7kayet Abdel7a9 wou Dabouza

26 mar

9allek ya7kiou 3ala Abdel7a9..rajel kifou masba9..wou lé 3omrou ete5la9..et9adem bih la3mor..wou bilan 7ayatou terr ferr..la 3amal darr..la 3arress wou lé jab sghar..lé kaouen mosta9abel.. wou lé el9a chrik yet9abbel ..wou lé chadd fi khedma..wou lé 3andou san3a yesaouer menha elo9ma..ye5dem bi 3ara9 jbinou..wou lenna rabbi ye3inou..yejri mayal7a9 wou yal7a9 mayal9a..yessaouer koll youm wou youmou..wel behi fi 7yatou a9al men mchoumou..essa7a beha yet3azzez..wou jibou feregh ye9azez..ayamat lefraj fi 7yetou yet3adou..wou lahna rabbi ye7ebou..wa tamdhi alayam

Rabbi krim wou yestannalek belkhir fil doura..haya wa tamdhi alayam..wou marra Abdel7a9 yemchi fil ghaba..daber khedma 3aned fa7am..bech yelemlou la7tab mil ghaba..bech ya3mel beha elmardouma..elfranc 3aziz ema elkhedma mchouma..wel flayess elyejik elyouma..khir mel fa9er elli yewatti lekrouma..wou liannou 9sad rabbi ebnia safia..wou fi yeddou tazdra 7afia..khraj 3al fjeri..9ased el ghaba seri..haya e93ad yemchi modda..yellem chouaya 7tab koll mayet3ada..haya houa hekkaka..t3eb chouaya..wou9all 5alini nerta7 fteta..etkachi 3ala chojra..ghzar elkoum 7jar 9oddemou..thabet chouaya..kadheb 3inih..zed thabet..wou 9al yedhorli feha dabouza ghadi..me7chia bin la7jar..haya 9am wou mchélha..wallahi bel7a9 dabbouza msakkra wou 9dima chouaya..9al khalini en7elha..enchouf ech feha..haya 7allha men hné wou ye5orej menha do5an 3adhim..fi westha 3efrit kbiiiiiiiiiiiiiiiiiir..Abedl7a9 tefja3 tayech eldabouza 3al toul yeddou wou ta7 yemred fil 9a3a..

Abedl7a9: yaaaaaammi..ejrili!!!

El3efrit: ya weldi hey..heyy..sayess ya sa5ta.. ech hal mar3ouch mte3 wedhni

Abedl7a9: besmellah elra7men ellra7im.. besmellah elra7men ellra7im

El3efrit: ya weldi..bech t5allini emtayech hekka..ija hez edabouza..ech bik 5ayef ech bik.

Abedl7a9: (hazez sob3ou yechaouer lil 3efrit..mafjou3 3inih ma7loula et9oul fnarat mte3 4L)..ya mimtiiiii. .3efritéééééé ????!!!!!

El3efrit: lé Lotfi Bouchnek..habatech sob3ek wou jit hazit eldabouza..haya t7arek..5aouef mte3 wedhni..haya jitech taou

Abedl7a9: sama7ni awel marra enra 3efrit fi 7yeti..wou berjoulia elmandher yafja3

El3efrit: bellahi bellah..ma3netha mayezich talta5ni 3al 9a3a wou zid t3ayerni..mritech rou7ek 3ajbek mandhrek..7loua 9alli awel marra..3aleh rit la3bed mestansa tra fil 3aferet 9bal.

9am Abedel7a9 wou mché bechwaya bechwaya..yor3ech ebkollou..sinih 3arkin tadhrab fi b3adhha..3aroukatou chertellah..yoghzer 3ala jnabatou ye5amem yemchilou wella yohreb..ey9adem fi yeddou wi wa5er feha ebra3cha..elro3eb meknou wou wa9aflou mo5ou

El3efrit:haya zrebtech rou7ek taou..wou hazit hal dabouza elma7nouna..bellahi oghzorlou oghzorlou..kifeh yetrou3ech..bech naklek ma7soub..HAYA 5EFF ROU7EK

Abedel7a9 : behi behi.

Haya hezz Abdel7a9 eddabouza wou 7atha fi yeddou  wou ro3eb mazel maknou..yevibri ebkollou.

El3efrit:ohhhh..oh 3ala ommi oh..rka7tech taou..rayedh rou7ek rayedh rou7ek wou arka7

Abedel7a9 :behi behi..9olli ech bech ta3mali taou..bech takelni

El3efrit: bellahi sma3et 9bal bil 3afaret takel fil 3abed..wou chou kifeh 3ad ..ensoum ensoum wou nofter 3ala basla

Abedel7a9 :mela bech temkenni

El3efrit: chou hal bdan elfatten elli bech nemknou..ti dabbouza ahwen mennek..manich bech na3malek chay

Abdel7a9: mela bech tjannani

El3efrit: 3aleh enti tra fi rou7ek normal..tra fi rou7ek normal..ti enti mahboul khol9i

Abdel7a9: mela bech thezni m3ak lil 3alem mte3kom

El3efrit: brass ommek win bech enhezzek m3aya ..win bech enhezek m3aya..mela tab3a bech na3melha elrou7i.. ..manich bech na3malek chay

Adbel7a9: mela bech temsa5ni 7yaouen

El3efrit: Yezzzziiii..3aleh baba enti mechi fi belik ensanééé..mani 9otlek manich bech na3malek chay

Adbel7a9: mela bech …..

El3efrit: ti oskot..essa5ta hedha..chet7eblek joujma wou souelet.. ..mani 9otlek  manich bech na3malek chay

Abdel7a9: ah momken..mela bech

El3efrit: e5i mata3rafech tosket mata3rafech?..manich bech na3malek chay

Abdel7a9: lé mani 9olet momken bech…

El3efrit : ti sakker fommek ezza7.. ti sakker fommek elham..wou enti t3aned kil bassa.. ech bik msattek..e5i 3omrek masma3et ebwahed esmou Alaeddin wel mesba7 ese7ri..mahou bech enlabilek talab mte3ik..3ala khatrek 7alit eddabouza.

Abdel7a9: wallahi leni 7alitha bel3ani wallah.

El3efrit: behi behi..normal 3adi..mani konet ma7bouss 3andi barcha taoua fil dabbouza..wou elli ye7elha..na3tih jayza..enlabilou 3 talabet.. haya chobbik lobik 3abdek wou bin yedik..otlob matetmanna en7a9e9houlek

Abdel7a9: lé 7achek 7achek

El3efrit: normal normal..hekka tet9al.. paratin..haya chobbik lobik 3abdek wou bin yedik..otlob matetmanna en7a9e9houlek

Abdel7a9: lé 7achek 7achek

El3efrit: TI OTLOB WOU FOK 3ALA OMMI..ezza7 chaya7tli ri9i

Abdel7a9: behi behi..en3aoudouha

El3efrit:en3aoudouha!..3ala 5aterna na3mlou fil cinéma..pffffffffff.. haya chobbik lobik 3abdek wou bin yedik..otlob matetmanna en7a9e9houlek..emchli barek..asma3 3andek ken 3 talabet rahou

Abdel7a9: bellahi estanna essa3a..bellahi bech neselek souel..houa momken cha5si chouaya..ken may9al9ekech tjaouebni 3alih

El3efrit : ach noua zeda..etfadhel

Abdel7a9: e5i chbik ma7tout fi dabouza..mouch kif endadek msaybin

El3efrit : mani 9otlek ma7bouss.

Abdel7a9 : lé no9sed 3aleh

El3efrit : (habet el3efrit rassou ellouta wou walla yoghzer lel 9a3a)m3a9eb 3ala khaterni 3amalet 3amla khayab..kahaou

Abdel7a9 :chnia el3amla

El3efrit: ti chihemmek..bech twallili Abderaze9 elchabbi lenna..haya kammaltech..rak t3atel fia.

Abdel7a9: lé juste 7abit nefhem..sama7ni mouch dima en9abel 3efrit ranni..ennajem neselek 7aja o5ra.

El3efrit: esel esel..ech na3mel el3omri..marbout bik..manetsayeb ken 3ala yeddik..sa77a lommek sa77a lommek

Abdel7a9 : ech koun elli 7ebsek lenna

El3efrit: elli rbatni lenna..mét mét..normalement rahou mét..ken mamatech moutet rabbi..rahou base met kif touledet enti

Abdel7a9: yaaaaaa..met wou ensek..za77 mella zhar..meskiiin..mela 3andek barcha lenna

El3efrit: 3andi snin allah

Abdel7a9: eyeh snin hedhom elkoll wou darkom mastaf9doukech malaoujouch 3alik.

El3efrit:darna koll wa7ed fi hammou..3ila zbela..emchili 3ayech khouya yar7am waldik.

Abdel7a9: ema berjoulia sama7ni fik..taou 3andek a3ouem fil dabbouza..wou enti msalli 3alnebi 3alik hekka 3efrit kbbir wou 9oui wou tallbi raghabet..wou manajamtech t7elha wa7dek..ti ken dazit eltabou ebsob3ek rahou t7al..ti eni 7allitou sehel mehel..hekka hén..rit sehla..ti 7ata ken matal7a9ech..7ata ebtall..mafhemtech eni fech ta3mel snin hedhi elkoll..elda5el..mafhemtech

El3efrit: 9a3ed netfarej fi Hanabal..euuuuuuuuuuuh..ti chihemek enti..chihemek..chbik tesel 3al 3ella wou bent el3ella..ti chihemek ezza7..otlob wou sayeb salah

Abdel7a9: behi behi..mela enti 9otli 3efrit 9dim wou tlabbi 3 raghabet

El3efrit: eyeh eni houa

Abdel7a9: behi ya si..bellahi sama7ni elesem elkarim..mat3arafnech

El3efrit: 3aleh zeda bech to5teb?

Abdel7a9: lé lé juste bech man3aytlekech hekka 3efrit 7aff.

El3efrit: esmi Ibtissam.

Adbel7a9: (9am yadh7ak)..bel7a9 bel7a9..

El3efrit: ech bik tadh7a9..9otlek esmi Ibtissam..3adech bih esmi Ibtissam..chbeha ghriba.

Adbel7a9: ma3netha wouled!..sure 3efrit makech 3efrita?

El3efrit: eyeh wouled mela chnoua.

Adbel7a9: (mazelyadh7ak)..lé ma9olet chay..ya walah a7wel..3efrit wou esmou Ibtissam.

El3efrit: tadh7ak..3ejebek esmek.

Adbel7a9: 3al a9al eni esmi Abdel7a9 esem wouled..7a99a ya Ibtissam ya khouya ..bech neselek..

El3efrit: haya matabdech fi 3alech wou kifech..wou manich khouk..ech jabni lik..ken jit khouya rani tbarit mil 3ayla kemla.

Adbel7a9: lé juste bech neselek madamek hekka 3efrit 9dim wou 9oui wou kbir..ta3rafhom elJenn lazrag wou eljenn largat?

El3efrit: eyeh na3rafhom mli7.. 3aleh?

Abdel7a9: ta3rafhom..mli7 mli7?

El3efrit: eyeh na3rafhom mli7 mli7..na3rafhom kima na3ref rou7i.. 3aleh?

Abdel7a9: bel7a9 eljenn lazrag ya3ref koll chay wi najjem yal9a koll chay..wou eljenn largat 9oui wou s7i7 barcha..3ala khater  ye9oulou..blassa mayatala3ha ken eljenn lazrag..wou ye9oul 9oui wou s7i7 kil jenn largat.

El3efrit: eyeh s7i7..

Abdel7a9: mela 9olli la3ouem hedhi elkoll..3alech eljenn lazrag mal9akech wou eljenn largat ma7alech eldabbouzza madamek enti matnajemech t7elha..wou zeda 9otli ta3rfou b3adhkom mli7 mli7?

El3efrit: wou 3ala jedd baba wou 3ala ra9dtou..ti fokk 3ala ommi 3ad wou otlob wou a5atani..bech thabbali rak bech thabalni..3eff 3ala waldia ezza7..wallahi bech tkafarni hal nhar wallah..ya77 beni bech yetala3li ennirvou hedha

Abdel7a9: behi behi matnarfzech rou7ek.. matnarfzech rou7ek..haya en3aoudouha mela hay

El3efrit: haya chobbik ya na3an din waldik.. si le5ra 3abdek wou ta7 fih rabbi wou jé bin yedik..otlob dim omm matetmanna wou eni en7a9e9houlek.

Abdel7a9: behi testannani enkhammem chouaya

El3efrit: sara enti mazelt makhammatech!..allah mtaoulek ya rou7..behi hana nestanna..estanit snin bech manestannech la7dha.

Haya 93ad Abdel7a9 ye5ammem wi 5ammem.. wi 5ammem.. wi 5ammem..

 El3efrit: haya!.. el9itech 7aja

Abdel7a9: haya sayé..notlob menek..7osen el5atma

El3efrit: bellahi..bellah..hedha 7ad tafkirek ma3netha..elli yerak tet3aser t5ammem..et9oul bech yotlob mo3jza..bellahi 9olli..e5i totleb fi rabbi wella totleb fi 3efrit..9alli 7osen el5atma..ti mal9ithech elrou7i

Abdel7a9: behi behi..notleb ridha elwalidayn

El3efrit:…..wa3l ommi wouh..ti chbik ya weldi..waldik barra 3acherhom bellati hia a7sen.. totleb feha menni louah..ya weldi rani 3efrit..3efriiiiit

Abdel7a9:behi behi la7dha

El3efrit: asma3ni 3ayech 5ouya..5amem mliiiii7..rak tetsamma 3andek ezhar rahou..mouch la3bed elkoll tla9i 3efrit kifi rahou.

Abdel7a9:behi el9itha..notleb mennek benet la7lel

El3efrit: 5arrrefffff..mela bhim.. mela bhim..zayed wallahi msatek wallahi msatek..jahalout..jahalout..ma3netha bech enlaouejlek 3aleha eni?..ya weldi ken el9itha elrou7i tal9ani fi dabouza wa7di..ya weldi yedhorli fik matfara9ech bin talabet el rabbi wou talabet lil 3afaret..asma3 saker dim om edabouza wou barra rabbi yesama3na 3ala b3adhna 3lem elkhir..mela joujma..cha3malet ya rabbi..mayezich el7abssa edhour..zid men khal9 rabbi elkoll wahed msatek ye7el hal dabouza.

rja3 el3efrit lil dabouza wou saker 3ala rou7ou..wou mché Abdl7a9 fi 7al sabilou bahet mahouch fehem 7ata chay..wa tamdhi alayam

(9essa 7a9i9ia wallahi la3dhim 7a9i9ia ema wa laken bi tasarrof)./.

7kayet Ilyess wel talifoun

24 jan

Ilyess wouleyed 3adi..kifma ayouha woulad tounsi mou3aser..m3a e5tilaf bsit ennou Ilyess met5ale9 3ae9el..nass mla7 mouhadheb yasma3 klem walidh wi yeti3 klem rabi..7ot famm tal9a famm..7yetou kemla 3addeha machi ta7et el7it 7adou 7ad rou7ou chaded babouchtou lé adha 7ad wou lé jé 3ala se7et 7ad..lé habech lé yedabech..matasma3ech mennou kelemet a3oudhou bellah..3omrou bil 3amor ma3mal 7aja khayba wella 7aja 3ib..lé tkayef lé chrab lé tabe3 bnet wou lé 5alet wouled..lé sabb..lé hmel lé hter lé tla3 lil stade lé dhaye3 wa9tou fi chadden la7yout wou lé fil tsakrif fil 7ouem..elwa7id fi s7abou elli 3omrou mafsa3 mil 9raya bech yal3ab tore7 belote fil 9ahwa lé chaouech lé faska lé na9el lé kteb fou9 etaoula wella fou9 la7yout lé ma5demech droussou lé 7aouel mil blassa loula..lé dhaye3 elsa3a creuse mte3ou 9ae3ed 9oddem elli lycée wella hbat lil lycée elli ba7dhehom wella mché yekaouer..elsla3a ye3adeha fil révision mil 8 mte3 essba7 lil 9 mte3 ellil..3omrou masra9 bita9et ta3rif mte3 ommou bech yemchi yekri beha cassette video..3omrou ma9al eldarhom elli houa machi lil maktba el3oumoumia fi wa9et elli houa machi yetfarej fi film fil salle 2..3omrou ma5alla elba9i mte3 el9adhya fi jibou..3omrou ma93ad wa7dou fil eddar wou 7aouel ennou yebadel elposition mte3 elparabole..wella ennou yetbouled 3al la3bed bil talifoun..betbi3et el7al Ilyess kammel 9raytou wou 5dhé chheda 3olya..kima s7abou lo5rin elkoll..deja 3adda modda behia wou houa yelaouej fi khedma..men entretien el entretien..yatba3 fil dousiet..wel ch’hayed mte3ou.. yatba3 fil dousiet..wel chayed mte3ou..haou ya3mel fil légalisation..haou yetarjem fil awra9ou..haou yesobb fi dossih fi bureau elchoghel..7assilou 93ad kharra marrar yetabe3 fil mounadhrat wou 3oroudh eltachghil..sa9ih tharaou mil machi wel jay yedour 3ala charikat..ya3ti fil cvette..3adeha tala3 habet bil trinouet wel louaget wel kiren..lebled cha9ha men chamalha eljanoubha..wou men char9ha elgharbha..lin sahelou rabbi fil le5er wou nja7 fi coucours wou d5al lil télécom..fil khedma Ilyess kif kif..matbadalech barcha..jebed rou7ou..be5lef esslam mte3 essbe7 wel 3asslema elli fil couloir..3ala9tou m3a zoumala2ou..3ala9a sat7ia jeddan..pratiquement maya7ki m3a 7ata 7add..7ata fil ftour..Ilyess ye5ayer ennou yekel wa7dou..lin wallaou yesamiouh  Ilyess elbarri..ella ennou fi wa9et elli matabdach fomma barcha khedma..wa9telli mo3dham  s7abou ya yecheddou elinternet wel Facebook..wella elsolitaire..wella eltalifoun bech yeherrou souaya3 m3a sa7bethom wella s7abhom wella bech yetmanou 3ala familyethom nafer nafer..Ilyess el9a hiouaya jdida..ye7abedhha 5assatan kif tabda 3andou khedma fil lil..wa9tha Ilyess yod5el besser9a lil salle serveur bidoun moujeb 3amal..yebranchi el combiné mte3ou fi ba3edh elmakinet wou yabda rakech yetsanet fil moukalmat mte3 la3bed..ahaouka yechi5 dho7ek wou yetfarhed kif yabda yasma3 fehom ..

Ilyess: haya enjarbou elport hedha trah

Mo5ateb loul: barra ya3nbouk we bou bouk we bou tarifa mta3 jid weldin asl weldin ommok il kalba..

Ilyess: ahahhh..eza777 khsara ma5latech 3aleha hedhi..tra 3alech la7kaya..ezza77777…haya enchouf hedhi tra

Mo5ateb thani: allo..ti haou jitek

Saheb elmo5ateb thani: ya khra chbik hazit 3alia..3andi ken 7akk appell……………(elmoukalma 9asset)

Ilyess: eyyyyyeh apparament feha mgayna ellila..tra 5anchouf hedhi trah

Mo5ateb thaleth: Bonjour Bibi!

Bibi: Salut.

Mo5ateb thaleth: Est ce que ca va ?

Bibi: Oui ca va, et toi?

Mo5ateb thaleth: Moi ? Pas très bien.

Bibi: Pourquoi ? Rien de grave j’espère ?

Mo5ateb thaleth: Tu t’es où hier ?

Bibi: Je t’avais dit que je ne vais pas venir.

Mo5ateb thaleth : Je croyais que tu ne t’es pas sérieuse. Je suis resté solitaire, penché sur ma bière et nouant toutes les misères.

Bibi: Ne dit pas que je t’ai manqué. Quand même le Pub est toujours aussi plein et les amis ne manquent pas  là bas.

Mo5ateb thaleth: Ce n’est pas pareil.

Bibi: Comment ça ce n’est pas pareil. Qu’est ce que j’ai de spécial sur tes amis? Quand même tu me connais que depuis peu.

……Elmo5ateb thaleth seket..ye5ammem matasma3 ken sout ennfass mte3ou..wou 9a3ad seket hekkaka……………

Ilyess: ti haya ya rabbi..anta9

Bibi: C’est bizarre non?

Mo5ateb thaleth: Bien sur

Bibi: Bien sur quoi?

Mo5ateb thaleth: Bien sur que c’est bizarre. Pour dire la vérité je ne peux expliquer cela. Parfois je médite afin de donner une explication logique à cette situation. Mais à la fin, je reviens toujours avec la conclusion que ce qui se passe est magique à cent pour cent. Comme ci une force que je ne peux qualifié d’angélique ou maléfique me guide vers l’enchantement, vers l’euphorie éternelle.

Bibi: Arrête!, doucement.

Mo5ateb thaleth: Un appel lointain qui m’appelle et qui murmure avec des mots que je ne peux comprendre. Des mots grecs. Et que je découvre enfin, que ce n’est qu’un discours platonicien qui revient de très loin.

Bibi: Aller termine.

Mo5ateb thaleth: Je peux terminer jusqu’à l’aube.

Ilyess : ti termiiiine barek

Bibi: Alors termine.

Mo5ateb thaleth: Mais l’aube n’est que le reflet de tes yeux que je ne peux cesser d’admirer.

Bibi: C’est adorable. Mais toi est ce que tu connais mes yeux?

Mo5ateb thaleth: Non, mais l’aube lui est très beau.

Bibi: Je ne sais pas si je dois te croire. Est ce que ça vient de ton cœur?

Mo5ateb thaleth: Tous ce que je sais, c’est que je ne peux cesser de parler.

Bibi: Mais moi je ne peux pas dire autant.

Mo5ateb thaleth: Laisse toi aller.

Bibi: Je ne sais pas.

Mo5ateb thaleth: Alors il suffit de fermer les yeux, bien respirer et dire ce que tu sens en un seul mot, le plus simple.

Bibi: Crois moi, si je fais ça je ne dirai rien, tu trouveras seulement  mes larmes qui coulent

Mo5ateb thaleth: Pourquoi? De tristesse?

Bibi: Non d’émotion.

Mo5ateb thaleth: A ce point!

Bibi: Tu as décrit ce que je sens. Comme ci tu étais au fin fond de mon cœur, comme un sentiment doux qui parcoure l’esprit.

Mo5ateb thaleth:  Des vieux souvenirs, peut être.

….wou 9a3dou sektin..ema Ilyess 7ass elli 9loubhom 9a3din ya7kiou m3a b3adhom fi koll da9a…..

Ilyess: ti haya cht7eblkom sket..ti yanta9 wahed menkom sinon..wallahi man9oss 3alikom..

Bibi: Est-ce que je peux te poser une question ?

Mo5ateb thaleth: Bien sur.

Bibi: Mais à condition que tu me réponds franchement.

Mo5ateb thaleth: Tu sais très bien que je ne te mentirai jamais.

Bibi: Qu’est ce que je représente pour toi ?

Mo5ateb thaleth: Pourquoi ?

Bibi: Je veux seulement savoir.

….. elmo5ateb thaleth sket marra o5ra..elmarra hedhi taoulelha chouaya…

Ilyess: pffffff…ti chbih tekwansa..ti chbih sket..yatla3chi met zeda..

Bibi: Tu ne trouve rien de concret à dire.

Mo5ateb thaleth: Non je m’interroge, je cherche au tréfonds de mon âme une image qui résume mes sensations.

Bibi: Et ca donne quoi.

Ilyess: eyeh..trah ça donne quoi

Mo5ateb thaleth: Tu es le levé du soleil qui illumine ma vie nocturne et qui fait apparaître les reliefs de mes sentiments enterrés pendant longtemps sous la voute d’une brume qui a enfermé un cœur endurci par le temps. Un cœur qui a oublié qu’il ne bat pas uniquement pour survivre, mais aussi pour exister et vivre. Comme un assoiffé qui trouve un mirage, croyant à ces hallucinations,  il se dirige vers lui, abandonnant la raison. Ce n’est pas par démence, ni par folie, c’est une question d’espoir, de besoin, de la vie.

Bibi: Tu ne cesse de dire de beaux mots. C’est quoi ton secret ?

Mo5ateb thaleth: Je n’en sais rien. Que faire si Dieu m’a donné la faculté de m’exprimer par la diction. Peut être j’étais un poète dans une vie antérieure. Et un poète ne peut donner fête à ces mots que par la présence d’une muse. Par laquelle il donne vie à ses sentiments, les libérés. Comme une tendre brise qui a soufflé sur une dent-de-lion, semant ses aigrettes aux quatre coins de l’espace, les permettant de défier les limites, rejoindre d’autres horizons.

Bibi: Tu crois à la vie antérieure ?

Mo5ateb thaleth: Non. Je n’accepte pas le fait que nous sommes d’humble incarnation de personnes qui n’ont pas appris de leurs erreurs. Au lieu d’y remédier, ils ne les font qu’empirer. Je crois à l’unicité de l’être, sa spécificité, son originalité. On est différent même si on a l’air d’être stéréotypé.

Bibi: Moi, l’réincarnation me fascine. Savoir qu’on a pu exister avant me fait rêver.

Mo5ateb thaleth: Car tous le monde rêve d’avoir vécu dans la peau d’une princesse, un guerrier ou un héros. Que penses-tu d’un savant incarné dans une vache ou un mouton ?

Bibi: en faite je t’avais pas demandé ..est ce que si tu es engagé ?

Mo5ateb thaleth: Non je n’ai pas fait l’armée.

Bibi: Mais non sérieusement, je veux dire engagé dans une relation.

Mo5ateb thaleth: Tu veux dire si je suis marié par exemple?

Bibi: Oui par exemple, Alors tu es marié ?

Mo5ateb thaleth: J’ai encore de l’espoir dans la vie, le suicide c’est pour un autre jour.

Bibi: A ce point tu as peur du mariage?

Mo5ateb thaleth: Bon, ne crois surtout pas que je le pense. J’ai seulement entendu cela auparavant et j’avais envie de le dire.

Bibi: Et réellement tu pense quoi du mariage ?

Mo5ateb thaleth: C’est un sacrifice. Le sacrifice ultime qu’un homme fait à la femme qu’il chérit.

Bibi: Est ce que tu n’as pas eu une relation amoureuse avant ?

Mo5ateb thaleth: Pas avant EC.

Ilyess: chnia EC ???

Bibi: Tu veux dire JC..Avant Jésus Christ ?

Mo5ateb thaleth: Non  EC..Avant D’Etre Conscient.

Bibi: Conscient de quoi ?

Mo5ateb thaleth: Conscient que ce n’était que des relations éphémères, dépourvues de tous sentiments. J’étais somnambule, errant entre rêve et réalité, cherchant à mon cœur une destiné. Comme un désert où tout mirage devient espoir. Comme un aveugle qui se combat contre le noir.

Bibi: Et cette révolution est née depuis quand ?

Ilyess : meli le5er 7ra9 rou7ou….

Mo5ateb thaleth: Depuis que j’ai fait ta connaissance.

Bibi: ah bon..comment ça

Mo5ateb thaleth: et ben tu te rappelle l’autre fois que je t’ai rencontré dans le salon de thé et tu m’avais demandé si je jouais à cache-cache car  ca fait un bout temps que tu m’as pas revu..alors j’ai répondu que j’essayais seulement de voir si je pouvais te manquer..

Bibi: oui je me rappelle

Ilyess : eni manetdhakarech..haya ezrebou 3edek beha woufet elpause

Mo5ateb thaleth: tu te rappelle donc que tu n’as rien dit..alors je t’ai demandé si je te manqué

Bibi: ah bon j’ai rien dit..je ne me rappelle pas

Mo5ateb thaleth: mais moi je n’oublirai jamais ce que tu as fait…

Ilyess : ah ech 3amlet zeda

Mo5ateb thaleth: tu n’as pas répondu mais tu m’as regardé dans mes yeux et avec une manière si féminine, tu m’a souri. Un pure moment d’extasie pour moi. Comme ci tu perçais avec ton geste mon armure que j’ai juré de la porter afin de me protéger d’un charme que mes semblables de l’armé des gentes masculines ne cessaient de succomber depuis la création. Une brise qui m’emporte au delà du monde réel, puisque j’ai vu des auras de couleurs jaillir de toi et s’associer avec les miennes pour créer une tornade qui nous projetteait dans une autre dimension dans laquelle tout sens et pensées humaines humbles n’existent. Ne voulant pas être démuni de mon propre contrôle, j’ai du faire péniblement halte à mes désirs et revenir parmi les mortels..

Ilyess : abay..tabsima da5let fih ghoula hekka..mela ken cher9et bil dho7ek..yemchi feha ?

Bibi: à ce point un simple sourire a eu un tel effet sur toi !

Mo5ateb thaleth: Un sourire ?! Un sourire a toujours laissé les humains pensifs, penchés sur le secret d’un geste aussi simple et si complexe à la fois. Il peut tous et rien vouloir. Le décortiquer n’est  que le fait de traduire nos pensées, nos sentiments, nos âmes.

Bibi: Pour être franche, je mentirai si je dis que tu ne me manquais pas. Mais je ne suis pas assez sûre.

Mo5ateb thaleth : Ce qui sépare le savoir de la vérité c’est l’interrogation.

Bibi: Je te l’avais dit.. je ne suis pas certaine.

Mo5ateb thaleth : Je suis adepte de la loi binaire. Dire que le fait que je te ne manqué pas n’est pas vrai, je ne peux que le comprendre par le manque engendré par mon absence. Cela malgré ton incertitude sur le sujet.

Ilyess : emmm..mela si Tayeb

Bibi: Est ce que je t’avais dit que tu es un peu philosophe ?

Mo5ateb thaleth : Philosophe ? Surtout pas.

Bibi: Si ! Tu l’es.

Mo5ateb thaleth : La philosophie est une science basée sur la logique. Et là ce n’est pas de la logique, c’est de la magie.

Ilyess: emm..mela 9as3aji

Mo5ateb thaleth :  Comme ci je baigne dans un courant de sentiments qui m’emporte contre mon plein gré. Et ce qui est bizarre c’est que je trouve du bonheur dans cela.

Bibi: Pourquoi on arrive jamais à parler comme tous le monde.

Mo5ateb thaleth : Comme un couple ?

……..etofla sektet..apparament da5let b3adha..mastanettouch yeselha elsouel hedha..surtout ennhom ma3andhomech barcha melli ya3rfou b3adhom……………..

Bibi: Comme tous le MONDE.

Mo5ateb thaleth : Mais on est comme tous le monde. Tu voulais dire comme un couple.

…… 3aouedet sektet marra o5ra..elmarra hedhi da5let b3adha belrassmi……

Bibi: Oui comme un couple.

Mo5ateb thaleth : Simplement parce qu’on l’est pas.

Ilyess : abay..etma3chi9 hedha elkoll..wou mahouch 7aseb roua7hom couple..mela ken jaou couple..mela kifech bech ya7kiou

Bibi: Tu me vexe là.

Mo5ateb thaleth : Surtout pas. J’essayais seulement de dire la vérité.

Bibi: t’as raison

Ilyess : berjoulia mella nabza nbezhelha..mzammra ezza7

Mo5ateb thaleth : Est-ce que ca va Bibi ?

Ilyess : ema ca va..natantha woutesel cava.

Bibi: Oui, oui ca va.

Mo5ateb thaleth : T’es sûr ? Car ce que je te sens, comme une fleur dépourvue de son odeur.

Bibi: Quoi ??

Ilyess : chbeha 3er9et wou sannenet ?

Mo5ateb thaleth : Tu as l’air triste,et tu semble avoir la tête ailleurs. Je crois bien te voir en la Madone.

Ilyess : Madonna ?..chemda5el Madonna ?

Bibi: Non, non tout va bien.

Mo5ateb thaleth : Si ce que  j’ai dit t’as dérangé.,je m’excuse.. je vais partir.

Bibi: Mais non..ce n’est pas ça..c’estjuste..un peu troublée

Mo5ateb thaleth : Tous va bien j’espère.

Ilyess : chou kifeh 3amel rou7ou mafibelouch..erajel enbezha wou yesel feha ech beha..ti kollou mennek ya si chbeb

Bibi: des troubles.

Mo5ateb thaleth : Des troubles de travail, de famille ou de cœur ? Tu sais si tu as à te confier à quelqu’un je suis bien là pour en parler.

Bibi: D’accord, je le ferai si AbdEraze9.

Mo5ateb thaleth : Bien dit. Aller je dois rejoindre les gars au café. On se parlera après.

Bibi: Bien sûr. A demain et bonne nuit.

Mo5ateb thaleth : Porte toi bien.

Ilyess : 5sarra ezza7..walahi ye3adiou elwa9et..lazemni en9ayed elwa9et mte3hom..hedhouma 7kayethom behia..wel marra eljaya enjib m3aya korrassa..3al dazza hedhi elwahed yewalli yejangel bil souri….haya khalini nemchi rahom estaf9douni elfou9..khir maytob 3alia wa7ed wou tetka3barli..estanna la7dha enchouf l’appel hedha wou nemchi.

Sabi7a :allo allo..Mokhtar

Mokhtar : allo allo..oui Sabi7a labes..labes ech femma..inchalah khir..

Sabi7a : lé labes Mokhtar labes..chnia a7welik enti..fil khedma?

Mokhtar : eni ? eyeh fil khedma mela win..9olli enti..intouma labes 3alikom..chnoua sarr..enti labes..esghar labes 3alehom..ommi saretlha 7aja ?

Sabi7a : lé labes..mafomma chay chbik tefja3et

Mokhtar : mela louah tkallem fia fi hal wa9et

Sabi7a: ezza7 Mokhtar..enkallemek..et9olli louah..et9oulech 3alia manich mraytek

Mokhtar : metdhakker metdhaker elli enti mryati..wou hia hedhi 7aja tetensa..behi ech t7eb..louah mkallamtni ?

Sabi7a : louah mkallamtek !..5ssartek..7abit en9ollek etwa7achtek.

Mokhtar : kahaou !..3ala hedha?..behi..mil wa7ech met elja7ch

Sabi7a: aman Mokhtar..en9ollek twa7achtek.. et9olli met elja7ech..ma5ibek rassek el7assilou.

Mokhtar: mela bellahi ech t7ebni na3mallek..makech tra fi rou7ek..tkallam fia madhi se3a mte3 ellil bech t9olli twa7achtek..wou eni ye3lem bia rabbi kifeh..metcha3bet fi salloum toulou zouz mitrou ensalle7 fi vanna bin fdha wou houa..wou 3arfi yanba7 men ghadi..ye7eb elchaine tarja3 te5dem..

Sabi7a: yaayy…zouz mitrouuu!..rod belik lé ti7..rod belik.

Mokhtar: lé mat5afech..ken enti t3alle9 wou enwalli chaded ebzouz yedin..manti7ech..behi kammletech enti taou..enajem en3alle9.

Sabi7a: estanna..asma3 bech na7kilek faza

Mokhtar: achnoua zeda!

Sabi7a: mahou elyoum kallmetni o5ti 7zemia..mahi 9altelha el3amma Der3ia..

Mokhtar: kharrrref..taou hedha wa9tou ya Sabi7a taou hedha wa9tou..khalli kif narja3 a7kili..essbe7 rebe7.

Sabi7a:  lé lé lazem na7kilek taou..el7assilou 9altelha el3amma Der3ia elli Souad  jaret Rakia..

Mokhtar: wou chkouni hedhi Rakia?

Sabi7a:elli 5ouha yessou9 fil car..tetdhaker hedheka elli dhrab wa9tha hek etfoll fi weset lebled..

Mokhtar:euuuuuuuuh..manetdhakrouch!

Sabi7a: hedhaka elli tla3 yekoun min Si Tijani mil lomm..houa yatla3 weld 5alet rajel ben 3ammet mart 5alou..5alou elli 3ayech fi fransa..hedhaka elli ye5dem fi nafes elmou9awlet m3a Ref3at.

Mokhtar: ema Ref3at zeda.

Sabi7a: ti Ref3at elli 7ra9 3am 92 m3a Hatem weld ommek Fatma elli tbi3 fi 5obez elGhanney..meskina wa9tha elbaladia faketleha elnasba wou 3ataouha ghrama..weldha wa9tha mahou blabzi..wou ma3andou win yedour elri7.. 3amal mochkla fil markez wou chaddouh seta chhour 7abess..meskina wa9tha sarr feha sarr feha..mana7kilekech

Mokhtar: eyeh mata7kilich.

Sabi7a: 7assilou kallmet makallmet 3alih..melli kallmethom si Ezzeddine ettbib 3arftou Dr Ezzeddine..hedhaka elli cha9 3ala Lella Majida yar7amha..bech yena7oulha elmosrana elzeyda..tetdhaker mahou houa bidou sarr fih wou ma mna3 ken ebsidi wou sidek..mahou kif cha9 fe9 elli lella Majida tal3et mna7ia elmosrana elzeyda 3anda 3 snin..wou hia mahi mra kbira..mataou9etech elbonej wel3amalia..twafet..wa9tha saret khoumadha kbira kbira kbira kbira.

Mokhtar: behi 3arafneha kbira..kamaltech.

Sabi7a: ma slek menha ken bil rou7..wa9tha wa7louha fi rass elmoubanej..ya sidi elmoubanej hedha yatla3 5ou AbdEssatar..hedha ye5dem chaouech fil wilaya..etda5alou wou kallem 3alih elwali wou barcha 3abed waslin..ema etbib hedha tala3 3andou ech men wa7ed wasel ye5dem dra fech..7assilou wallet la7kaya chkoun piston mte3ou a9wa mel le5er..wa9tha 9atli Zahira elli..

Mokthar: ema Zahira e5i mouch esmha Fatma

Sabi7a: ti lé 3ad Mokhtar..tabba3ni..ti la7kaya 7ketheli Zahira elli tosken  fi nahej  mte3 elli techrilna mennou fil kaskroutet..7a99a elkaskroutet elmarra elli fetit mahomech hek elkoll..7arrin chouaya wou na9sin slayet..wou zid lemmale7 mafommech..hia 9atli elli sle3tou ma3adech behia..walla 3ateha harissa bech yebannen makeltou wou bech manfi9ouch bil 9roussia mte3 elslayet..wou zid walla yena9ess fil thon wel chawarma ma3adech ye7ott barcha..ye7eb yestaghna 3ala dhhouretna..apparament martou bech touled wou ye7eb yezid yebni wi yekaber fil eddar..mahi darou zouz byout wou sala barek..wou martou t7eb 3ala bnaya..taoua 3andhom 4 wouled..msalli 3al nebi..mak ta3ref elwalidin malahom ken bnayethom kif yekbrou..tetlha behom..mouch kima khaltek Aycha..meskina jayba 5 wouled elli yerahom 9bal..et9oul ma7lechi menhom..meskina taoua 3aycha wa7dha..wouledha koll wa7ed 3ayech fi bled..wou mayetla9aou ken fil a3yed wel mounasbet..wou chouf wou chouf..wa7ed 3ayech fi Sa3oudia..wou wa7ed ye5dem fi Fransa..wa7ed 3ayech dra fi ba3edh leblayess..wou zouz lo5rin nsehom charta 3alihom ommhom matoskonech m3ahom..wallahi meskina tsakhef..Rafi3a etoll 3aleha sa3at 9atli meskina tetghaben wa7adha eddar kebret 3aleha wou wallet mou7cha..wallahi tsakhef la3zé..9atli kif nejbdou 3ala wouledha et9oum tetnahed wou t9oul elmoufid yekounou methennin..7assillou Rafi3a mani 9abeltha fil supermarché..9atli 3ala 7anout..7al jdid..makeltou bnina bnina bnina bnina.

Mokthar: behi 3arafneha bnina.

Sabi7a: 7assilou t3achchche9..7al  jdid..el7anout esmou..Trap..Trap drachnoua..fi chre3 lekbir..7allou cherka m3a Fadi weld o5tha Karima elmou3allma..mahou rajelha ken ye5dem fi ma3mel loi 72 wou kharjouh retraite anticipé..7assilou khdhé hbout behi..mahou moula elma3mel elgaouri.. naoui ye3aouedh barcha khaddema ebmakina barek..7assilou houa wou martou ..mahi lamdet taftoufa behia mil etude..9allek 7ata hia t9ari tra eb9addech..et9oul vazita mte3 tbib..7assilou chraou karahba kima mte3 Souheil weld khalti Kamilia elli dh5al beha fi 7it..7ata houa mraoua7 sokran mil Hammamet..allah lé tej3alna jorra..9allek houa ye7lef wi kattef elli houa khatih ..wou elli bouto eldhaou houa essbab 3ala khtrou cha9 3alih ..wou kif houa hrab 3alih d5al fil 7it mouch bel3ani..ta3ref 9adder wou ltaf..jab rabbi houa sma3 klem ommou wou 3amel assurance tout risque sinon rahou masaouer chay..7a99a 3ala majboud ommou..ma9otlekech mahi khalti Kamilia kenet naouia temchi et7ej esné..ema badlet rayha fil le5er..mahi bentha Wahiba..ba3thetlha carte d’hébergement bech etji ba7dheha l’Italia..9atlek 3amletlha program yefate9 yefate9 yefate9..berjoulia rajelha Fahmi yesser tayara..fere7 beha mouch normal..7assilou 9allek habtou karahba terrrrrrrrr3eb..wou dbach elli jabethom le5ouatha..wou dbach elli jabethom le5ouatha..9allek kollll chay signé de dernier cri..wou manset 7ad lé kbir lé sghir..7ata men hek elfaz3oun weld o5tha Akrem..mella karrouma ma7leh ma7leh..ta3ref mskin mrayedh…

Mokthar: ya Sabi7a ya Sabi7a

Sabi7a: oui Mokhtar.

Mokhtar: e5i ma3andek m3a chkoun ta7ki elyoum ?

Ilyess : 9oul ma3andha m3a chkoun t9ate3 wou trayech.

Sabi7a: wallahi lé ya Mokhtar..ta3ref etalfza mafeha chay..wou zid majanich ennoum jemla..ta3ref wallahi kobbi wa7di.

Mokhtar: ahayki ommi barra herr m3aha

Sabi7a: za3ma! Za3ma en9ayamha?

Mokhtar: lé lé lé..mat9ayemhech..meskina mahiach ne9ssa hia..khalleha..re9da.

Sabi7a: behi ech bech na3mel eni taou..7a99a ma7kitlekch chnoua 7katli 7zemia…euuuuuuuuuuh lé 3ad zaaaaa77.

Mokhtar: chbik  zeda?

Sabi7a: bech et9oss elcarta..aman Mokhtar ab3athli solde.

Mokhtar: manich lahi taou..manajamech no5rej 3andi khedma..barra or9ed barra..haya bye.

Ilyess : barra orged marged..mella makina mte3 ta9ti3 wou tarich..meskin hedha Mokhtar..haya khalini nahbet..yezzina ellilla./.

7kayet Naceur fil centre commercial

24 jan

wa7dou 9ae3ed yedour wou ye3kel..yemchi wou yeji..tala3 habet..men boutika elboutika..wou men stand lestand..fedid tayretlou fil hal centre commerciale..ma3andou maya3mel..ken ennou yemchi wou yedour wou ye3kel..yetaba3 fi khyelou fil vitrinet..mte3 les articles mte3 7ouayej lebnet..sbabet wou bodiyet..roueb 3arayess..wou parfanet..elblayek elmoulaounet..mte3 elsolde wel remizet..mahmchouh wou 5abloulou la3ouinet.

Naceur yakrah wou yefed fil eddam men 7aja esmha shopping..5assatan kif yabda ma3andouch flous kif el3ada..walla kif yabdaou el9adhyet mouch lilou..wou ma3andou 7ata masl7a fehom..ken ennou bech yehezz elsikan..wou yedez elchariouet..wou yehed 7ilou fil machyen wel jiben.haou el7anout hedha..haou hedha..haou sma3et fomma 7anout behi lenna..apparament msakker..lé apparament ghalta jemla..haya narj3ou lil 7anout loulani..ema allah ghaleb elmarra hedhi ken majatech o5tou Moufida hia elli 7alfetou berass omou wou bouh..wou bil ghali..wou belli ye3ezz 3alih..wou ken mahabletouch eb série mte3 da3ouet..mte3 ta9ri9..kima yefar7ek..ye3aychek..yonsrek..yebarek fik..ye3alik..yekhallik..yardha 3alik..yenajik..wi ba3ed leblé wou bnet la7ram 3alik..welli yezidou yefadedouh akther melli yo9n3ouh..rahou mamchech..wou en plus ya3ref rou7ou mahouch bech yeflet men sou2alet..ah khraj 3alia?..tal3et 3alia?..moualmetni?..mouch msamani?..mouch mghama9ni?..mouch wase3 chouaya?…mouch dhouaye9 chouaya?..mouch 3eryen?..mouch mte3 soirée akther mennou mte3 koll youm?..mouch mte3 koll youm akther mennou mte3 soirée?..enti wouled wou ta3ref  lebnet chnoua telbess?..za3ma 3andi 7aja assortie 3alih?..kif trani hekka chnoua t9oul?..haya msa7lich..yedhorli flena 3andha kifha..wella lé?….

 

Wou zid 3ad yetloua bouzou..yekachbar..wou khche5chou tousa3..wou sedddrou yetfa7..9albou yet3abb wou yabda yeghalghel da5lani..tellement chaded rou7ou..lé yeseb wou yal3an..wou lé ye3ayet..khassatan..kif yejiou les vendeurs ebta3ali9hom elfargha..wow khraj 3alik ya madam!..non pas de tout..watak 3al le5er..sa7a!..nouvelle collection rahi!..c’est tres à la mode!…lé hekka el coupe mte3ou rahi..c’est la mode taou!..chnoua sghir?..matkhafech yet7al wou youse3 emba3ed!..chnoua wase3?..bel3akes..et en plus yochreb men ba3ed wi walli mouati badnek!..jé 9adek 9ad 9ad..tbarkalah jek sur mesure..mouati badnet!t9oul mte3ik!..lé qualité ya madam..lé yochreb..lé yetchalfa7!..3ala fekra eni wa5dha mennou rahou!…..

 

Moufida ta3ref elli khouha yakrah hedha elkoll..ema mamché ken ma9atlou 3alech bech yemchi m3aha..3ala 7aja o5ra..hazetou ka dhamen..yetdakhel wa9et elouzoum..ahaouka ye9oum bellazem..fi souret mé 7let fi 3inha 7aja..wou Neji 3ekess..wou 9alelha: LA!!..ahouka 9alilha Naceur enkhallikom m3a ba3adhkom..wou kenek 7achtek bia..hani lenna mouch b3id..a3malli appel ataou enjik..tlafet lil Neji..wou ghazrlou fi 3inih wou 9allou: daccourdou?

 

Haya 93ad ye7aouess fi hak el centre..ji thmanya marrat..yelaouej yal9achi wahed ya3rfou..deja fomma des vendeurs ye9fou 9oddem 7ounethom..chay5in 3alih..ye3doulou 9adech men doura 3amalha..elyoum weekend wou elcha3b elkoll hbat m3a ba3dhou kif elnimela..dezni wou endezek..3ala achkal walwan..etnate5 wel mnatfin..elbaznessa wel m3arssin..elcouplouet..welli 3amlin rendezvouet..elza3banet wou bnet el3aylet..ellabbessa wel g3orr..elvayessa wel jbour..elchah’hara wel 7aoueffa..elcharaya wel farraja……ema chay..mil batayoun hedha elkoll..mafomma 7ata wejeh wella kach5a mte3 7bayeb 3ordhou..9al na3rafhom ko7iti akther men 7aleti..wouset ch’har wou lé fayda..haya et3adda lel9ahwa mte3 el centre..temli wetfaregh..la3bed 9ae3din wel sikan wel sachiet dayra behom..et9oul poubella mte3 7ouma..elbaldia tod5lelha ken marra fil fél..ahouka yrat7ou fo5ar rabbi..wou yerta7ou mil rzan mte3 elsikan..ahaouka houa hekkaka etdhaker Abouda..9al khalini enkallmou bech yeji..

Naceur: alloou..alloou..ahla Abouda..winek..win ba7rek..chnoua?..rekech ba7dha elkhazma mte3 dhaou..chnoua rakech m3a elkhadhra ya wouhayed?min warana mich 9otli sayé grechet……ah 9ae3ed wou barra..m3a chkoun?…..chkoun?..Fahmi wou FichFich..e5i elsikess Fahmi raoua7 men Italia?..e5i dharbetek la7yout mal 9it m3a chkoun to93ed..ah ya sahbi eldenia ta3ti elfoul leli ma3andouch zrous..na7na chaddin fi Tounes wou houa khrajj..pffffff..chnia..lé lé mansalamech 3alih….ech tekdheb..mouch 9otlek manich ensallem 3alih..wella trateb feha m3ah 9ae3ed..la3alla yedabarlek 5ouayet..lé lé normal..3andi Bonus..eni wini..fil centre..ti lé khassni ken chrayen l9ach taou..ti jit m3a Moufida wou Neji……3ejbetni mennek..kifeh…lé ya m3allem eni lani nefhem fi dbach lebnet lé chay..mak ta3ref chi3ari..elm3ebbi ma3andou may5abbi..wou zid lani kima 9olet 7ammel sitt elhanem..eni khouk fi mouhemma 5assa..garde de corps..fi sourat mé..ayah..mela chkoun 3anna nadhrbou men ghir mayechki bina..haya asma3 tij lil 9ahwa..haya etji?..chnoua allahoma enkhalles 3alik?..mela eni enkkalem fik louah..mahou enti bech t5alless..sada9ni mgayna..wallah sa7bek terr ferr..dourou lé…….lé elmouhemma mazelt metwassla..mazelou makhalsouniiiiiiiiiiiiiiiiiiiich..ya sahbi ken tra..ya ghibtek..bech yefoutek echtarrrrr 3omrek..elwazz ya sahbi el wazz lenna mouch 3adi..achkel wanoua3..3ala koll loun..ya tri..krima..wouw ken tra hedhi..mouch 3adia..tellement kbira..yedhorli..feha mato93odech..etgari..wella hedhi..et9oul rokba..ya7bena..et9oul compas..sa9iha twaaal..wel decha tab3a elra9ba..wella hedhi..esstanna esstanna lé lé 3efcha..yammi wouh 3alia..hedhi hedhi..et9oul 7bal wou fih 3o9da..yebki esserwal yebki..wou bech yebakini m3ah..

Etofla moulet eserwal: khouya ca va pas..ta3arafni..men bekri wenti etaba3 fia?

Naceur: entaba3 fik?3aleh ritni dhebbena?

Etofla moulet eserwal: chnia dhebbena!

Naceur: mela chkoun be5laf edhebena bech taba3 kharya kifek

Etofla moulet eserwal: wallahi lé te7chem wou lé taj3al..yalli makech motribbi..3ajbetek rou7ek wejeh eddoudou..ataou enwarik kifech..ataou enwarrik

Sahbetha: tafih tafih..mela moustawayet

Naceur: (fil talifoun) tadh7ak enti..eyeh 9atli wejeh eddoudou..chnoua sma3et koll chay..mela mat3ala9ech..nkamelou etchalouicha..la3alla enti7ou be7wija..khalik 3al khatt

………..oui..kifeh..ah.. eyeh eyeh..mahou elchayeb bech yebi3 elR18..yaweldi matrahech hekkaka..mata79arhech..rahi tang..chouaya elparachoc déformé..ema normal ti eni wa7di 9talet beha yeji sab3a kleb..taychethom tatich..bellahi..mabehmek..e5i ne5dem m3a elbaladia..mahom cha9ou 3alia ngarthom..en9ollek 7aja..ema rahi..sab9a 3omrha..feha fermeture centrale wou vitre electrique.tetsawarchi..eyeh..el7assilou..3azouza labsa jupe mini..hedha a7sen wasef leha…ti lé mabeha chay..ti wallahi 3azza 3alina..ema wallahi forsa..rahi s7i7a wou outourha dam3a..rani doret beha lebled men char9ha elgharba..7ata el libya mchit beha..wou ma9aletlich ayy..ema juste layamet  7achtna beflous..9olna khalina enbi3ouha..5alina netnafnfou chouaya..wen3ichou fi kanaf elra7a..wel kol chay..9adech na5ou feha?……..tous le temps ya becha…lé mouch elkarhaba..elwazza hedhi..ghayer 3adia..most3ad na5ou feha tous le temps ken yesaybouni barek..mouch 3adia mouch 3adia belkoll..ahhhhhhhhh ya galbi biffetek 3ala 7alha ya sahbi biffetek….ah…. chnoua el biffetek..mta3rafech elbiffetek?..mela jahalout….lé lé mahouch doua elbiffetek.. hedheka elboufattek..elbiffetek hedheya l7am..kif elwazza hedhi..la7ma mahiach 3adia ..kima elli t7ebhom enti ya s7aybi..eyeh..mentali..et9oul Jenifer Lopez..(Naceur 9rob lil tofla wou 9al)..ah 9adech harriti men 9lassen ya terma

 

Tofla elli tchabeh elJenifer Lopez mentali: (da5la b3adha) chnia ta7ki m3aya? Cava pas?

 

…Ba7dha eltofla fomma mra kbira wa9fa ba7dheha..tetfarej hia zeda fil vitrina wou apparament 9ae3da testanna fi chkoun..lemra lekbira hedhi sam3et chnoua 9al Naceur lil tofla..wou betibi3a ma3jebhech elli sam3etou..wou fi 7inek etfi7 fil Naceur..fi7et elnaylellah…

 

El3azouza: yalli mate7chemech..yalli mata7yech..ya hamel..yalli mouch motrobi..tet3ada 3ala bnet ennass..ya sa9et lé 7echma lé ja3ra..yalli mateswach…..

Naceur: chnoua ya 7ajja chbik..ech t7eb..jit 3ala sa7tek taou eni..haya etleha fi rou7ek..wou yezzik mel ghira..ken doret bik enti..rak che5et fi mo5ek wou rani ya ma7leni wou klemi a7la mel 3assal.. ..yezzik..echt7ebelkom.. ta5dhou wa9tkom wou wa9et ghirkom..khaliou el9assem elghirkom..mela 7ala teklou edenia wou yetsa7rou bel e5ra

El3azouza: bellahi bellah..mate7chemech wou mata7yech..yalli mat9adarech..wallahi manwarik.. wallahi manwarik ..9alli moghyara..ken jit fi chababi wou fi soghri..wallahi mateslem menni.. wallahi mayjik weldi maywarik .. kenek Weld ommek estanneh..mayakelek 9albek ..wallhi maywarik 3ala kelmet moghyara..9alli moghyara..ken jit sghira manradhach bik..

Naceur: behia hedhi ken jit sghira..bellahi elken mte3ik hedhi..narj3ou beha el9adech men 9aren eltali..momken elwa9et etoufen..haya 7aja tir taou..wou kenek 3ala weldek..hak ta3ref elwejeh..hani lenna..manich b3id..wou kenou rajel weled ommou kifma ta7ki..9ollou yejini..ema bellahi men ba3ed mat9oumech tebki 3alih 9oddemi..rani 7assess wou manti9ech..

….ti wini elwazza..win mchet..elyoum manich emfalatha..oui..chnoua kif el3ada tasma3..walahi jahletni hal 3azouza..mela 3azouzet stout..che3let fia hekkaka..mafhemtech ech mda5alha..7ar9etli elfilm elkoll..wou tayret etofla kenet rak7a..chnoua yadhnoubi kenet tarka7li..mant9i 3adem..ech tefhem mennou..eni na7ki mil galeb ya sahbi..wou elwazz yemout 3alli ya7ki mil galeb..lé hani enlaouej 3aleha..ah ahaya hani el9itha..5alik 3al khatt..(Naceur lil tofla)..asslema mademoiselle..najem na7ki m3ak d9i9a..7abit en9ollek elli eni na3tadher 3alli 9oltou men bekri..ema allah ghaleb rahou fommi fi termti wou termti fi fommi..

Tofla elli tchabeh elJenifer Lopez mentali: chbik ya chesmek..khit..cava pas..yesser vulgaire..ta3rafni bech ta7ki m3aya?sakhta!

Naceur: 3adech bih forsa bech net3arfou..esmi Naceur..a7sen wa7ed fil 3alem

Tofla elli tchabeh elJenifer Lopez mentali: weni man7ebech net3arfou..asma3 primo..eni rahou makhtouba..fiancée..wou khatibi lenna..elouta fil rez de chaussé..wou ken yejik ataou yewarrik..ok..secondo t’es pas mon genre..donc barra 3ala rou7ek yar7am waldik..ok

Naceur: et alors khatibek lenna..chnia elmochkla..nadih..eni rani man5af men 7ad ok..wou madhabia enrah hedha elli ommou da3yetlou bil khir..wou 9olli 3aleh manich ton genre chbini..na9es yedd..ne9ess 3in wella khcham..tbarkallah 3alia..bdan..wou beaugossité..chnoua akther men hekka dhaou9ek 3ali

Tofla elli tchabeh elJenifer Lopez mentali: allo..winek toutou..asma3 eni fil premier étage ba7dha l’escalateur..please chérie..ija fisa3 fisa3..fomma chkoun ye9alle9 fia aman ejrili…oui moi aussi je t’aime..bise…haou jeyik rete7et taou

Naceur:ah bon sara jey..haya behi..asma3 Abouda ken 3ala9et rahi rak7et elbounia la3alla nest7a9 yedaya ezouz ok..eyeh 3ad mademoiselle..ma9oltenech chesmek..mat7ebech t9oul

Tofla elli tchabeh elJenifer Lopez mentali:enfin le voilà!haou jé!

Naceur:winou?

Tofla elli tchabeh elJenifer Lopez mentali:ahaouka!

Naceur:enahou?

Tofla elli tchabeh elJenifer Lopez mentali: hedheka elli jay

Naceur: Hedha..met2akda hedha..sama7ni fik dhoret ma3andekech dhaoue9..eyeh enti..mela chnoua hedha khir menni..e5i ca va fi mo5ek?..e5i matrach mli7..bellahi ech 3ajbek fih..ken eni manich ton genre mela hedha ton genre?..bellahi nousefhoulek ya Abouda nousefhoulek..haya bech nabdalek..ya sidi..awalan spegrelli..t9oul majed lo3ba khachabia..walahi majeb yetsamma bdan 3alih..yedhorli fih labes jeldou 3ala 3adhmou..ti tellement dh3if..ma3andouch kerech jemla..yedhorli fih..ma3andouch msaren..ma3andouch me3da..3andou ja3ba 6 barek..rassou kbir par rapport eldechtou..en plus wejhou kif elsatour..bon cha3rou semi artab touil masbough asfar..wou mzala9 9ostou bel gel 3ala chtar 3inou lemin..khachmou ki yed etasdra..labes bil rose et9oul bachrouch..souria ma7loula..bech yewari legragef mte3ou..elkol wassel lil ktafet..wella 9oul lektafet 7adhom 3oredh elkol..serwal..serré..yedhorli serwal Barbie..wou sabat..et9oul palme..7asilou badnou kollou fil perpendiculaire.ti yemchi m9aouess..et9oul rassou ghalbou wou  bech yeti7….ya weldi maychabeh elchay rahou maychabeh elchay ..7ata eni kifek..mouch 3aref 3ala chkoun ta7ki men bekri bech yewarini..kifeh za3ma yatla3 mdharbi..za3maaa..enti rak makech tra elli enra fih..9ad manouseflek wou dima chouaya..wou 7ata ken mdharbi..mahouch moubarer..la7dha neselha..bellahi khatibek hedha..walahi enghoss kif en9ollek hedha khatibek..bellahi mdharbi..karatika..bruce lee 3ala 7alou..

Tofla elli tchabeh elJenifer Lopez mentali: Lé!

Naceur: Tla3 lé..et9oul enti labes 3alih?..eyeh ema hedha mayamna3ech..elli houa maja chay..ti ki yebda 9aroun bidou..rahou 3efech rahou..wallahi 7ram wallahi 7ram..hekka ene3ma mtaycha..wou mlaou7a lelli mayeswach..ya wallah a7wel..asma3 o5ti..base labes 3alih tant5a..wou 3andou karahba mouch 3adia..wella lé..bellahi mat9olich lé..aman

Tofla elli tchabeh elJenifer Lopez mentali: Eni leflous wel madhhar mayhemounich..ta3ref ya chesmek hedha chnoua yetsamma

Naceur: Kabben sa3ed..da3ouet charr..9asfen chbab???

Tofla elli tchabeh elJenifer Lopez mentali: Lé lotef 3alia..hedha l’amour..el love ya chesmek

Naceur: Ema love wenna 7ob mte3 jad waldik..e5i makech wa3ia wella chbik..ti 7ata rabbi ma9elech hakka..ti ema sayess ya Abouda..e5i makech tasma3 feha fech t9oul..etfoll yechabeh lommek tango wou hia t9olli 7ob..ema 7ob wema klab

Elkhatib: ahla chérie..bise..chbik..fja3tni 3alik rahou..ca va..choquée..t’inquiéte..chui là à présent..t’inquiéte chérie..chkoun m9al9ek

Tofla elli tchabeh elJenifer Lopez mentali: oui toutou..hamdellah jitni..je pouvais plus..hedha houa..il m’a agressé avec ses mots et ses maniéres..

Naceur: Ouh ya Abouda 3amel zeda lentille 5dhor fi 3inih..wou lé 9atlou hamedllah jitni..ti 5ayef enko7..enjibou lase9 fil 7it

Elkhatib: (madd sob3ou fi wejeh Naceur)..Chbik Monsieur..t9ale9 feha..labes?..ta3rafha?

Naceur: Ya7bena sob3ou kif ET..ti yeddou et9oul kammecha mte3 hendi..ya7bena ti kollou 3adham..ti ken yeti7 matasma3 ken etgarbi3..ya Abouda..men bekri men b3id enra fih..9otlek khayeb..ti men 9rib a5yeb wou a5yeb..wou lo5ra t9olli n7ebou

Elkhatib: Moniseur na7ki m3ah rahou

Naceur: Asma3 mata7kich m3aya..man7ebech noghzorli..lé nol7ed

Elkhatib 5ouya 9otlek..mnin ta3rafha bech ta7ki m3aha

Naceur: Mana3rafhech.. Mana3rafhech ..wou yartni ma3raftha wou lé doret 3ala sa7etha..konet 7abeb edenia 9bal..ema taoua wallit mo7bat..mo7bat..asma3ni..ya endra chnoua..hezz elmojira mte3ek m3ak..wou barra salli raka3tin choker.. wou arja3 elrabbi wou e7medou..3al ne3ma hedhi elli jetek..apparament 3amalat elkhir wenti sghir..sinon o5ti barra 7el keteb 3ala rou7ek..yarja3lekchi chahed la39al..apparament 3amlinlek 7aja..

….oui Abouda..eyeh mchaou..eljamila wel wa7ch..en3anbou edenia makheybha..pffffffffffffff..eyyyeh..haya la3zouz mte3 embekri..chbeha kabchet kil las9a hia zeda

..(Naceur lil 3azouza)..echbik ya 7ajja..ech t7eb tabe3 fi jorti..?

El3azouza: mouch 9otli ken weledek rajel wou weled ommou 9ollou yejini?

Naceur: eyeh..winou 3aziz ommou?

El3azouza: ahaoua

Weled El3azouza: TET9ABA7!!!!!

Naceur: Ya rsoullah……!!!

…………………………………wel talifoun 3alle9……………………………………………

Abouda: chbih 3ale9 zeda hekka..chnoua chadet b3adha khnifri

……………………………………………………………………………….àsuivre…………………

…………………………………wel talifoun 3alle9……………………………………………
Abouda: chbih 3ale9 zeda hekka..chnoua chadet b3adha khnifri

wa tamdhi al la7adhat..fi 7anout men 7ouanet eldbach…

Moufida: bellahi bellah..chnoua lé..chnoua lé

Neji: yezzi..na9ess ble7essek yezzi blé fdhaye7..la3bed toghzrelna

Moufida: chnoua walit na3mel fil fdhaye7 taou..machoftech rou7ek?

Neji: chnoua machoftech rou7i..e5i bessif techri koll chay..ebfommek taou 9otli elli etricot hedha 3andek mennou..ti charya mennou arb3a..etzid fi hedha louah

Moufida: 3adech bih..eyeh..ema ma3andich mennou fil couleur hedhi..elotef macharek mesta5ser fia jared tricot..to7et men 3ini..jab rabbi martek mahouch machi lil ghrib..ezaaaaaaa7?

Neji: manich mesta5serou fik..ema 9olli eltaou 7letech fi 3inik 7aja wou eni machrithech..yemchich fi belik elli natba3 fi bouhom leflouss..nedhakrek elli na7na fi weset ch’har..makhammatech chouaya.mnin jayebhom leflouss..wou zid yezzik elyoum..echrih elmarra eljaya.

Moufida: emmm..mnin jebthom..sare9hom ma7soub..na3rfek jaban t5af men 5yalek mata3melhech..rak m5obii dazza behia..mani na3rfek t5abbi 3alia fi koll chay..wou zid ken manechrichi elmarra hedhi ma3adech nal9ah..3ala 5ater 3amlin liquidation..mou manal9achi fil sum hedha..ti haya 3ad..haya 3ad..atla3 behom..3ayech najjouji

Neji:  najjoujek..tsebni wou t9olli jaban wou men ba3ed najjoujek..manich charih..manich charih.

Moufida: bellahi..3aleh makech charih?

Neji: bech bich nechrih bech..ebzaggi..etaftoufa elli jebtha wafitha fi choual9ek

Moufida: bellahi bellah..choual9i..asma3ni eni mani met7arka menna ken mana5dhou eltricot..na3rfek tekdheb..rak 7atethom 3ala 9albek..abab Neji wou terr ferr..tjedd 3ala 7ad e5er..ranni 7afdhetek 7afdha..9aryetek 9raya

Neji: walit nekdheb taou..tekedheb fia..bel7ram leni charih..bel7ram leni charih..ayah ataou enwarik kifech  mkadashom 3ala 9albi..mella

Moufida: asma3 ya Neji mathabalnich..echrih sinon ta3ref chnoua bech yessirlek..wa9tha lé t9are9 lé chay..wou chouf chkoun ye7ezz 3alik

Neji: thaded fia?thaded fia..chnoua bech ta3melli..elli fi ma9dourek a3mlou..ken 3andek ri7 dharri 3achra

Moufida: beeeeeehi..talifoun..talifoun el 5ouya elNaceur..wou tchouf chnoua bech yessirlek

Neji: toz fik wou fih

Moufida tkallem fi Naceur..wou Neji yoghzrelha dahech..yestkhayel fi chnoua bech yessirlou

Moufida: chbih si wedhni mayhezzech zeda ..pffffffffff..ti haya hezz..ohhhhhhhhhh..estanna yehez barek..wou ataou tchouf ech bech yessirlek yalli ech bech ye9oul fommi..alllo allo Naceur? alloooooo..Naceur..ti winek..allo Naceur..tasma3 fia?

Naceur: (ya7ki bil chouayyyyyyyyya) allo Radhia..eyeh eyeh nasma3 fik..asma3 manich lahi taou..

Moufida: e5i chbik twachwech..manich nasma3 fik mli7..ti 3alli soutek..manich nasma3 fi chay..rak ta7ki fi 7ouayejek

Naceur: manajamech..manajamech en3alli souti taou..chbik chnoua t7eb taou

Moufida: chnoua chnoua n7eb..e5i fech tfahamena menbekri..asma3 hek elNeji..3amali fidhi7a fil 7anout..wou bdé ye3ayet..7eren may7ebech yechrili tricot 3ejebni

Neji: dima tekdheb elottef..eni elli 7erenet wella enti

Naceur: ech t7eb na3malek taou..ma7abech ma7abech..akahaou e5i bessif..bech tmout ken matechrichi hal tricot..e5i 7kayet 3aned hia

Moufida: ya7bené chnia ech t7eb na3malek zeda..e5i mela louach jayebetek m3aya..ti chibik ya Naceur e5i jay m3aya wella m3ah..

Naceur : behi behi..3adihouli..ataou enkalmou

Moufida: chnia etkalmou zeda..en 7ebek tjih taou..wou tetfahem m3ah face à face..t3arfou 9adrou..e5i enti win ghatesss ?

Naceur : ti behi..hat enkalmou essa3a wou men ba3ed netfahmou

Radhia : behi ema en7ebek tsa5s5ou bech yetrabba..behi ?

Naceur : behi behi..fisa3 elcharge bech ye9oss.

Moufida: hek ye7eb yekalmek..t7arek..may7ebech yestanna mak ta3rfou..eyyyeh ma7leha fik..hek bech tasma3 matakrah taou

Neji: mase9tek el7assilou..etkoul 3abid 3andek..mouch rajlek..tfih 3alli maye7chemech

Moufida: tabza9 3alia????Tabza9 3alia???..ya Naceur..bza9 3alia rahou

Neji: ti hat..3amaltelna elfadhe7..allouu..oui khouya Naceur..wallahi ya Na…

Naceur: alloo..asma3 Neji khouya..bellahi..etsaref  yar7am bouk wou chou kifech techrilha wella to9ne3ha bech tbatel..mahi martek a3ref kifech tet3amel m3aha…

Neji: (yoghzer elRadhia behet..fommou m9aouess kil hlel..wou 3inih ma7loula kil fenjen)..ehhhhh

Moufida: tasma3 fi wou sa5 wedhnikéé!!

Naceur : asma3 ya Neji..yar7am Ommek..el7ajja..rani wa7el taou fil toilette..wou louken no5rej..fomma wahed bech yedo9ni bi tri7a..mela 3adhrout mte3 wedhni..met7alef fia..deja eni hrabet mennou bil rou7..kiltha bounia fi wejhi wou m9ass..jabni tayer kil 9atouss elli wakel mochta..ta3ref 5alla dmoumati chertellah..wallah elta5ni lat5aa..et9oul 3alia kadhegh..ti 7alef bi min yo9telni elyoum..Neji tasma3 fia ?..bra7met bouk  ya Neji..brass elli ye3ezz 3alik..mani khouk wou 3achirek..brass Moufida..chouf kifech t5arajni..wella kifech tkallem el7akem..asma3 Neji kalamni..eltalifoun bdé yezamer ma3adech 3andi charge..asma3 ya Neee…………..

Neji : (7at etalifoun fi jibou..yoghzer elMoufida bi chtar 3in wou yetbarssess)haya nemchiou

Moufida: win?..e5i ech 9allek..chnoua jeyik? Chnoua bech nemchioulou?..e5i win machin..bech tejbed flous?..e5i win machin e5i makech bech techrili etricot?..9olli e5i ech 9allek elNaceur?

Neji: (tlafet elMoufida wou 9alha)..9alli ken 7ernet marra o5ra..sarfa9ha ebkaff..ataou tetrabba..wou chihemek..eni m3ak

Moufida: (ghatat yedeha ebfommha..wejha et5al5el..mafjou3a et9oul rat en3oucha..masdouma et9oul doublet elwahida fil bac..mo7bta et9oul dhay3et penaltie fil final) lé lé..mat9olich..khouya elNaceur..khouya 9al hekka..mosta7il mosta7il..tekdheb mouch bel7a9..a3tini en3aoued enkalmou..impossible..tekdheb 3alia tekdheb 3alia..e5i ech 9allek bil dhabet

Neji: chnia?..makech msad9a..behi 7ata hia yeddi etnamel wou tekel fia men bekri…..hay 9oddemi t7arek

5arjet Moufida m3a Neji mil boutique..mdankssa rassa..met2azma..mouch fehma ech sarr men bekri..wou chnoua khalla Neji yesta9wa..wou Naceur yejebed eb o5tou la7mou wou dammou

Moufida: yaa chou ya Neji fomma dam fil 9a3a..dra mta3 chnoua

Neji: mte3 wahed dha7aou 3alih elyoum..haya enraou7ou taou..ma3adech bekri..edenia bech tedhlam./.

Anis wa Wafa che3er cha3bi

22 jan

Wafa ya bent soussa..Wafa ya bent soussa
Anis lemramma kletla floussa
7arek wel sebta makboussa
7arek wel sebta makboussa
wou gal el7esba madroussa..wou inchalah matkoun ma3koussa
wafa el3ers grob..wafa el3ers grob
Anis edwah ken el7ob
gal elhamla chay gdim..gal elhamla chay gdim
wou 3ala jelek a3mal regim
esakra wel sahra woufet..esakra wel sahra woufet
lé soussa lé hammamet
Wafa..Wafa..Anis tla3 wouhayed
Wafa..Anis tla3 wouhayed..souheb woukhayek lewougayet..fi kol la7dha dima m3ah
fi kol la7dha dima m3ah..fil gahwa wella fil koora
fi kol la7dha dima m3ah..fil gahwa wella fil koora
wou kif sallek m3ak oumoura..melli khatbek marinah
Wafa..Wafa Anis tbaddel..khalina engoulou t3adel
Wafa Anis tbaddel..khalina engoulou t3adel..walla yekhammem fil mariage
wella yekhammem fil mariage..tala3 habet kil louage..wella bayet fil peage
goulili wach a3maltila..goulili wach a3maltila
khaliti loulad fi 7ila
kif tla3ti lil la france..wala 3ayech fil souffrance
goulili lachkoun khalita..goulili lachkoun khalita
khaliti loulad 7tita
min bo3dek Anis thad
mili mchiti eltunis..khalitih blech wounis
woulala 7amma wella 7med..7it yehezza..7it yrod
min bo3dek meskin fad..taffa edenia..taffa enness
wella cheded elkayass
yestanna elJom3a nhar khmis..wella 3ayech kil 9essiss
fi aidek..yeched ethnia
fi aidek..yeched ethnia..hazezlek fi yedih hdia
galba ydog alf wou mia..wel compteur 170
methandem etgoul echia..wel parfum dharba lil 7in
3amel cha3ra bil gomina..wou 3azem yekoun 7nin
wou dhaher 3ada sahria..kharej menha salamet
la boulis wou la sayada wou la khatfouh elradarat
raja3 kif sid bouglada..nawi yeraje3 elfazat./.

7kayet Hazem wou FichFich

22 jan

Ba3ed mat3adalou leddar..fi essbe7 wou la3chia..wou wassa m3a bouh wou ommou..mchelou lil bat7a..lil playstation..lil 7it elli woura esseka..lil khazma mte3 dhaou..ellycée..elbassem..s2el ay wahed rachi..wella ya3rflouchi thnia..Hazem khayatha el7ouma wou ri7tou mafommech..fil le5er kif raoua7 FichFich lil eddar kalmou 3ala talifounou..wou 9allou ahla Hazem..Fich Fich m3ak..chnoua 9lebet 3alia eddar..cava..7ajtek bia..chbik makalmtnich 3al portable..ti baba chadni khna9ni..9alli chbih sa7bek men bekri whou houa kharrar marrar 3al eddar yesel 3alik wi 3aoued..win konet tethoumel win..chnoua 3andkom emti7anet..wou etdhaker 3ad elnotet wel indharat elli jaou..7assilou rassatli fi sabounia..fi jortek si chbeb

Hazem: ti winek win ghberet mil sbeh wani enlaouej 3alik

FichFich: konet fi 9adhya iste3jalia..eyh 3ad ki enti 7ajtek bia urgent kalamtni 3al portable

Hazem: lé mahou ma3andich 7a99 appel..asma3 7ajti bik urgent..fi faza

FichFich: chnoua echfemma

Hazem: asma3 ataou net3adelik taou taou

FichFich: ti chnoua echfemma

Hazem: haou jitek haou jitek

haya la7dha men zmen wou ken Hazem metepointi 9oddem darr FichFich..wejhou te3eb wou asfar..et9oul hazez 7mel eddenia 3ala dhahrou..3aytlou..khrajou jmi3 wou 9allou..asma3 mani sahbek..errou7 berrou7..taba3ni ija en7eb enwarik faza..haya nemchiou woura eljarda..bech enwarihelik..haya mchaou..9a3dou woura elkarma fi e5er eljarda..win sa3at elmouatnin yetaychou el5rod mte3hom ghadi..metarfin..elli met3eddi..maya3tihomech 5abrr..esghar elli mestansin yala3bou fil jarda..fil wou9ayet hedha..tal9ahom fil madrssa..wou elkbar..yekhafou ennhom yet3adaou min woura eljarda..la3alla to5rjelhom ba3edh lahouayech.

FichFich: ah ech bik..chnoua l9it..wini elfaza elli bech twariheli..chnoua 3amalet..3arka? Dharbouk?..chnoua kalamet Ikbal? Taffetik..chnoua mat9ollich bech endoublou essné?

Hazem: mafomma chay men hedha..la7dha barek..mayra fina 7ad?..ok……………………………….c bon

FichFich:chbik hekka 3amel..estoui rou7ek..chnia hedhi faztek..elli jayebni  3aleha..ya7beni..estoui rou7ek layraouna la3bed

Hazem: 7ot sob3ek 7ot

FichFich: win?

Hazem: Lenna

FichFich: lenna!..louah..fech 9am

Hazem: ti 7ot mouch normal..na3mlou jaou

FichFich: ema jaou mte3ik..ca va pas..man7otech

Hazem: ti 7ot 3ad

FichFich: louah

Hazem: ti faza

FichFich: ema faza mte3ik zeda..ti chbik..ti dhaher feha khayba

Hazem: ti 7ot faza mouch normal..rit Pa’ wou Ma’ ya3mlou feha kif dkhalet 3alehom fil koujina..9amou yadh7kou..wou 9atlou ya3tik..mabledek

FichFich: bouk wou ommek?…..behia za3ma?

Hazem: wallah mouch normal..apparament feha tcheye5 mouch normal..eni rani jarabtha..behia chi5a liyeni wayyek

FichFich: lé khouk

Hazem: ti haya 3ad aman..ti chnia la7kaya elkoll..sbo3 wou akahaou..e5i bech enghorr bik e5i..chou hein..hani bech en7ot sob3i zeda eni

FichFich: lé khouk..fok 3alia..hedheka sob3ek t7otou win t7eb enti 3adi..ema eni yedhorli mouch 3adia faztek..ti ken yeraouna lo5rin..taou ye9oulouna fech ta3mlou..faztek kif ri7et lemlou5ia..boufadhou7

Hazem: ti matkhafech..hana wa7adna..mayrana 7ad..wou zid ken yeraouna..momken barcha te3jebhom..wi 7otou soube3hom elkoll

FichFich: elkoll..m3ab3adhom?..normal?

Hazem: Eyeh mela..ti koll m’akther souabe3 koll ma khir

FichFich: za3ma..lé khouk..enchaouer baba 9bal..mak ta3ref may7ebech el7ajet hedhom

Hazem: ti lazem et9ollou enti

FichFich: eyeh mela..lazem en9ollou..may7ebnich..na3mel 7aja men ghir manchaourou..ti ken yasma3 bia 3amalet 7aja hekka wella hekka..mayekeli jo7ri..may7ebech ela3eb elmaset

Hazem: taou wallit tchaouer fi bouk..ti darkom wala 3ala belhom bik..ti normal rahou..mafeha chay..ti base bouk wou houa sghir..jarbha m3as7abou wou houma sghar

FichFich: impossible..baba mouch mte3 la7kayet hedhom

Hazem: ti wallah..haou Pa’ wou Ma’ 3amlouha wou 3adi..ti Farhat elmarra elli fettit..fi 7anoutou elde5el..7at sob3ou 7ata houa..ti houa ell3alamhali..mani seltou 3aleha..fassarli wou jarabneha

FichFich: ya3tik be3zé mal9it ken Farhat?

Hazem: Eyeh..ti wallahi dhalminou Farhat..yesser behi..ti che5na..wou tefla9 bil dho7ek..wou 9alli yatla3 mennek ya wou7ayed..hek tla3et ett7ebelfazet hedhom..3atani ka3ba glace..wou 9alli elmarra eljeya kif etji..en3almek 7ajet o5rin kifha..e5i bellahi bech enghor bik..wou louken ma3ejbetekech..matkhafech man9oul el7add..hana wa7adna..ti rak sahbi wou khouya..mankhabi 3alik chay..wou 7abit enjarabha m3ak 9bal la3bed elkoll..ti haya 3ad..madem mafomma 7add..wou mat5afech..ken ma3jbetekech serrna fi bir..ti enjarbouha elmarra hedhi barek..wou ma3adech en3aoudouha..

FichFich: kelma

Hazem: behichi zeda..kelmet rjel

FichFich: behi behi..haou sob3i..en7ot hekka

Hazem: stanna stanna..9bal koll chay..sob3ek ndhif?..mani na3rfek dima tma5ouer

FichFich: ma7soub souab3ek enti houma elli ndhaf

Hazem: behi 7ot hekka..ti 9areb chbik hareb..manech bech neklehoulek sob3ek..mat5afech zid chouaya..zid 9arreb..uuuuuuuh..ti mat5afech 9otlek..ti marra eni wou marra enti

FichFich: eni emba3ed zeda

Hazem: mela kifech..eyeh koll marra wahed yejareb

FichFich: behi behi..haya ezreb ezreb..hani 7atit sob3i

Hazem: Prix prix..bel3arbi tekel sa7fa lablabi..fi dar sou7abi..ya mabrouka 7el elbab..rahou louled jaou mil kotteb..jaboulek war9a wou joueb…..ye333333..chaditek enti..taou eni nohreb wou enti lazem tchednni

FichFich: 3ad enti ma9otlich lazem enhareb sob3i bech matchednich bidek..wou chnia hal ghonaya hedhi zeda

Hazem: ti eljaou fil ghonaya..ti eni che5et 3aleha barcha barcha..mte3 ness 9bal..hekka ken yala3bou 7olila..9otlekchi bouk ken yal3abha wou houa sghir

FichFich: ema eni wayek barek masta..twalli khir ken jaou barcha souabe3

Hazem: eyeh..9otlekchi..twalli jaou kbir..chi5a mouch normal..3efrita mout

FichFich: haya taoua eni..3ejbetni barcha..haya 7ot sob3ek 7ot..madamna wa7adna./.

7kyet si Tarhoun fil Sbitarr

22 jan

Si Tijani..kima koll sbeh wou kifma ayouha rajel kbir entriti..3andou sonna 7amida woua mou9adssa..mayfaltha ken fi lé ye9adder mardha wella fi dharoura el9ousswa..ala wahya ennou yemchi lil 9ahwa mte3 el7ouma..bech yela9i andadou wou as7abou..ahaouka ya3tiou kelma wouye5dhou kelma…yeselou 3al a7ouel wou yetna9chou fil a5bar wou 3al koll ma sarr fil elbled..ahaouka wousel lil 9ahwa..yotleb elfiltre mte3ou..wou yo93ed m3a jme3tou fi blayeset el3ada..

si Tijani: haya sbah elkhir ya Samir..chan7wel elwoulidet

Samir elgérant: marahbé si Tijani marahbé..wallahi hamdoulah labes..haya ech tochrob..filtre kil 3ada

si Tijani: Eyeh..haya hek

Samir elgérant: Chnouma hedhom si Tijani..kil 3ada..na9sin 10 franc

si Tijani: Ohhhh ti fok 3alina mil hal 10 franc elma7nouna..wou enti marejna 3leha kol sbeh..e5i mata3yech..3ef rahou 3ib rahou 3ib hedha yetsamma t9ar9ich rahou..mayo5rojech 3alina..rak wouled 7oumti wou zid rani client wou saheb elmar7oum.

Samir elgérant: Eyeh si Tijani 3ala khaterek wouled 7ouma wou client wou eldhekra mte3 elmar7oum..hek 3alech koll marra enwassa3 beli m3ak..Wou n3aouedlek koll youm wou eni mobtasem..nafes elma3bouka mte3 el 10 franc ena9sinn wou eli enti lé nhar 3atitni 7a9 hal 9ahwa kemel..et9oul 3amel bel3ani makech 7abeb tadafa3 kemel

si Tijani: Bellahi si Samir wallit t3ayer fia..ritni 9alleb mte3 siyedtek..yekoun fi 3elmek elli eni 3andi flous wou kol marra enmedelk 50 s7i7a wou enti makebch el 10 9bal kol chay..wella na7na ensam7ou wenti lé.

Samir elgérant: Wallahi ya si Tijani eni kol marra na5ou mennek el50 franc wou enraja3lek menha elba9i..wou 3ala 9ad ma3titek 3achrat..lé nhar raja3ti menha wa7da.

si Tijani: Eyeh mela kahaou..ma3andich 10..mnin jibhelik..wella mouch lazem ne7lfou ma3adech na3fsouha el9ahwa..hek hal 50 franc.

Samir elgérant: Ema ya si Tijani rak matmeddha el 50 ken malazem en3aoudou elmosdouaj hedha kol sbeh..ti yarsoul ellah ti 7ata fi nhar ra7ti..9omet 3aradhtou hal mozdouaj 3al mra..

si Tijani: Wach t7ebni na3malaek ta7kili fi 9esset 7ayetek..haya het het..maremzek el7asel..ya Assfour filtre mte3 el3ada m3a 9otra zhar 5alina nestfaylou khir hal sbeh..wou jibheli elbo9a3ti..

Si Tijani 3andou blasa special mo5assa lih mayo93ed ken feha..leblassa hedhi 9riba lelkassa..ahaouka forsa ken 7ab bech yeherr m3a Samir en cas jme3tou mazelou majaouech..wella yetfaih manghir mayachal9 kif yabda elmaoudhou3 mayhemouch..men mouyezet leblassa hedhi ennha tetmayez bil maou9e3 elestratiji elli tmaknou b7okem woujoudha 3al dhifaf elkayess ennou ye3ess 3al mechi wou jay wou 3al de5el wil kharej..wou fi nafess elwa9et yebda 3ati wedhnou lil 7adith..wou zeda men khlilalha 3andou nadhra panouramia tmaknou men moumaraset hiouaytou elmoufadhla fi a7sen maou9a3 tarfihi wa iste3lami..ala wahoua spermarché Fathi..yechallel elli ba9a men 3inih..wou ya3mel talla 3ala bourset le9fef..wou crani elcrédiyet ila a5irhi.

Si Tijani kif wousel lil taoula..tesdam..wou jetou 5ayebt amal..kif el9a wahed 9a3ed fi blastou..meknou ennirvou..wetbadlet sintou..

si Tijani: Ya khouya ya khouya..sma7ni blasti.

Wahed elli 9a3ed fi blastou: Blastek..sbeh elkhir awalan..chnoua 9otli blastek..natl3ouchi fil madrssa ya 7aj..blayess elkoll kif kif rahi ya 7aj

si Tijani: Sbeh elkarfouss..9otlek korsia wou taouelti hedhi wou yezzi blé tdhoumir maset mte3ik..manich 7aj..chkoun kdheb 3alik wou 9allek elli eni 7aj..haya tebram.

Wahed elli 9a3ed fi blastou: Chbik ta7ki hekka ya 7aj..chnia korsia..ti 7ata el7aj ele5er 9al kifek zeda wou tar menkorsih

si Tijani: 7aj rokbti..haya 9oum 9otlek.

Wahed elli 9a3ed fi blastou: wou ki man9oumech..ech bech ta3malli..bech tjibli 3adel
monafedh..wella el9oua el3amma.

si Tijani: bellahi wallit tetboureb..haya 9oum..mata3rafnich rahou..eyeh enjibhelik el9oua el3amma ya hemma.

Samir elgérant: Ya weledi ya 5ouya bellahi khaliliou elblassa rajel kbir mestaness yo93ed ghadi..mak ta3ref..bellahi yezzina men bleh hal sbeh..

si Tijani: Eni blé ya si Samir..walitou tsam3ou fia elklem 3ala 3a9ab 3omri..behi behi..akahaou jek ennhar ya Tijani..elli znouss wellat tsama3 fik fi wousa5 wedhnik..akahaou 7ata eni taya7et 9adri wou fadleket m3ak.

Samir elgérant: Ya si Tijani sama7ni..mano9sodech..ema 7abit en9oul elli enti kbir el7ouma..wou ken tsir ey 7aja..wouled el7ouma yafz3oulek..yejiouk yejriou men koll blassa..wou mak ta3ref si Tijani..el9haoui 3abbet lebled..elclient elli ta5srou m3adech yarja3lek batatan.

Wahed elli 9a3ed fi blastou: Behi 3ala khtrek Samir..haya 7aj achba3 beha ..wou rod belik 3ala rou7ek ok..laou damet li ghayrika lé ma 2alat ilayk.

si Tijani: nannna nnannna..Tebram..remez..mate7chemech..ya Assoufr jetech hal 9ahwa

Assfour: Jééééééééééék

si Tijani: Haya ya raabbii lekrim..ezreb rou7ek ech noua m7ani sa9ik si Assfour..

Assfour: Jéééééééééééék

si Tijani: 7ot lenna 7ot..effffffff..asma3 Ya Assfour..Ekhi mat9olich winou si Tarhoun madhorech mouch 3ouaydou yewa5er..fil 3ada yemchi lil marchi wou yeji toul. e5i si Tarhoun matallech elyoum..wella jé wou mché?

Assfour: e5i masma3tech.

si Tijani: chnoua inchalah khir

Assfour: mahou si Tarhoun d5al lil sbitar elbare7 la3chia hazouh en urzence

si Tijani: ya rassoul ellah..mat9oulech melloul..ken maneselek..7alit fommek mil sbeh..

Assfour: mnin na3ref si Tijani..fi bali 3achirek 9olet base 3al belou.

si Tijani: la7aoula wala 9ouata ella bellah..rabi yoltef bik ya Tarhoun ya sahbi..rabbi yahdik..rabbi yahdik

Assfour: e5i cha3mlaet eni..mnin na3ref 3alik ya si Tijani..si Tijani haya forsa..3ad haou wa9et ezyara 3eddek bih barra toll 3alih

si Tijani: ba3ed ma habatet elfiltre..wella en9ollek 7otha fi goblet..wou kheff rou7ek

si Tijani haz 9ahoutou estanna fil ma7ata..khdhé taxi bou blassa..wou hbat lil sbitar..

si Tijani: haya hek ya wouled

Taxist: chnouma hedhom?

si Tijani: Flous..mela kakaouia?

Taxist: Lé 7aj..no9sod e5i enti mnin tla3et?

si Tijani: Mel ma7ata

Taxist: Eyeh 7aj ne9sa 50

si Tijani: 50 3aleh..e5i mouch 500 ?

Taxist: Lé 7aj 550 rahi

si Tijani: Yetwallak rabi mnin zedtha hal 50..e5i t7eb tzalba7ni..ti e5er marra rkebet kenet 500..e5i 3amel tarifa 3ala zay rassek?

Taxist: N3am 7aj?..Chnoua mnin zedtha..rahi 3andha 3amin rahou melli tzadet..mouch men rassi rahi hedhi feha 9anoun rahou

si Tijani: Masma3tech beha eni hal zyeda hedhi..chbih ma5abrouch

Taxist: Masma3tech..Ech t7ebni na3malek kenek re9ed 3ala wedhnik..7loua 9alli chbehom ma5abrouch..e5i houma mestansin ye5abrou 3ala 7aja.

si Tijani: Mayhemnich..mandafa3 ken 500..wou chkoun 9alli s7i7 elli ta7ki fih

Taxist: Bellahi kedheb 3and syedtek..asma3 rani motrobi m3ak..wou m9ader eltaou lo3morr rahou..rani ma3andi win ydour erri7.

si Tijani: Chnoua? Thaded fia 3aleh ech bech ta3meli..rani 7arif..ta3ref ech ma3neha 7arif..lazmek t9adarni..

Elchauffeur chad frein wou wa9ef elkarahba fi weset elkayyess..lekraheb etzammer wourah..khoumadha wallet..

Taxist: asma3 ya chesmek..ken enti 7arif..eni moun7arif..donc chedd el 500 mte3ik wou tir o5roj mel taxi..lé enbassi fi jortek

si Tijani: Chnoua mazelt maouseltech

Taxist: Ti ahbet 9ali mazelt maouseltech..ye3jlek lé wouselet..mayezich bal7atli eltaxi bil 9ahwa mte3ik..wou zid tsara9 fia..haya tir kheff rou7ek

si Tijani: Bellahi ted3i 3alia.rajel kbir fi m9am bouk

7arif e5er ndhayef: Ya khouya ya khouya..ma3adech bekri rahou..rana 3ana masouliyat..Ti bellahi saybou rajel kbir rahou..hedha elkoll 3ala 50 franc ti ataou enkhalasha eni wou sme7

si Tijani: Ma9otlekech khalass 3alia..manich notlob 3andek

7arif e5er ndhayef: Bellahi ya 7aj hedha kfouya..walahi 3adou el7a9..mella 7ala..elchib wel 3ib

7arif thani gabaret: uuuuuuuuuuh..Ya weldi saybou bellahi ti 50 rahi

Taxist: Saker fommek enti..50 eyeh 50..wou zid mouch 3al 50..ema 3al faza..manich msame7 wou ken mouch 3ajebek ahbet m3ah

7arif thani gabaret: Asma3 eni mazroub rahou..en plus eni chihemni..ki tethardou

7arifa o5ra: oh lala..mouch faza..3ib ezza7..chayeb

Taxist: chnoua?

7arifa o5ra: lé 9olet..echib wel 3ib

Taxist: Ahabt 3ad

si Tijani: Fil kayess? Rabbi yahdik Ti7eb tdhrabni karhaba..behi a9ef 3ala jnab 3al a9al

Taxist: Yahdik enti..eni ma7achtich..ti ahbat..yadhrabouk lekraheb wella temchi tzamer

si Tijani: Hani habet..et9oul ma7soub rekeb fi mercedes..ti mahi ella khorda..znous mte3 wedhi..ti barra lé trab7ek..inchalah ta7re9 stop..yehezek camion..tfih 3alik.

Taxist: Chay wou barra yalli bech en9oul fommi……………………………..

si Tijani: Tsebbé tsebbé.. la3net allah 3ali mayae7chemech ..lé tar7amlek 3adham..inchalah telbess fi 7it..inchalah yejik le9dha ta7t camiyoun Berliet..ah..haou bezhar habatet fil ma7atta..nestanna elcar…barra ken tzamer

7arifa o5ra: yaaa..d3a 3alina el7ajj..nahbtou khir..esstanna monsieur..nahbet 7ata eni.

7arif thani gabaret: 7ata eni zeda habet..hek chedd.

Taxist: ri7 essedd..wenti makech habet?

7arif e5er ndhayef: eni mazroub..ti ma7asalt taxi ken bessif..ezrebna 3aychek khouya.

5dhé si Tijani elcar..t5adh kima 7ab houa wechtha..daz wou dazouh..lin tkarem 3alih wahed weled 7lel..wou 3ateh blastou..fil la79i9a houa si Tijani 93ad yoghzorlou merjou..haou 3afaslou 3ala sabatou..haou wou9ef binou wou bin etofla elli yeraka7 feha..wella yor3och akther mel lazem wou yetkhadh m3a a9al rakza fil kayess..haou yestaghfer..haou yewa7wa7..fil le5er louled fedd..mennou..9am wou 5allelou leblassa..haya ell7assilou wousel lil sbitar ba3ed mamrej elchaffeur bil 7adith fi koll chay wou 7ata chay..haya wou houa de5el..3ordhou kochek jdid ba7dha bab esbitar..wakel eltrottoir elkol.

si Tijani: hal 7anout awel marra enrah lena………………hay aessalamou 3alaykom

Houanti: wa3alaykom essalam..tfadhel ya 7aj

si Tijani: tbrak allah tbarka allah..3amra la7ouinta machallah

Houanti: elhamdoulah essatar rabbi..ahaouka khoubza nest9atou menha

si Tijani: 7alit jdid lenna manadhakrach ritha la7ouinta maoujada lenna s7i7 wella lé..netdhaker kennet lenna fomma madda nemchiou 3aliha..tra win hazouha.

Houanti: Eyeh ya 7aj elhamdoulah ahouka khobza nest9atou menha wou rabbi yoster..elhamdoulah elthaoura 3aounetna

si Tijani: Belahi..mli7 mli7..barakallahou feha elthaoura..ahaouka taoua elli yabda yemchi 3al trottoir yal9a rou7ou faj2atan fi 7anoutek .rabi ye3inek woulidi

Houanti: 3aychek N3aounek fi 7aja ya baba..yedhorli fik jay tzour fi mridh

si Tijani: Eyeh..tbarkalah 3alik faten wou nbih..mela louah de5el lil sbitar

Houanti:Inchalah labes inchalah labes..wou inchalah ma3andou saou..mel 3ayla?

si Tijani: Inchalah Walahi rabbi yoster wallahi lé sahbi wou 7bibi rou7 berou7 meskin ma7soub 5ouat manetfar9ouch

Houanti: Moulabes ech 3andou? maredh?

si Tijani: Lé lé 7adeth

Houanti: Ya latif ya latif

si Tijani: Tayrin tayrain fil kayesss tghaffess..la3bed 3andha kil dhebana

Houanti: Lé 7aula wala 9ouata ella bellah..inchlah labes inchalah labes..9adha wa 9adar ya 7aj 9daha wa 9adar

si Tijani: Hamdoulah hamadoulah..9adder wou ltaf

Houanti: ayouah ech bech ta5ou ya 7aj

si Tijani: eyeh ken kteb mafiha bess..3andek yaghoret?

Houanti: Eyeh emana naoua3 t7eb

si Tijani: Ar5ess wahed..a3tini 8 ka3bet wella en9ollek eb9adeh

Houanti: 180 elka3ba.

si Tijani: A3tini zouz ka3bet

Houanti: Kahaou?

si Tijani: kahaou yezzih e5i bel chab3a houa..behi 3andek bachkoutou?

Houanti: Eyeh..3anna t7eb lar5ess zeda

si Tijani: Lélé nesel wou barra..a3tini gazouza

Houanti: Gazouza ? Ekhi mechi testaltef ya 7aj wella machi thani

si Tijani: Mayjich?

Houanti: Lé lé mayjich..khdhoulou ghalla..yedhorli khir

si Tijani: Za3ma..ech 3andek

Houanti: Haou fomma elbanane

si Tijani: 9adeh?euh euh euh ekhi chbih ghlé elbanane

Houanti: Mahou thaoura ya 7aj

si Tijani: Mela thaoura..Haya mouch lazem mennou..mesteness bih ma7soub..9adeh

Houanti: 360..Na9ssa 10 ya 7aj

si Tijani: Haya fok 3alia men hal 10 elma7nouna rani machi enzour fi mridh..wallahi ken majach maredh wou 3achiri wallah lé nechrih elyaghoret.

Houanti: Chbik ech3elet ya 7aj kil ftila men ghir zit..ech 9otlek eni 10 franc..ti essme7 essme7..inchalah bechfé.

d5al si Tijani dhaye3 fi hak sbitar..3ordhotou wahda 3arfha elli hia fermlia men b3id men labsetha..wejha asfer..ch3arha mcha3chet..3iniha m7aou9in..wou mel naf5a eli dharbteha et9oul doctour Es9olli..t9ollek ta3rafchi etteb..et9ollek enzid fih..ta3tik echahia bech traoua7 lil eddar bech tmout.. se2lha 3ala bit si Tarhoun..hia fil la79i9a fer7et bih barcha..kollhom yefer7ou bil rajel lekbir..wou 9atlou: atla3 elfou9 lil deuxieme étage 3ami rajel..wou laouej 3alih fi e5er elcouloir 3al yemin..rahou bi ba3edh elbyout.
si Tijani tla3 lil étage elli warathoulou elfermlia..elli kif el3ada tla3 ghalet wou mouch houa.. 93ad yelaouej men bit elbit wou men étage el étage..wou houa meskin 3rou9atou chertella..yemchi wou yerta7..wou yesel et9oul madhaya3 weldou..lin wousel lil bit bizhar..si Tarhoun mamdoud 3al farech..wou kolou m3assab..matra mennou ken 3inih wou fommou..Et9oul moumia..si Tijani terma 3alih..ya Tarhoun ya 5ouya..mou labes inchalah belotef..wallahi tefja3et 3alik..bil 3amal hazit rou7i jarya..haou k3ibet yaghoret ched behom rou7ek..wou inchalah bi zyretna yethazlek elmoral wou tabra wou to5rjelna kif la7ssan..mat5afech labess..lé tradhridh tradhridh..wenti zid eni tetchouke3 chouaya..9olli labes 3alik.

si Tarhoun: netchouke3 eyeh..netchouke3..chouaya tradhridh..e5i makech tra fia koll m3asseb et9oul 3okssa…wouji3a fi koll blassa..7assess rou7i manich lase9 fi ba3dhi..offf estaghfer ellah la3dhim..3ala koll..3aychek ya Tijani..3aychek ya khouya..haouini elhamdoulah..ech 3anna en9oulou.

si Tijani: elhamdoulah..dafa3a allahou makana a3dhem..ema 9olli chnia sebtek..chnoua sarlek…7adeth?7adhet?

si Tarhoun: lé lé..mani ya Tijani..mchit..kima 9alou..fil talfza..bech enbadel..bita9et eta3rif..bech en9ayed..mchit lil mant9a..khdhit laoure9 ellazma..7adharthom..wou rja3etelhom bech ensobhom..ya sidi el3aouen khdhé laoure9..chefhom..wou 9alli beeehi aoure9 elkol maoujouda wou mrigla..ema tarje3 ghodwa ya baba..9olet behi 3adech bih..rja3et men ghodwa..estanit chouaya..nafes el3aouen 3aoued chef laoure9 marra o5ra..9alli koll chay tamem..arje3lena ghodwa..ghzaret hekka wou 9otlou behi..rja3et men ghodwa..3aoued chefhom marra o5ra..9ali kol chay 5/5..arja3 ghodwa inchalah..9oltou ghodwa..9alli eyeh mani 9otlek ghodwa..9otlou rani jitek ames..wou hedhi ghodwa rahi..9alli 9otlek arja3 ghodwa..mouch 3aref..tla3li elnervo..weskhana tal3et elrassi..wejhi t3aouej..manekdhebech 3alik ya Tijani mouch 3aref ech sarli mché fi beli fi baladia..hazit yeddi elfou9 wou ntaret 3alih..chnia hal khedma hedhi..mouch ma39oul rahou..chnoua no93odchi méchi jey zeda 3ala syedtek..ija ghodwa ija ghodwa..wou hedha ghodwa mayjich..mella emarek..wou mella khedma mte3 arab..to93dou metkhalfin 7yetkom kemla..7assilou lé 5alit wou lé ba9it..la79i9a el3aouen ma9al chay..ghazarli..wou tabess ebkollou..ta7et elbirou..wou tla3 mennou labes casque mte3 bop..wou ya khouya ya Tijani..hedhika e5er 7aja netdhakarha..edhlem..edenia k7alet..wou 9ass elfilm ghadi..wou men ba3ed haou fil sbitar kima tra..re9ed..mdagdag fi 7ala.

si Tijani: chkoun elbloulissi

si Tarhoun: taou nadhrab rou7i ebrass..taou nadhrab rou7i ebrass..elboulissi? eyeh elboulissi houa elli etdagdeg ya Tijani..elboulissi..chnoua ba3thinek bech tkamel 3ala jad waldia..haya edhheb men ba7dhay.

si Tijani: chnoua ya Tarhoun..rani nesel nheb nestafser..e5i elboulissi chnoua sarlou

si Tarhoun: wou 3ala baba wou 3ala ra9edtou..tir ya Tijani..tir la n9oumlek

si Tijani: bech t9oum..lé mouch lazem et9oum khallik merta7..haya behi kif et7assanet..rani mil thnia wou eni ned3ilek..

si Tarhoun: aghhhhhhhhhhhh..ahhh

si Tijani: ya Tarhoun..ya Tarhoun..r9adet..erte7 erte7..ataou enji entol 3alik ghodwa./.

7keyet Marouen wel talfza

22 jan

Marouen tfol sghir bari2..wi kima ay tfol sghir fatten..koll chay yerah yedhorlou iktichaf
gharib..echeddou fi mo55ou..wa9tha yabda yet9assa wou yesel 3al 3ella wou benet el3ella..3alech kifech wou wa9tech wou chkoun..el7assel yemrejlek elkbeta mte3ik..lin ya3ref koll mahi saghira wella kabira..tafha wella mouhemma..fil maoudhou3.
Haya marra Marouen 9la9 mil la3eb..khdé elcommande 9al 5alini enlaouej 3ala barnemej mte3 sighar wella comic behi..ahaouka chadd yezappi wi yebaddel..wi cha9leb fil chanette..lin ta7 bi mala to7madou 3o9bah..ebzahrou meskin wou 9bal 3omrou ta7 eb..ech bech ye9oul fommi..fil la7dha hedhika elbara2 etoufoulia mte3ou tba5ret..nsé wou rjel..kbar wou sghar..mil wesfen lil byodh..mil khayeba lil mezyena..wou mil bdan..lil botti..7allin fi b3adhom ja3fria..elrajel laeth..3rou9atou chertella..3amel zouz 9o3ret zit ta7et dhbabtou.. wou lemra ch3arha mchabchab..wou fommha mkachkach..et9oul charba elraghoua..wou le5er ghatess..yefare3 marra fi hedha wou marra fi le5er..wou lebnaya binathom..marra lehia behdha wou marra lehia blo5rin.
Marouen wou9ef 3ala blasstou..3inih mfanglin..fommou ma7loul ta9..wil skhana tal3et elmo5ou..wella 7assess rou7ou mouch kil 3ada..wou 7assess eb7ajet awel marra ye7ess behom..winek ya Marouen wou winek mil chay hedha elkoll..Marouen 3araf wa9tha elli houa mazel sghir..wou denia mazelet m5obia 3alih asrarha..wou fomma baaaarcha 7ouayej mazel maya3rafhomech..wou tdhaker wa9tha klem Si Tijani..9ad mat3ich tchouf wou tet3allem ya woulidi..
Marouen akther 7aja leftetlou entibahou..ennou kifech elmra elmezyena..jet lil rajel wou 9atlou: si flen elfoulani..moutha9af..3alech houa barek 9atlou moutha9af..wou chbih lo5rin masamthomeh moutha9fin..juste flen ben 3llen rais 7ezeb..wou sayda flena ben foulen amina 3amma 3al jam3ia elwatnia..dhrab 5messou fi sdessou..3sarr mo5ou wou estajma3 ma3loumatou..yelaouej 3ala ma3na moutha9af..za3ma ma3netha houa 9aray..wou ya9ra barcha 9issass?ema lo5rin ma3netha mahomech 9araya?mela chbih le5er rais wou houa lé..za3ma houa ya3ref barcha 7ajet..kima pa’ kif neselou mnin ta3ref ye9olli tha9afa 3amma?eyeh 7ata lo5rin ahaoukom yejaoubou s7i7 wou ya7kiou bil klem lekbir..mafhemet chay..rassi wouja3ni mil to5mem..berjoulia 7kaya hedhi tfoutni..wou lazemni na3raf ech ma3neha..7allha nemchi nesel ma’ base hia ta3ref..mahi hia dima t9arini..wou kif neselha tjaouebni bes7i7..bon hia s7i7 ta9ra lesla7 men tali wou eni na3mel rou7i manich feye9 beha..ema hia ta3ref kollll chay.
Mché lommou fil cougina 9a3da mchammra 3ala dhra3atha et9assi fi ka3bet bouga..tetakrem..wel djej lak7el deyer biha.

Marouen: ma’ ma’

Om Marouen: chbik ech t7eb?

Marouen:  ma’ n7eb neselk 7aja ?

Om Marouen: haya fok 3alia manich ne9setek.

Marouen:  aman ma’..bech neselek souel.

Om Marouen: Marouen manich ne9setek taou..eb3edni..rahi elkalba benet elkaleb tal3etli..tchedni men khachmi tatla3 rou7i..edjej lak7al deyer bia.

Marouen:  aman ma’..souel barek.

Om Marouen:oooooh..9adech tkabech..chbik..chbik..ech t7eb..9rit drousek se3a 9bal?

Marouen:  eyeh

Om Marouen:mmm..behi chnoua..ezreb rou7ek

Marouen:  ma’ echma3neha motha9af?

Om Marouen: motha9af!..ken jit ta9ra 3ala rou7ek rak ta3raf ech ma3neha..wenti maz3im ken fil la3eb..al3ab al3ab lin tetsatek.

Marouen:  aman ma’ dima hekka enti..kol man7eb net3allem 7aja..tabda thantel fia.

Om Marouen: madamek enti matefhem ken bil fala9i..9adech men marra nabda nanba7..barra a9ra barra a9ra..e5i machi fi belik ta9ra lili..mak ken etdoubel mata5sar ken enti.

Marouen:  ezzah ma’ dima hekka enti..mat7ebnich net3allam 7ata chay..mani 9otlek 9rit droussi..wou sati..bech touled..wou mazelou majaboulnach mou3aoudha.

Om Marouen: etza7za7 3alia! Behi behi..emmm..melli d5alet lil makteb wou satiyetek elkoll ya 3arssou ya bech youldou..7a9ni samitek sa3ed mouch Marouen..wella na3malek 9obba..tellement woulidi..dhoret yena7ou bik etab3a wou yejibou bik le9boul..wou man7ebekech tet3allem?..maritek tet3allem ken fi bleda wel rkeka..behi wenti win sma3tha?

Marouen: fi talfza 9alou flen ben felten motha9af.

Om Marouen: mmm.. wenti mafhemthech?

Marouen:

Om Marouen: tal9ahom kif y7ebou yochkrou 7ad y9oul alih motha9aff.. par exemple KEN ENI NA7KI 3ALA BOUUEK..N9OUL HEK ELRAJEL ELLI 9A3ED METEKI MAY3AOUENICH LE FIL COUJINA WOU LE YE9ARRI SGHAROU 3ALA ABOUAB EMTI7ANET..WOU 3AMEL FI ROU7OU MAFIBALOUUECH..EN9OUL RAJLI MOTHA9AF.. dharben lougha bte3 twanssa..fhemet taou?

Marouen: lé!

Om Marouen: yeje3lek lé fhemet mak msatak kifou..maz3im ken fil forja fil talfza..barra eselou mahou bou el3orif.

Bou Marouen: YA MAROUEN..SAEYB OMMEK..IJA LENNA..CHBIK CHT7EB..CHBI BABA CHBIK..chbeha ommek t3ayet chebha

Marouen: mana3rafech..tayretleha..t9aecher fil 7out..9alet tchedha men khchamha tatla3 rou7ha.

Bou Marouen: behi ma3adech t9ele9 mama..behi Marouen..5aleha wa7adha..ok ?behi enti chnoua t7eb.

Marouen: pa’ n7eb neselek souel..na3ref tnajem tjaouebni 3alih..3ala khatrek enti adhka wahed wou naja7 fi 7yetek wou eni n7eb enwalli kifek..na3ref kollll chay.

Bou Marouen: sa7it..esel baba esel.

Marouen:  pa’ echma3neha motha9af?

Bou Marouen: ki ttji tchouff ennes elkol moutha9fa..mé kol wehid kiféch..5ater etha9afa subjective

Marouen:  mela 3alech fomma jme3a fil talfza yesamiouhom motha9fin

Bou Marouen: 5ater selon leurs reperes personels et selon les cadres

Marouen:  ah !pa’ mafhemtekech belkol.

Bou Marouen: 5ater edinia des reperes et kol wehid kifech houma dans le cadre du sujet mté3hom houma mittha9fin.

Marouen: fhemet chay..a3lech fil talfza ye9ououl flen elfouleni motha9af..wou lo5rin lé.

Bou Marouen: ba ché pas..trah ba3ed chouaya min 9oddemi.

Marouen mché el5ouh lekbir..essné ya9ra bac..wou yetsamma elmithal ela3la mte3ou fil la9rya..fil madrssa yadhrbou bih elmathal kenou fil 39oulia wel 9rya wou eldiscipline wel torbia..khou Marouen ken elchouchou mte3 elmo3alin..yefasa5 esaboura..wou yejib etabachir elmlaouen..wou yatba3 lil classe..wou ki to5rej elmo3allma..houa elli ye3ess 3al classe wou ye9ayed elmouchaouchin..yejib ennaouar..wou yewassel eljaouebet mabin elmo3almin..wi yeched elfal9a..etc..el7assilou carriere heyla fil madrsa t3adet..maklé feha 7ata dharba bil 3assa..ema klé marra tri7a nabech le9bour men 3and wouled classou elli tardou..Marouen 7al bab bit khouh belchouaya bech mayadha3louch tarkizou..yal9a 5ouh..dharbou 5miri fok elkorsi..7alel fommou ta9..yech5er et9oul bared yeghli.. 9rob ba7dheh wou 93ad we9ef yetfarej fih behit..yedaoua7 fi rassou..wou 9al fi 9albou..hedha elli ye9olenna mat9al9ounich..wou 5arjni mil bit wou khallani enbet fil salla..3ala khater ndhaya3lou tarkizou..wou elli houa lila kemla mayor9odech lil sbeh……
5ouh 7ass bil 7athla..welli fomma chkoun ba7dheh tnfadh wou 93ad 3al korsi wou mad elkorrassa wou 3amal rou7ou ya7fedh. Wou tlafet elMarouen :

Khou Marouen : 9a3ed na9ra manich re9ed

Marouen: ma9tolek chay..wou zid 3andi draj weni wa9ef wou enti makech lenna.

Khou Marouen :Wallah léni re9ed.

Marouen: konet tech5er rahou..wou zid korastek ma9louba

Khou Marouen : Wallah lé..mouch s7i7..mghamadh 3inaya bech na7fadh..wou korassa ma9louba..bech manajamech ntoll menha.

Marouen: ………..abay ma9ouak el9itha fisa3……………behi behi..nheb nesl souel wou n7ebek tjaouebni..na3rfek woulidha wou ken enti tnajem tjaouebni 3alih.

Khou Marouen : chnoua inchalah khir..ezreb matdhaya3nich..wou t9ossli 3al concentration mte3i..rani bac essné..ma3adech bekri..wou d9i9a be7sebha.

Marouen: ech ma3neha motha9af?

Khou Marouen : cultivé.

Marouen: ti lé lé.. fil talfza dima ye9oulou m3ana flen ben falten motha9af..ech yo9zdou beha.

Khou Marouen : ah oui ma3netha..intello.

Marouen: intello ! intellegent ?

Khou Marouen : lé ma3netha intellectuel.

Marouen: ahhhh……….eyeh wou chnoua ma3netha intellectuel.

Khou Marouen : eh !………………..trah ba3ed chouaya mechi lil toilette..ataou njaoubekemba3ed..behi ?

Marouen:  behi.

93ad Marouen yestanna fi khouh elli bet fil toilette..da5let o5et Marouen lil bit..meskina mraoua7a te3ba mahdouda mil khedma..wou rasha youja3 feha..o5et Marouen maitrise finance..nej7et ma bin el 5 loulalin fil promotion mte3ha..9alet madam 3andi souffle enkammel na9ra mastére..jet bech et9addem fi mastere el institut mte3ha..chay 9aloulha elli rahi sné tna7at..9admet fil les mastéres lo5in ma9eblouhech ya 3ala khater wouledhom 3andhom awlaouia..wella 3ala khater hia maitrise wou houma maye9blou ken el licence..el7assilou fil le5er kif ayset..wou fedet..9alet allah ghaleb nemchi ne5dem wakahaou..wou yezzi mil 9raya..elli 9raou metou..wou zid haou 3andi ch’hedeti..wou ba3ed 4 chhour wou hia tlaouej..chedetet 5edma fi centre d’appel..spécialisé fil voyance. Mchélha Marouen yejri.

Marouen: bech tor9ed ?

Okhet Marouen: lé se3a net3achha..3aleh enti ?

Marouen: n7eb selek souel ?

Okhet Marouen: behi emba3ed..enbadel dabchi.

Marouen: lé lé fisa3 fisa3..na3ref elli enti barek fil dar hedhi tnajem tjaouebni.

Okhet Marouen: asma3 ken souel mte3 blédé..e9leb mandhrek men taou

Marouen: lé lé..n7eb na3ref ech ma3neha Motha9af

Okhet Marouen: motha9af! Louah souel hedha zeda enti.

Marouen: sma3et fil talfza ye9oulou flen motha9af.

Okhet Marouen: ah motha9af..houa el 3abed elli ma3andou 7ata 3ale9a fil domaine elli ya7ki 3alih..ema houa civilisé wou 3andou 7ajet wou ara2 ye9oulhom. Bil souri ma3nteha cultivé.

Marouen: mouch intellectuel?

Okhet Marouen: lé cultivé..ta3ref khir menni.

Marouen: ma3netha houa 3abed yeda5el fil khachmou fi mala ya3nih ?

Okhet Marouen: ma3netha houa 3abed yefehmelha..fhemet?

Marouen: ma3netha intellectuel

Okhet Marouen: yehdhorli..lé cultivé.

Marouen: met2akda ?

Okhet Marouen: mana3rafech.

Marouen: ataou nesel ma…maaaaaaaaaaaaa’..maaaaaaaaaaaaaaaa’./.

Suivre

Recevez les nouvelles publications par mail.

%d blogueurs aiment cette page :