iyet..9otlou ya Hazem hal kcho5 elli msaourin fil 7it mte3 chkoun..9alli bechkam delpiero wou hedha messi wou ronaldinho..ebsara7a etsaouer yejou kol chay ken bechkam wou delpiero..elli yessaouer abde3 fi tchouihom..3andou bountou behom..9otlou hummmm sara hedheka houa delpiero..9ali lé pa’ hedheka beckham..delpiero le5er..

Noureddine : ahhhhhh..

Hazem: o93ed ya pa’ la3bed toghzorlek..et9oul 3omrek marit jouerett..

haya bdina..tlafatli Hazem wou 9ali..nabdaou 7adher?

Noureddine : ok haya vas y..

Hazem: asma3 pa’ mentaou en9ollek..mat7achemnich

Noureddine : chnoua..behi behi..haya 3ad al3ab

tic tac..ya fete7..elbountou elloul..mafhemet chay..chkoun marka..9ali eni pa’..chnoua pa’ et7eb ensayess 3alik?..9otlou lé lé..juste makontechconcentré..manekdhebech 3alik ya si Tijani..jil taou 9addechi narr tech3el fil koll mahou electronique..eni souab3i dhay3a fi hek elboutounet..et9oul 3amelin bel3ani mahomech mtaou3ini..wel boutounet 9add makanou yedhourli kbar wou 9rab leb3adhom..wel manette khfifa..3ala 9ad ma wallit 7assess beha matetchadech wel boutounet sghaar wou mtaychin fil chiret elkoll..ahouka 3in 3al talfza..wou 3in 3al manette..met7ammess..bdét tatl3ali esskhana..wou bdit net7ammess..nor3ech fou9 hek elkorsi..m3a koll action..nethazz wou netenfadh..haou enmil 3al lissar haou 3al limin..haou nenfodh rou7i el9oddem haou 9cha3et rou7i eltali..el7assilou el7akra akther mil fe3el..zouz passet 3ala b3adhom manajamtech na3malhom..nchout fil smé et9oul engammer fil projectoret..wou Hazem welahou lenna..et9oul 7ajra ba7dheya..9a3ed fi nafess el position..3inih marchou9in fil talfza..wou souab3ou taktek taktik 3al manette..9ali Hazem..pa’ sayess wou arka7..late9leb 3alina etalfza.. Haya mankedhebech 3alik..elbountou ethani..ethalith..elrabe3..elsebe3..eltese3..wou louled wouraya..yenabbrou wou yadh7kou..ya Hazem ken bech tkammel hekka bech tetplanta elplay..wou ya Hassen lazmek etjib écran géant bech yenajm yarfa3 elscore..wou ya7 chou kifeh ya3mel et9oul dharbou elcourant..wou sa3at kif enjibha elbarra..ye9oulou lazem na3mloulek goal bil sekka..bech tnajem etmarki..wou eni seket khaness..wekel 3ala rassi wou 3amel rou7i manich nasma3 fi chay..tlafet Hazem..haya yezzi ya pa’?

Noureddine : lé enkamlou etore7..

Hazem: ya pa’..rak msa5afni

Noureddine : cava cava..kammel kammel

haya wouselna 3achra blech..jé Hassen..wou9ef ba7dhena..ghazrr..9all trah a3mlou pause..bdé
yethabet fil branchement mte3 elmanette mte3i..jarreb chouaya..9olet za3ma tatla3 elmanette 3adma inchalah ya rabbi..7ata hia mella fdhi7a..tfatli Hassen wou 9alli..si Noureddin mché fi bali elmanette 3adma..ema c bon labes 3aleha..elmochkla mouch feha..sabb 3alia stall mé bered el7assilou..matasma3 ken fil hi hi hi mentali..wou eni ensebb fi 9albi fi haka Hassen wou netbassem fi ebtissama safraouia..haya eni hekka wou na3mel contre attaque rassi rass elgoal..nejri nejri..eni bech enchout..

Si Tijani: 9ass edhaou?

Noureddine : lé ema Hazem yeti7li ebtacle fil 18..penality..men ghir manoch3er..wou 9efet wou bdit en3ayet..welyéééé..yesssss..chnoua Hazem tadhrab wallité..ghazrli Hazem mestalbess..wou 9alli wou houa msaker 3ala chfayfou..pa’ o93ed 7achemtna..tlafatlou sahbou 9allou..chnoua Hazem bel3ani 3amaltha..tse3ed fi bouk?..9allou wallah lé wallah lé..haya chadit hek el manette bech enchout el penality..wou jme3a elkoll wa9fin wouraya..deja fomma chkoun jé mil chare3..sma3 elkhoumadha d5al..la3bed elkoll concentré..haya en9addem wen wa5er..wou jme3a wouraya..9atelhom elsuspens..wou nenzel 3al bouton..wou elkoora ensata7ha..wou matasma3 men talii ejme3a elkoll fared kelma..DHAYA3HA..MELLA BHIIIIIIIIIIIM..eni dhobet kil mel7a fi blasti..tfa7amet..thantelit 9oddem weldi elwahid..houa ghazrli..met2assef..wou 9alli pa’..

Noureddine : en3amm Hazem..

Hazem: yezzik etnajem etraoua7..

Noureddine : 7atit elmanette..wou 9omet 5arej..mdankess rassi..ejme3 elkoll toghzorli wa9fa wou sekta..et9oul mit met3eddi..Hassen ma7abech yoghzorli..khaf lé yetarcha9 bil dho7ek..eni wouselet lil bab enkarker fi adheyl elkhayba..wou nonfedh fil ba5ess..5lat 3alia Hazem..paaaaaaa’paaaaaaaaaaa’..estannani ya paaaaa’..tfatlou fared talfita..kollha amal..na3ref weldi elwa7id maye5alinich enraoua7 mo7bat wa7di..9otlou en3am weldi elghali..9alli pa’ khaless etor7 ranna nal3abou gagnant..tetsaouer ya si Tijani..chnoua yessir fia..ech 9aoulek.

Si Tijani: T7eb elrassmi jebtou elrou7ek testahel 9allek matemchich m3aya..wou zid ken 9ass edhaou wa9tha khir..cht7eblek doua ya ltif..dododd..dododd..mela 7ala fik..3ala kelma 7kali 9esset 7ayetou..ne9ssek eni./.

7keyet si Tarhoun fi senya

22 jan

Si Tarhoun elyoum chad ethnia lil bled bech ya3mel talla 3al henchir yechouf a7welou..taoua 3andou modda mamchech 3amalech talla pusique elkhidma cheddetou wel masouliya chaghletou..si Tarhoun yetsamma chef fil khedma mte3ou..men a9dem les agents elmaoujoudin..zorsa mil zrous le9dom wou wahed mil les msamer lemkhazeza elli yet3adaou 3al souabe3 min systeme: na7na 9bal..wou jil taou..wou fi 3omorkom..wou konna 9bal..wou taoua ma3adech fomma rou7..echarika tebnet 3ala ktafna..ila5 ila5 ila5..houa ma7soub taou mazelou 9rib el3am wou yo5rej entrit..wou hedha em2ather barcha fih..elcharika wel khedma..tetsama martou loula..weldou elbeker..elli may5amem ken fiha..elli 3ateha men johdou wou men 3omrou..wou hia nharet elli kber bech tet5alla 3alih.
Ahaouka haz el R18 mte3ou..welli 3andha min mousafet esali7in..ennha temchi eb9odret rabbi..wou betbi3a elbarka..matefhmounich bil ghalet no9sed kol mast7a9ha el9aha barka..9am m3a elkhamsa mte3 sbeh.. ahouka ye5roj berki fil broud..9bal mat9ayel 3lih el9ayla el7anannia.. tfa9ed ezzit wetfa9ed elmé..wou 3amal talla 3al 3ajeli wou elhoua.. samma besmella wou 9ra elma3oudhatin..wou d3a edda3aoua esaba7ia..ya rabi ya moulana..inchalah elkarahaba mata3melhach fia..chadd enthnia..cha9 el GP1..wel kayesset elfar3iya..tabe3 wou mché woura
leblayek..lin youfaou el7ajrat elkilométria..edachra mte3 si Tarhoun..ma7soub dachra tab3a dachra..kima ye9oul weld 3ammou Mattar..bledna zouz diar wou kaleb..wou ki 5raj menha Tarhoun wallet zouz diar barek..si Tarhoun taoua 3andou 9rib el 35 sné melli khraj mil bled..nharetha
yetdhaker kima elyoum..7lef ennou yehej wou ma3adech yarja3 lil bled..yechouf mosta9blou fil medina..bouh chaj3ou 3al fekra..wou 9allou mat5afech 3alina..blech bik ennajmou en3ichou khir..wou ommou mil bké 3ayet..ra9det wou nset ma7dhretlouch zedou wou zouedou..si Tarhoun 5raj mel bled wou elghossa fi 9albou..houa ken naoui ba3ed el9raya ennou yo93ed fil bled..ye3aouen fil senya bessif 3ala bouh..mouch m7abba fil fle7a wella wouled el7ouma..wella elmakla eddyeri wel kass etay el3a9ed men yedyet ommou..wella tore7 elrounda fi 7anout
AbdelKrim..ema 7ab yo93ed 3ala khater Salha..Salha..awel tofla si Tarhoun 7abha ba3ed ommou wou elmra elli fi bakou elshampoing..7abha mil soghra..melli ken yemchi lil madrsa..wou yet3adda 9oddem 7ouchhom..koll sbeh may7ess elli echames zor9et ken kif yeraha..may7ess ennou nachet wou nefe7 bil 9raya ken kif yal9aha..si Tarhoun 7ab Salha fi koll 7aletha..kif t9oum essbe7 metdahchra, mda3mcha wou tadh7aklou..kif yal9aha bil sberka tokness wou toghzorlou..3ejbetou kif raha tijri wou ta7sser fil edjjej..wou kif tabda tetba5ter t5arej fil sobba lil kleb..9albou yedo9 elsoutha wou hia tnech fil djej wel 9tates 3al 3oula..dhaoubou kif sma3ha t3yet takel fi tri7a men 3and bouha..si Tarhoun..3ala khlef andadou yekrah enhar la7ad..3ala khatrou mayal9ach sebba bech yenajem yera Salha..7ata khouha ma7abech yesou7bou..kber si Tarhoun wou kbret m3ah Salha..wou 7obou leha kber m3a 9albou..nharet elli nja7 fil sixieme..si Tarhoun bké fin nhar fer7etlou la3bad elkoll..3aref rou7ou bech yewali bayet..wel madrasa ma3adech bech tkounlou..sabilou bech yera Salha..wou bech yeb3ed mil bled..si Tarhoun nharetha bké
martin..elloula mil 7ozen wel thania mil far7a kif jet Salha hia wou ommha wou boha wou 5oha bech yehaniouh..khyel yeddha eltaou bin yedih..wou southa wou hia et9ollou: “Mabrouk elsadssa Tarhoun wou5ay” mazel yetarcha9 fi wedhnih..Si Tarhoun kber wou m3a koll tletha jom3at yeraoua7..yabda fil car..ye7adher fi rou7ou kifech bach ye3aber 3ala macha3rou elSalha..yabda ye9ra fi 9albou wi 3aoued..yest5ayel wou yetwa9a3..wou kif yeji lil rassmi ye7chem wou yetplanta..wou yet3adda 9oddem darhom yezreb..bech maychoufouch bouha..

wa tamdhi elayam..wou nhar mil nharat fil sle3a..si Tarhoun 9a3ed fil eddar..yebared fil 9ayla..wou yasma3 ezaghrid..séel ommou fare7 chkoun..9atlou ekhi wenta matedrich..mahi Salha khdhet..sadmet el3omri kollou..si Tarhoun wejhou byadh..te9ta3 mennou eddam..soutou hrab m3adech yenajem yante9..grejmou che7ou fi 7al9ou..welra3cha meknetlou badnou.7ass kelli chkoun fomma daghrou fi dhahrou..7ass rou7ou wa7dou wou ka3bouret ellchouk mte3 elwestern tejri 9oddemou..7ass bil ennar che3la fi jachou..khraje nagezz yejri bech may9oumech yebki..3adh souab3ou 3al wa9et elli dhay3ou..ech bech ya3mel taou..chnoua masirou..chnoua ma3na 7yetou..fil le5er 3fass 3ala 9albou
wou 9al rabbi yehanneha wou yorzo9ha bil dhoria elsal7a..khraj si Tarhoun mel bled 7att fi 9albou wou 3amal 7yetou..daber wadhifa behia..wou chré karahba R18..wou nhar hazz darhom bech yo5tob tofla bent dar wou thanni..3arfouh 3aleha s7abou..jebou zouz wouled mdar3inlou 5ouatrou..

Haya sidi ben sidek..elpiste bdét..wou m3aha bdet tdhhor eldéfauet wel mou3anet mte3 elR18..rkazi wou 7for..wel les amortisseurs mouch m9assrin..si Tarhoun bkollou yethazz wou yetnefadh..et 9oul rakeb fi ja7fa..wou zid m3a elghbaber wou ri7et laghbar..si Tarhoun mal9ach 7all m3a elchobbek..ken ye7lou mayeslem mil kleb..wou zid khche5chou bil trebba temlet..wou ken yesakrou b3ochra yemout ya makhnou9 ya maghrou9 fi 3rou9atou chertellah..el7assilou si Tarhoun fedd..7ab ye7el elchobbek elli mel jiha lo5ra..tmad 3al janbou..yedd chedda fil volon wou yedd lo5ra tlaouej 3al couba elli ye7el beha elchobbek..ech dhohret b3iida..9rib wou lé teftel..3in 3al kayess..hareb mil 7for wou touabi wou eddjej..wou 3in 3al koubet el chobbek..3eddek bih ya7ouel…haya khtaf elcouba..wou bdéchi yedaouer..elkouba jet fi yeddou..yana3ann..tfih..tfih..mouch lazem..hani 3edek bia wouselet..nhar mchoum dhaher men awoulou..haya e5er doura wou si Tarhoun el9a rou7ou fi elsanya..wa9ef elkarahba..ta7et tabia mte3 hendi..khdhé nfass kbir..yaaaaaa karim..wou hbat..de5el ba3dhou..dabchou yet3assrou fil 3ara9..et9oul bayel 3ala rou7ou..souritou et9oul feha zouz b9ye3 mte3 zit ta7et dhababtou..souritou..wou trikouh el5al3a 3ala barra..wejhou yalma3..bil khabra wou el3rou9at..cha3rou mchabchab..yana3annnn..elawahed ethantel fi hal mechia..el9asem 3ala allah..3amal nadhra ta2amoulia 3al seniya..tlétha kleb 3arbi sfor wou mou7chin kima na3ref eni..m9aylin fil dholl ta7et zitouna..hazou ryousshom..wou 9a3dou yoghzroulou bi chtarr 3in..si Tarhoun ghazrelhom..wou 9al ma3aycha feha ken lekleb..ennoum wel mekla..mou7chin wou mostamt3in yelaoujou 3al broud et9oul canichet..mafhemtech fech yesl7ou..lé 3assa wou lé sar7in m3a laghnam..haya tlafet..9addem lil eddouira elli 3amllinha bech yebet feha si Jom3a elkhammess elli lahilou bil ardh..mazel ma3malchi khatoutin..wou hek tletha kleb..yenagzouz yejrioulou..yanb7ou sinnahom..kharjin sekekin men femhom..si Tarhoun tefja3 nagezz fared tnagiza arb3a mitrou eltali..lekleb mchaoulou..we9fou ba7dheh..3atin jehdhom fil
nbi7..mkachekchin..rigethom sayla et9oul saboun..cha3ra wou lé 3amlha 3ala rou7ou..si Tarhoun chadd 7ajra..cherr na3an boukom..cherr cherrrr..na3annn..ti cherrr..hal nhar la7ref hedha..cherrrr..ya Jom3a..yaaaaaaa Jom3a..ti cherrr ti cherrrr..ya Jom3a ya Jom3a……ahouka 93ad darjin wou houa wa9ef metmasmer fi blastou..chaded 7ajra fi yeddou..yethaded beha..wou hek lekleb yetrat7ou 3alih..kol marra yehij 3alih wahed..wou men ba3ed..9al9ou mennou..mcheou wou raj3ou lil zitouna..jedd waldehom elkaleb..cha3ra wou lé mott bil 9aleb..lazem en9oul elJom3a yorbtohom..ya nhar yemachmchou wahed..wou lé 3ad..si Jom3a wala 3ala balou..souti b7a7 wou lekleb faz3ouha bil nbi7..wou lé 7ab wahed yejaouebni fi hal eddar.
Wou9ef si Tarhoun 9oddem elbab..marra yedo9 wou marra ya3mel talla 3al kleb..da9..da9..ya Jom3a..yaaaa Jom3a..ya emmali  eddar..chayyyyyyy..za3ma mafomma 7ad..ghriba..eyyyyyyh..mat9olich jit wou houa mouch houni..emhamel elsaniya wa7adha..haya
houa hekkaka..wou yo5rej wahed mil eddar..labes 9achabia..7altou wou ri7tou mouch hia..mashoud bil chames..msaoued mlaoued

Si Tarhoun: asslema..e5i matsm3ouch wella chnoua..lekleb tanba7 wou men bekri wou eni ennadi wou endo99?

Elwouled: sarra thrinthom yanb7ou 3alik?

Si Tarhoun: lé 3ala ommi..so5net 3alehom edenia wallaou yanb7ou wa7adhom..bellahi kif makomech lahin behom..mrobinhom louach..mahou ya torbtohom ya tna7iouhom..mouch hekka msaybinhom..yadhiou la3bed..winou Jom3a

Elwouled: wenta menhou?…..estanna estanna..Si Tarhouuuunn..ya marahaba.. ya marahaba..labes si Tarhoun..chini 7alek oumourek megdia?

Si Tarhoun: labes hamdoulah..lé lé manghir bouss..menghir bouss…….ti 9otlek men ghir bouss..ti maritech 7altek..ti 9oul 7alti anten men 7altek..hat boustin hat..miselich…yezzi ti yezzi..ti ba3ed..chnia hedhi..chnia hal ri7a echayta hedhi..fiiiiiiiiiiit..ti na7eha hal 9achabia..ti
na7eha..chnoua hal 3afen hedha ya rabbi..e5i man3in 3alik elmé..e5i jom3a may5alikech etdaouech?..wou chnia hal riga hedhi (si tarhoun yamsa7 fi khaddou)..ti hay tetzalbet hia..ye333..ti hay khnena hia..ekhih ekhih..ti barra barra..ti kollek cholera rak…..

Elwouled: weldhaher si Tarhoun ma3arftinch

Si Tarhoun: lé ma3araftekech..weled si Jom3a 3ala ma’adhon

Elwouled: Bal7ag ma3raftinich

Si Tarhoun: ma3arftekech..matechbehech elbouk

Elwouled: Bal7ag ma3raftinich..si Tarhoun.. Bal7ag ma3raftinich

Si Tarhoun: lé ma3raftekech

Elwouled: Bal7ag ma3raftinich

Si Tarhoun: ma3raftekech..Ti chkounek

Elwouled: Ti né ya si Tarhoun..ma3raftnich

Si Tarhoun: Ya weldi walahi lé 3araftek..wou rass la3zouza la3arfetek

Elwouled: Ghriba..malla si Tarhoun ma3rafnich

Si Tarhoun: Léh tatla3chi Abdelwaheb wou mafibelich bik..ti chkounek

Elwouled: Ya wallah a7wel ma3raftinich..goul goul lé s7i7 ma3raftnich

Si Tarhoun: Yaaaa rabbi..3araftek..3araftek

Elwouled: Behi gouli né chkoun

Si Tarhoun: Mani 9otlek 3arftek

Elwouled: Behi gouli né chkoun

Si Tarhoun: Mana3rfekech

Elwouled: Mata3refnich..mouch golet né na3rfek taou..ekhi ma3raftnich

Si Tarhoun: Eni sfih..eni sfih..ma3raftekech..9olli enti chkounek

Elwouled: Bal7ag ma3raftnich..ti né si Tarhoun..ma3raftnich..echba7ni mli7..ma3raftnich

Si Tarhoun: Hein..hein..hani ghazratlek mli7..chay ma3raftekech

Elwouled: Ghriba ma3raftnich

Si Tarhoun: Ya rasoul elah bihim hedha wella ech bih..Ya weldi wou rass awledi..walah walah saaaaama7ni ma3raftekech..Ya sidi khalini en9oul ma39altekech..wejeh mouch ghrib 3alia ema rani mana3rfekech..ya weldi mouch mo79rania fik rahou..ema alaha ghaleb 3omor mak ta3ref manich sghayer..wou msalli 3al nebi rajel rak..tbedelet

Elwouled: Tebasser 3alia si Tarhoun ma3raftnich

Si Tarhoun: Ya dini bech yetala3ali gholdh edam..ech chnoua hal hamm hedha

Elwouled: Ekhi tbasser wella chia..ma3raftnich

Si Tarhoun: Ohhhhhhhh ti fok 3ad..3eff 3eff ya rabbi 3ala chkoun saba7et elyoum..Ti barra 3ayetlli elbouk rak chaya7tli ri9i eychaye7 ri9ek

Elwouled: Goul goul ma3raftnich

Si Tarhoun: Ya na3an waldin enhar elli 3arftik fih wella bech na3rfek fih..ti chkounek..9olli echkounek

Elwouled: Né ya si Tarhoun..ma3raftnich

Si Tarhoun: Ohhhhh..en9ata3 cha3ri taou..wa weldi MA3RAFTEKECH..MA3RAFTEKECH..YA NA3ANN…………………….estaghfarlah la3adhim..bech tkafarni hal sbe7..eni en9ollou echkounek wou houa ye9olli ma3arftichééé..TI CHKOUNEK CHKOUNEK

Elwouled: Goul enta goul..ti né si Tarhoun..né..ma3raftnich

Si Tarhoun: YA RABBI YA RABBI..CHA3MALET HAL SBE7..CHA3MALET..CHNIA HAL MSATEK HEDHA..EKHI 9OLLI 9OLLI NA7KI BIL CHINOIS..9OTLEK MA3RAFTEKECH..MA3RAFTEKECH..YA RASSOUUL ELLAH NADHREB ROU7I EBRASS..NADHREB ROU7I EBRASS..uuuh..uuuh..uuuh..WOU RASS OMMI..WOU RASS OMMI..MEZELT ET9OLLI MA3RAFTINICH..ENBASSI 3ALIK ELYOUM..uuuh..uuuh..uuuh..uuuh..uuuh..uuuh..ya7bena bech yo9tolni

…………..93ad si Tarhoun meloui 3ala zouz..3rou9ou kharjet 3ala barra…ya5ou wi raja3 fil nfass bessif..wou louled yoghzorlou seket…………..

Si Tarhoun: Chbik toghzorli..chbik

Elwouled: Si Tarhoun labaas

Si Tarhoun: Uuuh…uuh..eb3edni enwalli labes

Elwouled: Si Tarhoun labaas ?

Si Tarhoun: Labes labes..3aytali elbouk 3ayech weldi..3ayatli elbouk

Elwouled: Si Tarhoun bech engollik 7éja

Si Tarhoun: Chbik..bra7met bouk eb3edni hal nhar..rani kbir wou 9albi ma3adech yesta7mel

Elwouled: Taou si Tarhoun Goulli..kifech né na3rfek..wou enta ma3raftnich

Si Tarhoun: YA NA3AN MADHEBB BOUK..IJA LENA IJA..EKHI CHBIK ELYOUM..MESTA9SADNI..MESTA9SADNI..LAZINEK 3ALIA WELLA CHBIK..EKHI MATEFHEMECH..MA3RAFTEKECH..WOU MAN7EBECH NA3RFEK

Elwouled: Saybni si Tarhoun..yar7am ebayek sayabni

Si Tarhoun: Tiiiir men 9odeemi taou..lé na3mel fik ba3edh la3mayel

Elwouled: Ti saybni..mata3rafnich wou theb tadhrabni..wou né na3rfek..hani né machi

Si Tarhoun: Chou mazel chedd s7i7..Barra ri7 essedd..wou inchalah tasba7 maya3rfek 7add..ya Jom3a yaa Jom3a..ti winou hedha zeda

We9fet 404 ba7dha eddar..hbat menha si Jom3a

Jom3a : Asselma si Tarhoun..asslema..hal khta ess3id..kif esseba..wagtah jit

Si Tarhoun: Wa9teh Jitéé?..wa9teh jitté?..ti 9olli kifeh mamchitech feha..ti win konet bellahi win konet

Jom3a : Mou labes si Tarhoun..wejhek asfer..mridh?

Si Tarhoun: Weldek ya sidi..e5i bhim wella chnoua..habbalni..tala3li enervou

Jom3a : Weldi ?..kifeh..e5i win rita ?..mak ta3ref ya si Tarhoun..weldi..Slayem ya9ra fi jandouba..e5i win rita

Si Tarhoun: Taoua ken lenna..wou Hedheka mandhar mte3 wahed ya9ra..ti abhem men sabbati..ti 9oul me3za..mahou etelha bih..7altou 7lila..le7ya msayba..wou 3afen..wou 9achabia khamja..ti dheben elli gajej 3alih may3abi dabouza litra wou noss

Jom3a : Weldi né? ahhhhhh..taltla3chi te7ki 3ala..Ghannem..elmahboul..chnoua mat9ollich elgitou lehna..la3natallah 3ala bliss..goltelha lemra sakkri elbab..kif tji kherja..ti koll marra nalgouh mzabbel fil eddar.

Si Tarhoun: Bellahi bellah..mahboul !..billathi la2ilaha illa houa farzatni.. mala msiba hetha..bellahi jibli ech nochrbou..chaya7li ri9i marakou..wou hou yesel ma3raftnichéé..wella en9ollek jibli stal mé 5allini nbarred 7alti jemla.

Jom3a : allahombarek si Tahroun..wou enta chbik madannitech lina tél rana 7adharna lik wejbik.. ti 7atta ichintiyaa hay mchat missba7 ldar bint 5élha bech itayybou il guiddicha..mahou 3andou bagra wildet..ya marahba si Tarhoun ya marahba..

Si Tarhoun: miselich..manich bati..3eddek bia mraoua7..jbli 5allini ne5sel 7alti barek.

Jom3a : wenta gouli si Tarhoun..e5i matgoulich ma3raftech menhou Ghannem..wou mchi fi belik..weldi.

Si Tarhoun: lé wallah mana3rfou..hedha elkoll ma3rouf..bellahi chkounou?

Jom3a : mela wachi..wedhaher ya si Tarhoun..bdit tansa ejme3a fil bled..hedhaka weled Salha wel elkhal Abid.

Si Tarhoun: lé 3ad!!!!..(wedhaher ya Tarhoun da3outek makenetech men 9albek)./.

7keyet Hbib wou Radhia wou BiBi

21 jan

wa tamdhi elayam..

tertaffffffffff..Radhia tarbe9 elbab..wou to5rej hezza sakha mil eddar..akahaou ma3Adech feha..Hbib 93ad yoghzer behet 3inih ma7loulin kil quartelle..sare7 wou meta2ther lil bab..mafjou3..metchoki..3omrou mast5ayel yel9a rou7ou wahdou wahid fi nhar kima enhekka..7ass
elli dar kebret 3alih wou wallet mou7cha..mayasma3 ken fi 7ess tarbi9et elbab..tzonn fi wedhnou..wallet tsatter fi rassou..dha9 3alih ennfass..dame3tou jret..mché yejri lil salla 7all echebk..kharej rassou..wou khdhé nfass kbir..wou 9al bel9oui..wou9ayet en7ell elordinateur..la3alla chouaya tchat..yenassini fil ahat. Ebzahrrou el9a Bibi..une amie..ma3andouch barcha melli ajoutetou..taychelha un salut..la3alla yehdeha rabbi wou trod 3alih..mouch kima ellmarrat elli fetit..ya t7ot rou7ha hors ligne..ya ettafih..haya ebzahrou Bibi radet jaoubetou. Wou ba3ed esslamet..wel les wineks..wou les achna7welik..wou les ca va..wou les com dab

BiBi : tu semble triste Hbib..est ce que ca va ?

Hbib : oui ca va merci..ne t’inquiete pas surtout……..

BiBi :allez Hbib..parle..ce n’est pas bien d’emprisonner ses malheurs dans son coeur..et je suis une amie..essaye de te soulager..je t’écoute..peu importe ce que tu vas dire..je suis là.

Hbib : : je ne peux pas Bibi..je ne suis pas du genre à partager mes malheurs avec autrui..excuse moi.

BiBi : mais qu’est ce qu’il ya Hbib..parle..le silence ne t’aidera gére..je t’en prie c’est une histoire de coeur n’est ce pas ?..des problemes avec ta moeuf..c’est ca ?

Hbib : Oui..Elle s’appelait Radhia et je l’ai aimé.
Je l’ai aimé, comme j’aime ma vie, le monde, et le paradis.
Comme j’aime le feu dans mes sombres nuits. Comme j’aime ma famille et la bonne compagnie.
Comme j’aime la solitude quand je suis affaibli.
Comme on aime le printemps et sa beauté. Comme on aime l’argent et l’immortalité.
Comme une douce brise de la matinée, comme on aime une nuit étoilée.
Je l’ai admiré comme on admire un bébé à sa naissance, comme on admire une belle coïncidence.
Je l’ai admiré comme on admire le temps et sa sagesse, comme on admire un héros et ses prouesses.
Je l’ai adoré, comme on adore un horizon étalé, comme le soleil à son levé.
Je l’ai aimé comme jamais. J’ai pensé que pour elle je suis né, et que ma vie sans elle sera échouée.
Elle était mon trésor recherché, le pouvoir demandé, la synthèse de mes rêves et le sens de la réalité.
Je l’ai aimé plus qu’un homme le pourra, je l’ai aimé plus que moi.
Je n’ai jamais respiré sans penser à l’aimer. Elle était mes ailes, la liberté, elle était ma terre, le centre de la gravité.
C’est avec son amour que j’ai juré, c’était pour mon amour que je mentais. Sa présence me faisait jubilé, et c’est son absence c’est ce que j’ai toujours craignais.
Elle était ma volonté, que je sois à elle enchaîné comme un esclave, comme un condamné.
Pour elle j’ai abandonné mes sentiments et j’ai adopté l’insensé. Pour elle j’étais un kamikaze prêt à me sacrifier.
J’étais une hirondelle et elle le ciel bleu où je planais. J’étais un désert et elle les nomades qui le peuplaient. J’étais un poisson et elle l’océan qui m’abritait.
Si j’étais païen, elle serait ma divinité. Si je suis croyant, c’était pour elle que je priais.
Je l’ai aimé comme on aime entendre une belle mélodie. Comme on aime voir son enfant qui grandit. Comme on aime la bonne humeur, comme on aime l’extasie.
Je me sentais vivant quand je la regardais. Elle était la source de la vitalité. Son absence me faisait consumer. C’était la nuance de la souffrance et la cruauté.
Elle était mon espérance, ce qui empêchait ma décadence. C’est pour qu’elle m’aimait que j’ai parié ma vie et je l’ai mis en créance. J’étais un perdu et elle ma dernière chance.

Et un jour elle est parti et a disparu de ma vie.
Ce jour là j’ai perdu toutes garanties. C’était comme ci j’étais emporté par le déluge et je ne pouvais à rien m’accrocher. J’ai sombré dans le désespoir et rien ne pouvait me sauver.
J’étais perdu, puisque c’est autour d’elle que ma vie a été fondée.
J’ai détesté le monde et sa beauté, j’ai senti que la vie injuste me haïssait et que mon instant de bonheur a été épuisé. J’ai pleuré, sangloté, implosé, hurlé, toutes les prières et les injures, défendant mon droit de vivre et à elle son retour. Mais rien ne venait à mon secours.
J’ai supplié le bon Dieu pour me secourir. J’aurais vendu mon âme au diable pour la faire revenir.
J’ai sombré et rien ne pouvait me repêcher.
Je coulais et je touchais le fond, tout en se demandant : Est ce ainsi ma fin, toute ma lutte était pour rien. Ainsi soit il, ainsi soit fait, sans elle je suis achevé.
Car avec son amour j’ai atteins la béatitude, le nirvana, j’ai été relevé aux rangs des anges et des saints.
Sans son amour je me sentais crétin, un bon à rien, j’ai atterris aux enfers avec les démons et les malsains.
Est-ce mon amour pour Radhia qui me faisait vivre ?
Non, j’ai aimé la femme que Radhia représentait. J’étais émerveillé par le sentiment qui me parcourait, et qui laisser éclore ma personne en toute beauté.

BiBi : C’est magique..Je n’ai jamais cru qu’un homme pouvait aimer sa femme de telle intensité..Sacré Radhia elle a de la chance..Je ne savais pas que tu es si sentimentale Hbib. Mon pauvre tu as vécu le martyr..hélas que ta femme n’est pas ici pour entendre tes belles proses de
romance..mon cher Hbib.

Hbib : oui.. je me sens seul en ce moment..si seul que le monde ne me suffit pas pour apaiser ma souffrance..mais c’est la vie…

BiBi : désolé Hbib..si par ma question je vais raviver tes peines..mais que s’est il passé avec Radhia.

Hbib : que dire Bibi..en faite..je ne peux pas expliquer cela..elle est juste parti pour…oh mon Dieu..elle est juste parti pour…….

Radhia : Hbib..hani jiiiiiiiiiit..mana7kilekech..mala 7ala..la3bed fou9 b3adha fil supermarché..et9oul sam3in bil 7areb wella bil maja3a..mal9itech 5obez..ema ba3ed emchi elFathi..9al yejib m3a khamsa wou noss..wou zid elgazouz mouch bared..chrit jus khir..chbik Hbib
ca va..kil 3ada 3al tchati?

Hbib : chay juste na3mel fi talla..9la9et

BiBi : allo Hbib..tu es encore là mon choux ?

Hbib : ……je te laisse Bibi..merci de m’avoir écouter..je pars là.

BiBi :Tu pars où ?

Hbib : rejoindre Radhia..merci ma chére amie..

BiBi : Hbib..Hbib..éooooo..attends..hey..attttttttttttttttends..mais que vas-tu faire ?..Oh mon Dieu..Hbib..Hbiiiiiiiiiiiiiiiiiiib…../.

7keyet Hbib wou Radhia

21 jan

Radhia: Asslema azizi raoua7et!

Hbib: Guten abend, meine schön herz.

Radhia: hekkaa eni herja..aman hbib hekka ta7ki m3aya..sara eni elyoum farhana bik.

Hbib: 5arreeeef! Zeyed la7dhith m3a ellmayefehemch..haya Essalam 3alaykom wakahaou.

Radhia: haya barra azizi..eghsel 7altek madamni 7attitlek la3ché.

Hbib mché ghsel 7altou, na7a visettou wou souritou wou 93ad fi trico 5al3a, haz ta7et dhaboutou elmkhadda wou mché lil salla, 7al eltalfza..etaka 3al divan..wou ched eltélécommande..yezappi wi baddel fil les chaines..yebadel..yebadel..sa3at ya3mel wa9fa ta2amoulia..yena9ess fil sout..yemchi 3ala tratech souab3ou yetoll beser9a mil bab 3al couloir..est ce que Radhia lahia wou b3ida wella
lé..wou yarja3 jarya lil télé..yestamte3 fil la9atat min film..wella fi mouselsil souri..wella barnemej lobnani..el7asel el9anaouet woufaou..wou 3inih t5ablou..taoua 3andou ta9rib sb3a draj wou houa yezappi..lin je3 wou kerchou wallat tgharwet.

Hbib: ya Radhia..haya 7adhrachi hal 3aché.

Radhia: Haboubti..asma3 bech en9ollek 7aja…….laché ta7ra9 rahou.

Hbib: chniaaa ! ? ta7ra9..chnia ta7ra9 hedhi zeda..enbat blech 3aché eni ellila ?

Radhia: allah ghaleb sehit 3alih chouaya..miselich.

Hbib: miselich..7louachi zeda..9atli miselich..wenti fech ser7a bjah rabbi..9oli trah fech ser7a.

Radhia: chnoua hbib taou..chbik ch3elet fia kif leftila..elli yasma3 ye9oul dima na7ra9 fil ftour..wella manich lahia bik jemla..ti wallahi ta3ba rani..ftour wou ghaslen elma3oun wou 9adhaya wou ta5mil eddar..wou neghselek dabchek wou n7adedou..barcha rahou..wou zid enti mat3aouenich jemla…wou hekka m3afess ebsabatek 3al zarbia..mouch mnabha 3alik..telbes chlektek ba7dha elbab..yaaa..hekka dabchek mlaoua7 mouch 9otlek 7otou fil corbeille?

Hbib: eyeh manabha 3alia..a3malli ma7dher 3ala khaterni malbestthach..nou3dek elmarra eljaya ya nechri stock chleyek jdod..ya net3allem entir..ti koll youm nadhrab se3a elnalaouej 3aleha hal chleka elma7nouana fi 93ar eddar..Et9oul nal3ab fi Fort Boyard..ti lazemni norbitha ebsalsla 3al daza hedhi..wet9oli te3ba enkhamel fil eddar..wou t7ebni enzid en3aounek..ti bellahi bjeh rabbi..fech ta3mel..bellahi 9olli nemchi nekhdem fi bechkir eni ghodwa?..m3adech 3andi ken etbadila hedhi..endhakrek elli rahou 3andek taoua joma3tin maghseltech edbach..wou zid ti lin nal9aha eni elcorbeille fil kodes..et9oul..et9oul zouz voyaget greveille..ti tellement 3amlou elri7a..edheben wala t9oul 3alih s7ab ak7el fou9ou..ti essalle de bain t3abbet bech tetgara3..ti 9oul wallet sale de dbach..mouch salle de bain..elwahed walla bech yemchi yedaouech..yod5ol mil chobek!..wallahi wallit enkhamem en7el fardhaoui e5er..3ala ma eddabch seddin elbeb..ahhhhhhhh el9asem 3ala allah wou barra el9asem 3ala allah..manich fehim manich fehim..nhar kemel fech ta3mel fil eddar..mafel7a ken fil forja fil talfza..trasilich na7ihelek kima sghayrat..alah yehlkek yali sna3et elparabole..kima hlektna m3ak.

Radhia: yezzi mated3ich 3al rajel..belahi tsaouer ech bech na3mel nhar kemel..wou enti en plus matraoua7ech noss enhar. No93ed embaoouma wahdi.

Hbib: 3aleh 7ar9ek 3alih la7lib..mati9ech fih..ti hedha eli hlekna..ti enti mhina wou houa zed 3alik.

Radhia: mhina? Chnia mhina hedhi?

Hbib: mata3refhech? Bo5lia.. mata9dhi ken bil mahmez..wou tadhreb se3a fil 7aja

Radhia: amaaaan !!brabi??el 3ib fiya eni 9ayma mel 6 neklet..3aleh chbini ritni 9a3da ye5i eni ?? ya narri..weni 9olet ellila forsa thezni net3acha elbarra..ta3meli surprise.

Hbib: bellahi ma3netha ta7re9 leftour bech temchi tet3acha elbarra..3aleh natla3chi natbe3 fi bohom eni elflous..ma3netha eni jed baba man7ou7..bech fil le5er net3acha elbarra..3aleh ma3andich dar kif la3bed..walla natla3chi wa5ou tabe5 elrestaurant..ti la3bed wallet tla7edh 3alia..ti elmarra elli fetit elkaskroutaji 9alli ya hbib wallahi sakhafni 7alek..ti barra 3aress ya weldi..wou yezzik men makelet elchare3..rak bech tdhor me3edtek..behi el3eress rahou..wou fok 3alik mil 3ozubia..tekel 7aja ndhifa frechka wou skhouna..walahi kif sma3tou dama3ti jret..wou bdit netghaben da5lani..9atli surprise..3ala mle7tek..ti lazemek boutellis wou chouaya fik.

Radhia: 7ala fik le nhar 9otli klima behya.

Hbib: 3aleh enti khalitni en9ollek 7aja behia..wella 3amalet 7aja tosle7 wou eni dhamitek 3aleha

Radhia: 9ad me 3malt m3ak ye Hbib..wou syedtek me ta3ref ken mekla wel er9ad wel 9ahwa wel tchat..hay Jiji wou Mimi..wou zid kamalet 3alehom Bibi..wou eni sekta..enkhammel wou ntayeb..wou nekhsel elma3oun..7atta mousalsel ma3ad 5alta 3lih..wou t9olli mhina.

Hbib: 9atli enkhammel..ti eddar et9oul 3aleh frip elhafisa..ti lazemni GPS bech na3ref necmhi mil bit ennoum lil toilette ..wou lé 3ad wou t7ebni en3aouenha..fech bech en3aounek fech..fi ghsil elma3oun..3aleh eni nekel jemla fil eddar wella khlatet 3ala ftour bech enmasa5 elma3oun?

Radhia: lé lweh mechi..me ta3abch rou7ek..ataou enjiblek el toillette lil bit ya si sayed.

Hbib: tfadlekééé !!na9ssa hia elbit khonn..ti kol marra nektachef 7aja feha..yé ma9la ya makinet elsaboun..ti marra el9it crick fil glass..et9oul re9ed fi garage mouch fi bit noum.

Radhia: ma3netha eni dhalmetek..modhnba fi 7a9ek

Hbib: ma3adech dhaneb wella kofer hedha

Radhia: ki eni mouch 3ajbetek..tala9ni..wou erta7.

Hbib: ental9ek? 3aleh manich weled 7ram..ensayebek fil chare3..tedhi 3abed ghiri

Radhia: aman..lehel darja eni un mal vivant

Hbib: eni houa el mal vivant..welit ki nra wahed bech ye3aress nemchi en3azih..fil 3arsouet kelemet elbarka fik to5ej men fommi menghir manoch3or.

Radhia: chay w barra

Hbib: eni chay wenti barra ..mela 3icha et9oul mosalsel 3eftou 7ayeti

Radhia: na3ref rou7i me 3andich zhar.. hani mechya 3ala rou7i

Hbib: ma3andekech zhar?..ti eni houa elli ma3andouch zhar.. 7yeti m3ak ken la5asha..najam na3mlaha film esmou ya latani 7amedtou rabbi..konet 3azeb emayel kaboussi 3ayech ki 3assfour eljanna..na3mel elli netmanna..awel marra..awel marra ne7sebha bel ghalet..na3ref rou7i mhaff wou enjibha 9ad 9ad..ti bouk elli houa bouk wa7dou wa7dou elmarra elli fetit 9ali woulidi esme7 tellement sakhaftou..elmarra elli fetit kalamtou bech nechiklou..9ali ech na3malek el9anoun lé ya7mi elmoghafalin..jebtou elrou7ek wou enti elli jitna ebsa9ik malazek 7ad..ya woulidi hedha base d3a charr.

Radhia: baba ! nemchi na7ra9 rou7i 5ir.

Hbib: ta7ra9 rou7ek..mak z3ima fi 7ar9an..san3a..tatla3chi mridha nafsiyan..tatla3chi pyromane zeda?

Radhia: behi ech t7eb taou enti??..kenek 3al la3chè haouka 3al taoula..wou chlektek fi blasetha fi 5zenet el sbabet..dabchek haouka ma5soul wou m7aded zeda..sayabni elmouselsil 9rib yabda

Hbib: ffffffffffffffff..mosalsel 9atli..haou fech z3ima wou ser7a..astaghfer ellah la3dhim..behi asra7 barra etfarej

Radhia: 3andi haboubi fel eddar wou nasra7 fi 7ad e5er

Hbib: behi behi yezzi blé dharben lougha..trateb feha taou

Medem Radhia tetfarej fil mosalsel fi salla..93ad Hbib fil koujina bech yofter..Hbib haz elmkabb..wou 3arra 3al ftour..wejhou sfar khdhar..3inih tghareghrou fi wejhou wou 7aou9ou..cha3rou wou9ef..la7mou chaouek wou kchekechou kharejet men fommou

Hbib: ya Radhia..aaaaaaaaaaaaaa..oh ya Radhia

Douba masam3et el3ita.. Radhia temchi tetnattar tejri mafouj3a lil koujina sa9iha a3la men rassha.

Radhia: chbik chbik ya Hbib..labes?

Hbib: hedha ftour..hedha ftour..nadhreb rou7i ebrass..chnoua kol youm djej..kol youm djej..natla3chi wa5ou elmaz3ra..rani 3edek bia n3ou3ech mil djej..

Radhia: hedheka ech femma fil marché..chnoua t7eb na3malek

Hbib: 3aleh rabbi ma5la9 fil 7yaouanet ken eldjej..manich 9a3ed enkhalilek fil masrouf ?..chahi nhar..chahi nhar nekel..ti nchem ri7et 7out fi eddar.

Radhia: 3aleh baba..enti bech t9acherhouli el7out..cha9lela fih wou zid ri7tou tolse9.

Hbib: wenti te7seb fi rou7ek mra mata3rafech et9acher el7out..ya7bani hedhi 9a3da fil eddar..mela ken jit te5dem..trasili nekel fil 7kok..ti walahi el3icha m3a Mon3om fil foyer kenet ar7am.

Radhia: lé haboubi ken jit nekhdem..rani ma5dhitekech./.

Suivre

Recevez les nouvelles publications par mail.

%d bloggers like this: