7kayet Slimane wel wa9t

11 Avr

Slimane 7all elbab bil syessa wou sakkrou kharej..wou yal9a ommou fi wejhou toghzerlou wou charr tayer men 3iniha 7atta yedeha 3ala westha..dhaher 3aleha met7alfa..faj3etou elmeskin.

Slimane: besmellah elmane3 elsattar..chbik yammi..fja3tni..labes?

Om Slimane: tfih 3alik makech rajel.

Slimane (behet 3inih ma7loulin ki fnarat el 4L): yammi chbik yekhi..ekhi chbik hekka ta3mel.

Om Slimane: ya wati ya sa9et yalli majitech 3abed..3omrek bil 3omor la twalli rajel.

Slimane (masdoum sadmet el3omr kollou): abay !!!!??

Om Slimane: abayyin..nadhel zeyed elnadhel yo93ed toul 3omrou nadhel..ekhi mat7chemech 3ala rou7ek..9olli mate7chemech?

Slimane (mouch msade9 rouhou):  chfamma labes?

Om Slimane: tesel zeda!!..makech 3aref!!..ekhi taoua 5arej? Taoua?..lé 9olet 3andi 3ila..lé 9olet 3andi omm wou bou fil hal eddar..lé 9olet 3andi jard famila mkabia eldakhel wa7la fi hamm’ha testanna fia..ekhi ma3adech 3andek 9alb yekhi?..lé 3andek lé dhet wou lé dhamir..ekhi 9olli lil darja hedhi dhamirek met..ekhi la 3ad fik la chaf9a la ra7ma..wallahi la teksebha ri7et elensania..win mchet torbiti fik win mchet..ekhi lechkoun tla3et lachkoun 9olli..wella metchammet fina..yedhorli metchammet fina..ya khssaret tarbiti fik ya Slimane ya khssaret tarbiti fik..el7assilou tfih 3alli mayeswach..ekhi 9olli chnoua elli baddlek 3alina..chnoua elli khalek wallit fil tina hadhi..la 9olet baba ye9oum bekri yemchi ye5dem..lé ommi mridha 3andha gholt eddam..ekhi t7eb ton9otna ekhi t7eb tojlotna ekhi trakblena lamradh..ekhi t7eb terta7 menna dharba wahda..rak to9tel fina bil 3ere9 bil 3ere9..sada9ni 7erna fik..7erna fik..9olli 9adech men marra kallemnek..sayessnek..wou chayyyyy..lé 7ayata li mantounadi..o9tlou yasba7 7ay..ekhi 9adeh men marra nabbhna 3alik 3al wa9et..wou chay sidi 3amel rou7ou mouch houni..yodkhel menna yokhrej menna..et9oul 3alik la wassitou wou la kallamtou..ti oghrzer eb3in elra7ma el jaddtek mra kbira mridha ma3adech ta9der..tbahdhalha fil 3omor hedha?!!..wella okhtek..mazelt ta9ra rahi..teklet 3ala ayyamha bech tasna3 mosta9balha..hekkaaaa!! hekkkaa!!..kebelha sa3dha m3ak..bi 3amaylek..masakh’ha masakh’ha 9oddem s7abha..5alihom yo93dou ye3ayrou feha 7yetha kemlaaaa.

Slimane: yammi ekhi chbik?

Om Slimane: mani omm 7add..9ta3tek 9ta3tek..ya dini elwahed yeklet wou yendeb 3ala ayamou enhar wou toulou ya transport ya za7ma dezni wou endezek..maykammel elnhar ken ma jedd bouh man7ou7..wou zid yekammel 3alia hal dhanoua el7arma yezid yaghsrouna..7ssibek rabbi ya Slimane 7ssibek rabbi..behi hekka 3ajbek taou takhli fia ned3i 3alik..farhan taoua ommek tetchafe3 mennek wou metghacha 3alik..koll youm hakka koll youm hakka..tal9ana eni wou bouk wa9fin endadiou kelli martou bech touled lin syedtek et’hel 3alina..msallmin fi khdemna wou fi ra7etna bech si chbeb yecharef..marrertelna 3ichtena rak..yemarrek 3ichtek ya Slimane ebjeh sidi 9neze7..ya dini elwahed walla ma3dech mnajjem lé yekel kif la3bed lé yelbess merta7 fi jorrtek..wallahi wallah..wallahi wallah..wou lou ken majach 3ib wou ken jit enajem rou7i..la enched enwakkelek tri7a..enched enwakkelek tri7a..la klaha nabbach le9bour..namse7 bik el9a3a ya wati..ta3ref..enfalflek enfalflek enkhilehek 3ebra 7yetek kamla..ema sahha lik sahha lik..manajamech taou mana9darech..ema ahaya machlouta ya Slimane..ritha hay machlouta..ken manwarrikech elwill..ken mchaf3ekech la nasba7 wou la no93ed mra..ema zayed wou barra zayed..la7dith mazel m3a bouk haou jayik.

Bou Slimane jey mel couloir jey yezreb..had hadet syouda

Bou Slimane: ech famma ?

Om Slimane: ahaou si chbeb..rit wala lé..ahaoua 3ala 3inik..choft elwa9t wella lé..choft elwa9et..asma3 ija etfehem m3ah..eni ma3adech ennajem..rani ma3adech fia..ya dini elwahed wa9ef 3ala 7boub 3inih wala.

Bou Slimane: behi barra odkhol..hani bech na7ki m3ah..wou fisa3 aman.

Om Slimane dakhlet tezereb wou tarb9et elbab.

Bou Slimane (chaded Slimane men ra9bet Souritou): ayouah si chbeb..feye9 ebrou7ek wella lé..makech 7assessek rouhek elli katharet 3ala mawassaouh..raki bde3et rak..hedhi chmeta wallet..7ata mil nadhala nadhala rahi wallet..9olna chabeb mouch wa3i wou kallamnak bil syessa..9olna tbarkallah walla rajel wou nabahna 3alik..wou syedtek 3amel moula eddar mouch houni..wou lé 7abit tefhem..et9oul 7i7on wella 7it kantoul..nabbahna 3alik wella lé 9olli nabbahna 3alik wella lé?..tkallem.

Slimane: ya baba wallahi leni bel3ani..wallahi leni bel3ani..juste konet entayer fi mé th9il.

Bou Slimane: madh’hab bouk..bel7ram elwahed yeched ya3tik bi m9ass yetayrek..juste elwahed ma7sour 3al lekher ma3adech fih..ekhi 9olli tatir mé th9il to93ed fih se3a wou rbo3..ekhi koll sbah no93dou n3aoudou fi nafs elma3bouka..koll sbah fi nafs elmouzdwaj..ka3rer wou 3aoued ka3rer wou 3aoued..ya Slimane kammaltech..mazelt..ya Slimane ma3adech bekri 3alina..mazelt chouaya..ya Slimane jaddtek 7acht’ha bel toilette..chouaya barek hani kharej..ekhi 9olli bjeh rabbi fech tkharej..fech tkhraj..ekhi fech tekel fahammni fech tekel bech to93ed fil toilette hal wa9et elkoll?!!!..kenek constipé 9olli khalini nhezek lil tbib..

Om Slimane 7alet elbab wou kharjet

Om Slimane: eyyyyyyyeh.

Bou Slimane: mazelet elmoufahma ya Slimane mazelt..

wou traf dkhal lil toilette wou tarbe9 elbeb wourah..Wa tamdhi alayam./.

 

Publicités

7kayet Sirine wou Metwalli

9 Jan

Dhahaba Soukamata wa Jouthamta il a sou9i elmadinati..li yab7athou 3an chay2en yo2kalou fi hadha alyaoumi..wa baynama hom fi tari9ihem..9ala Soukamata il Jouthama..

Soukamata : hal atak khabrou alfarza9an

Jouthamta : la9ad intachara 5abarouhou bayn elnassi wal jodran..walaken 7adethni fala9ad kheftou elsou2ela 3ala makan..

Soukamata  : 7assanan..you9alou anna hounaka cha5son men khariji diayri el9arayti..2ata ilayha……………..

Fi blassa khalia chouaya..fi karahba sghira chouaya..couple 9a3din fi westha..ya7kiou wou yetna9chou bil ser9a.

Metwalli (yesaker fil radioun): Bellahi sakker 3alina hal radioun..elwahed bech ye7ot chouaya musique douce fi hal karahba.ye7kioulou fi 5orafa tra9ed elkalb 3ala kharitou.

Sirine: ti chnoua ya mitou..ti 7assen mant9ek chouaya ezza7..chnoua hal klem elvulgaire.

Metwalli: sama7ni azizti..ayouah mela chna7welik azizt 9albi labes ?

Sirine: hamdoulah ya mitou labes 3alia.

Metwalli: chbik makech 3ajbetni..7ata men 9bili soutek tra kifeh..wou ta7kili mazrouba..ekhi elwahed bech yechoufek ya3mel matleb wella chnoua..wou zid thez ba3ed 6 appelet wou 3 messaget..ekhi ech femma labes ?

Sirine:  wallahi chay ya mitou hata chay..juste 9adhyet m3a pa wou ma.

Metwalli: chna7welhom houma ? labes 3alehom ?

Sirine:  oui cava pas mal.

……… Sirine wou Metwalli yoghzrou lil mandher 9oddemhom sektin………

Metwalli: ti chbik sekta ?..ti ekhi chbik elyoum ?

Sirine: ti wallah chay.

Metwalli: ghriba fik..haya la 3alayana..3ala majboud bouk..ech 9al..7akelkomchi 3ala 7aja.

Sirine: non ma9al chay..mahou 9alek khali elamr yestra7.

Metwalli: eyeh ema mouch lil darja hedhi..3andi akther mil ch’har..9adech menou hal amr bech yestari7..yatla3chi constipé..ti atwel men boulet elsbe7 walla.

Sirine: mahou 9allek bech yesel ya mitou..khalih 3ala ra7tou.

Metwalli: ya benti na3ref elli bech yesel 3alia..ema 9adech mennou hal souel..ekhi souel fil bac hedha wella chnoua..ekhi bouk yesel 3al ba5t..wella yestanna fi lilet le9dar..ti ken jé bech yekharajli B2 wella B1 rahi kharejet men hak el3am..wou zid ya benti 3andi akther mil ch’har wou zid meli 9abelet bouk wou eni ma3adech enajem enrak kif el3ada..ti kif konet msou7bek wou enra fik bil ser9a enrak akther..ekhi mafhemtech..wou zid koll man9ollek khalini enji eldarkom bech enchoufek..twalli kharjin tra win..ekhi ech famma ya benti..ti a7ki.

Sirine:  wallahi la famma chay ya mitou..pa’ 9allik rani bech nesel 3alik..wou enti 9otli betbi3a..khaleha temchi bi tbi3et’ha.

Metwalli: khaleha temchi betbi3et’ha..eyeh mafommech chnouaya activia khalina nsahoulha hal tbi3a..masta ?!..masta..ti chbik ya sousou..chbi 7obbi..ti adh7ak 3ad…..bel7ram fomma 7kaya..berrasmi ya Sirine ech famma.

Sirine: en9ollek 7aja ya Metwalli..matetghachech ?

Metwalli: ech famma inchallah khir!

  1. Sirine: Pa’ se2el 3alik wou 9alli ma3adech et9ablou wou 9ollou rahou mafommech maktoub woy rabbi yesama3na 3ala ba3adna 3elem elkhir wou rabbi yewajhek khir wou yetaye7 bik makhir menni..juste eni 3andi modda mouch 3arfa kifech bech en9oulhelik.

Metwalli: bellahi !!!!!!..3aleh..ech sma3 bouk..3aleh..ech famma..a7kili..base ta3ref.

Sirine: ebsara7a ya Metwalli pa’ ma3ejebetouch 3ayletkom..9ali manach fard mostawa.

Metwalli:  3aleh chbeha 3ilti 3erra ? wella majat chay..chbina 3alach ma3jebnechi..ekhi 9otlou elli eni weld lombrouzou..mani 9otlou rana 3ila metwassta..9olthoulek leklem hedha..s7i7 wella la..wenti 9otli mayhemnich..mayhemni ken fik enti..wou eli entouma ma3ndkomech elfazet hedhom fi 3iltek..9otli leklem hedha wella lé?

Sirine:  ti na3ref wou 9otlek hekka..ema pa’ ma3jebtouchi..9alli deja esmou Metwalli..et9oul kharej men layali el7elmia..esmou 9dim barcha mte3 g3or.

Metwalli: bouk 9al hekka!!!..3aleh 3ejbou esmou elFerjani..Et9oul esm 7laybi.

Sirine: arrêtes Metwalli..man7ebech fi pa’ rahou.

Metwalli: ema 7abitha fia eni.

Sirine: ti léé..wou zid 9alli khouh esmou Bor3i..wou zid khouh lakher esmou Bayoumi..ya mitou..asamikom yesser démodé ebsra7a..et9oul kharjin men mousalsel masri fil sa3id..asamikom tzougheb la7i9a.

Metwalli: tzougheb !!bellahi bellah!..3aleh esmi Kharayoun Abou Bola..ye3jbekchi zeda..9allou asamina khayba..chma3neha..ma3netha nemchi enbaddel esmi ?..ekhi wa9tech wallina en9isou la3bed basamihom..ma3netha ken jé esmi Louai bouk yardha bia..ommi rabbi yahdeha maghrouma bil mouslslet elmasria..koll matouled wahed etsamih 3ala batal mousalsel..ma man3et ken okhti zouba..kenet bech tsameha 3atiayat..bi tla7li7 wou bsidi wou sidek bech badlet rayha wou sammet’ha Zoubeida..3ala esm Zoubeida Thaouret..ema hedha mayamna3ech elli bouk ghalet fi 7a9na fil 7kaya hedhi..mouch moubarer..wou chbih khouya esmou Bayoumi..bel3aks 7lou..et9oul moudhaker Bayouma..mak t7eb elbiymet.

Sirine: ti na3ref ya mitou..Ema ech bech na3malou pa’..wallahi kallamtou wou etna9echet m3ah wou chay..zid tla3li bi 7kaya sdamni beha ya mitou..

ekhi ya Metwalli kifech tkhabi 3alia elli khouk Bor3i tchad fi 7abes fi 9adhiyet tarouij mte3 drogue.!?

Metwalli: Bor3i mouraouej drogue!!??..mnin lih hal 7kaya?

Sirine: mak 9otlou esel..7alel sedrek..ya jbal mayhezek ri7..haou esel..wou hazna elri7 ya Metwalli.

Metwalli: ya benti bouk haou a9wa mil moukhabrat..awalan s7i7 Bor3i chad el7abs fi 9adhiyet tarouij..ema mouch drogue..7rabech..wou zid 7ata ken jé bel7a mouraouej..ya benti khatih..momken ay wahed fil edenia yewalli mouraouej ken Bor3i..ritech Mandela..ken ye9oulouli walla mouraouej ensad9ou..wou Bor3i lé..ti khouya wou na3rfou..mahouch mte3 la7kayat hedhom..bhim barcha.

Sirine: mela kifech tchad..madhloum?

Metwalli: haou bech na7kilek..ya sidi ben sidek..hedha fomma wahed esmou Hamadi..houa wwou zouz wouled okhrin..ya3rafhom Bor3i..mouch s7ab barcha..ema ahaouka s7ab yerahom fil 9Ahwa..mte3 yemassik allah ye3inek..jaouh nhar 9aloulou..haya ta3tinech 150 dinars enraj3ouhomlek ekher la3chia edoubel..ya sidi 3amek Bor3i..khouaya wou na3rfou 3andou zorzet etma3..3inih 7welou wou 9alhom hekom mchet m3akom..ya sidi loulad hedhom chnoua fi mo5hom..bech yemchiou yechriou 7rabech mte3 gastrique wi ye7otohom m3a zouz 7arbouchet supotex wela chesmou mdambrinhom..wi yebi3ouhom 3al asass 7rabech mou5adra..houma hekkaka wou yetob 3alehom el7akem yechedhom..hazouhom lil markez..elkaf loul el kaf ethani..chkoun m3akom chrik..Hamadi allah la tbareklou..kallem Bor3i fil talifoun 9allou ija hez marbou7ek..mché yejri kil dhba3..raflouh wou 3adaouhalou tohmet tarouij.

Sirine: sara hedhi hia la7kaya.

Metwalli: mela ech machi fi belik..ti ech khassou ken jé mouraouej..rani mza9z9in fi naghnoughat el3aych.

Sirine: N3am !!!

Metwalli: ti enfadlek 3alik..rit bouk kifech dhlamena.

Sirine: wou pa’ mnin fi belou bil 7kaya.

Metwalli: mahou yesel mli7..ti ken se2el fil 7ouma rahom 9aloulou 3al 7kaya.

Sirine:  ti mahou se2el..7a9a..ekhi bel7ak fil 7ouma ye3aytoulek Metwalli weld el Habba..pa’ 9alli kifech enaseb wahed ye3aytoulou weld elhabba..esm fsayel.

Metwalli: barra 3ad..wou 3ala ommi wouh men hal la7kaya elmga7oula.

Sirine:  s7i7a wella lé..ma3netha eni bech enwali Sirine mart weld elHabba..e333 vulgaire barcha..ekhi tata omek 3alech ye3aytoulha elhabba ?

Metwalli: asma3ni ommi 7acheha mil habba..hedhekom wouled el7ouma yetbouldou..chadinhali 7kaya mil madrsa..lin los9et fia..ommi mahi esmha Hiba..wou Hiba bil 3arbi mouch tetekteb kifma Habba..sana loula elmou3alma ketbetli esm baba wou ommi fil sabboura..fi 3oudh na9raha Hiba 9ritha Habba..wou men nharetha los9et fia Metwalli weld elHabba.

Sirine:  ahhhhhh..berjoulia ya mitou yesser etdha7ek faztek..9adekech konet zkim.

Metwalli: héhéhey..3ejebetek enti 3ad..behi fommechi faza okhra bouk dhalemni feha.

Sirine:  eyeh khouk lekher.. Bayoumi.

Metwalli: chbih houa le5er zeda.

Sirine:  ekhi bel7a9 7are9 ?

Metwalli: eyeh 7are9..ech feha..3erra zeda ?

Sirine:  quand meme ya Metwalli..7are9..3ala ch9af ?

Metwalli: ekhi sare9 houa..ti chtar lebled 7ar9a elbara..wou 3ala chnoua t7ebou ya7ra9..3ala yacht..mahou 3ala ch9af..mafhemetech win elmochkel..dharr elba7r elabyedh elmoutawasset..nheb 79ou9 lensan.

Sirine:  ta7ki feha 3adi ya Metwalli.

Metwalli: eyeh 3adi..wahed jetou forsa wou 7ra9..ekhi 7ra9 blech houa ?..mahou dfa3 flous wou 7ra9..ti ta79er feha el7ar9a..soumha aghla min re7la lil Thailande fi belik..mouch 3ajbou bouk zeda..yo93ed battal lenna khir ?

Sirine:  eyeh..ema bellahi ya Metwalli..ken yeselouni ech ya3mel selefek ech bech en9ollhom ?..en9ollhom 7are9!!..normal?!!

Metwalli: ekhi lazem ta7ki 9sset kifa7ou..ki yeselouk 9ollhom 3ayech elbarra.

Sirine:  eyeh ema 7are9..mela 7choumia..ekhi mouch 9otli khouya wasel ?

Metwalli: eyeh wasel li barra..enti maseltnich win wasel..jaouebtek 3ala 9ad souelek.

Sirine:  pfffff ya Metwalli..manich ne9ssa dhmarek taou.

Metwalli: eyeh behi ech 9al e5er bouk.

Sirine:  bellahi a5tani ya Metwalli.

Metwalli: chnoua a5tani..ya Sirine ech bik..ekhi enti m3aya wella lé?..jaouebni ebsara7a.

Sirine:  mel lekher ya Metwalli..pa’ rafedh  tamaman wou ma’ mo9tan3a bi klemou.

Metwalli: eyeh wenti?

Sirine:  …………………….

Metwalli: ok fhemtek..7ata enti mo9tan3a bi klemou..ok ok..mouch mochkla.

Sirine:  ……………………. Sama7ni ya Metwalli..alah ghaleb..maktoub..wou rabbi inchalah yetaye7 bik tofla khir menni…………

Metwalli: bellahi yezi blé tbal3it wou dharben lougha.

Sirine:  3aleh ta7ki m3aya hekka……aman…….………………….tghachecht?

Metwalli: lé fi 9emet elsa3ada..kolli feux d’artifice makech tra..David Guetta 3ala 7ali.

Sirine:  aman mitou matakhouch fi khatrek…..

Metwalli: mitou..eyeh mitou..mazel feha mitou taou..haya ahbet ahbet barra raoua7 wou rabbi yesama3na 3ala b3adhna 3elm elkhir.

Sirine:  ……………………………….

Metwalli: chbik toghzorli..sama7ni Sirine..manajamech enwasslek lil eddar.

Sirine:  ……………………………….

Metwalli: chbik. T7eb t9oul 7aja.

Sirine:  Metwalli rak enti rakeb m3aya fi karhabti..eni elli nsou9 rahou.

Metwalli: ah bon..walah bil mjad..bel7ram tjoujemet..bellahi ken tnajem t9arrabni lil ma7ata.

Sirine:  ahbet.

Metwalli: denia khlé lenna..9arabni lil kayess barek..3aychek.

Sirine:  ahbet.

Metwalli: ya Sirine yehdik.

Sirine:  ahbet.

Metwalli: ……………………………….

Sirine:  ti ahbet.

Habat Metwalli ..wou mchet Sirine wou khalet la3jej wouraha.

Wa tamdhi alayam./.

7kayet chkoun elmasoul

9 Jan

Abdallah ibn Mouchach 7aka 3ala lsanou ennou kif jaych elmalik DhouSourour 5ssar el7arb dhed jaych Chalghoumagne II wou 7oulfaou..oumour lebled etdha3dh3et jemla..la 3ad fomma saba..la 3ad fomma flous..la 3ad fomma tijara..tsakkret besmelah elmane3 elsattarr mel chirat elkoll..wel mouaten fil mammlka walla yesallek feha ebsidi 9naze7..nhar wakel wou nhar wa7el..sghar metet bil charr..ken majach rabbi rahem bi chouaya mtarr..bil 7ram layo93ed feha la 7iwan wou la chjar..ekhi elma7soul ech bech yewakkel wou ech bech ye5alli..ech koun bech tbajjel..sghar wella chiyab wella nsé..ti houma el3ayla elmalka elli 3ala ri7et elri7a ma3ad khalta 3ala chay..laradhi elbehia wel khesba elkoll tfakket men joret matfakk fil 7arb..wel flayek elli kenou yejibou fi 7lib elghoula men barr el3ajam wel 3orban..etdagdgou..wou bech bich etjib bech..bech bich tkhaless eltojjar bil zagg ??!!..ti houa eli ken fil khazina elkoll tedfa3 fedya wou ghramat..ti  la 93ad sourdi..et9oul elwahed kammel  l7assha men dayer millim eb sob3ou..ahayki tarta3 feha el3etha taou..wel houch 3amel feha chata7 bate7..7ata mil 7arass elli kenou ye3essou 3aleha wallaou lahin yewakklou fil 3ankbout..

Eyeh 3ad elcha3b mte3 elmamlka kifma ay cha3b fi mamlka okhra..ken 3eryen geryen..wou 9al 3adi rabbi yostorna..ken fegri nagri wou seket..9all rabbi yorzo9na nhar ekher..ken moudham mharssel wou ma9al chay..ti elli khdhelek khabbelek..wou rabbi yekhalless la79ou9..ema kif walla ji3an wou mit bil charr..3ad wa9tha fommou t7all..lsanou tetla9..walla yelaouej 3al 7a99 wi ye7eb bayou fil bled..mela ya dini bech yoskot..lil sabr 7doud wou eljou3 kafer ya din eza7.

Haya ella3bed bdet teghli wou tba9be9 bil 7dith ..elli ken yet9al fil treken wou woura la7yout..walla yet9al fil lasoua9 wou fou9 stou7at lebyout..elli ken yemajed walla yedhem..elli ken yenabber walla yesseb..welli ken yon9od walla yehed..wou kothret leklemet elli etaya7 mil 9dar..masalem 7ad..wou wallat bled la3bed feha ma3adech te7tarem fi 7ad..la 3askar wou la gouyad wou la aghaouet wou la wezra wou la 7at elmalek DhouSourour bjoudou..walla ma3ad yekeber fil 3in 7add..wou tratech leklem wallaou trache9..wou weslou elwedhnin elmalek..elli ken 9bal ymen 3al chakaya wou yasma3hou kif yabda 3andou kif..wallaou taou 7dhob 7dhob 9odem 9asrou wou houa ma3adech 3andou wejeh bech ye9abelehom..el3asker yedez wou yefare9 wou houma yarj3ou akther wou akther..ye3aytou wou yenadiou « ya malik ya 7anin ech 3amalt lil ji3anin »..  « ya Sourour ya malek..rahou cha3bek tehlek »

Wa tamdhi alayam

Haya nhar dkhal Chaouech esslem wou Bach Hamba 3al malek Dhou Sourour wou houa 9a3ed fi mou7adthet (93ayda) ma3a chouaya wezra wou chouaya tojjar.

DhouSourour : ech bikom da7min hekka la e7em la dastour..ekhi ma3adech fomma 7echma wou hayba fil hal 9sar ?

Bach Hamba : Sama7na sidna ema elamr fi ghayet elahamia mayesta7malech el eti9ia.

DhouSourour: ech famma zeda ya wejeh elbouma..3arfek 3arfek..men nharet elli jabek chah’bandar elnakhassin sghir 9ad ettaref wou enti et9oul jebet elwaks fi jibek m3ak elhal 9sar.

Bach Hamba (manbouz): aman sidna..ba3ed elsnin hedhi elkoll fi khedemetek et9olli hekka!!

DhouSourour: chnoua?!..mouch 3ajbek klemi?!!!!

Bach Hamba (yabla3 fi ri9ou..khayef 3ala rassou): lé sidna..zin leklem..a3oudh bellah menni..ma7rafni.

DhouSourour: amin..eyeh ech famma zeda..wella en9ollek khali wejeh leghrab elli m3ak ya7ki..yezini mennek elyoum..rit wejehek yezi 3al sbeh.

Chaouech esslem (manbouz): ta7ki 3alia eni sidna?

DhouSourour: chou kifech yetbahness..3amel rouhou mouch 3aref rouhou..mela nahki 3ala chkoun..fomma ghirek lenna?..haya t7arek 7ell fommek ech famma jeyini kif le9dha elmesta3jel?

Chaouech esslem: ellotef 3alik sidna..inchallah fi rass elli may7bekech..9oulou amin chbikom sketou?

Elwezra wel tojjar wou Bach Hamba (fi kelma wahda): AAAAAAAAAAMIIIIIIIIIIIIINNNN

Chaouech esslem: rabbi yahfedh sidna..sidna..rahou ya sidna..edenia khaydha elbarra 9oddem le9ssar..la3bed tlammet..7odhob tamla wou tfare9 9oddem elbab

DhouSourour: chkounhom?!.. chakaya??..kenhom chakaya manich lahi behom..machghoul machghoul.

BachHamba: ya sidna ech men chakaya..hedhom jeyin fi yedehom zlalet wou 3assi..fomma chkoun jeyeb fi yeddou tazdra wou biouch.

DhouSourour: tazdra wou biouch!!!!!!..lmour jeddia wallaet..ech femma..3ala chnoua naouin hak rhout..ech ye7ebou menni..ekhi 3arfin fech ya3mlou..ekhi 3arfin 3ala chnoua 9admin?..rani nensefhom rani enrodhom ghbar..rahom eltaou maraou elwejeh elkhayeb mte3 elmalek DhouSourour..winou el3asker..win el7arass..chbih 9ayed el3askar makhdhach eloumour bi9oua..chbih matsarafech?

Chaouech esslem: sidna hedhom heblou..ja3ou lin jehlou wou kafrou..9allek ech 9al 3alik..jo3na wou krouchna forghet wou klena elcharr..wou et7amel masoulitek ya malek..kollou mennek..houma 9alou sidna mouch eni.

Bach Hamba: sidi eni en9ollek elli lebled fez3et wou enti et9olli 9ayed el3askar mte3 le9ssar wella el7arass..ech bech ya3melelhom..ti 7ata 7efyenin yeghafssouhom..rahou elcharr tala3 men krouch’hom kharej men 3inihom..rahom naouin elcharr ya sidna..9allek enti elmalek wou enti masoul 3alli sarelena..choufelna 7all

DhouSourour: ya wallah a7wel ya wallah a7wel..cha3bi 9am 3alia wou yehaded fia 9oddem 9assri..fi 3oudh ye7med rabbi elli houa 3ayech fi bledi..jey yetaleb fia wi ye7amel fia elmasoulia..tfih tfih 3ala cha3b kifman hakka.

Chaouech esslem: sidna rahou elcha3eb meti9er..faghem..fadd..metnou3er..rahou eljou3 kafer sidna rahou eljou3 kafer..lazemek tsaktou..lazemek etwaklou..lazmek ta3tihh..lazmek tal9alou 7all.

DhouSourour: bellahi sakker 3alia fommek enti..cha3eb fadd..barra yarrah yethadd..ech bech na3malou eni taou ech bech na3malou..9allou a3tih..ech bech na3tih..ech bech na3tih..na3tih elchebb..ekhi hia el7arb khalet feha 7aja..hani nefli m3a el9Erd..alah la trab7ou elli ken elsbeb..9alou a3tih wou waklou..ech bech enwaklou..ti 7ata nekel eni..ti 9a3ed n9ach9ech rani..rani nekel mil 3adham..ti 9a3det 7aja hia..rahou ma3adech 3andi..ma3aaaadech 3andi..ti houa elzghab wou natfouh..allah la trab7ou elli ken elsbeb allah la trab7ou elli ken jorra..9allou lazmek tal9alou 7all..akhhhhhhhhh..

Chaouech esslem: 3ad sidna cha3malna wou ken mli7?

Bach Hamba: sidna cha3malna mela?..leflous mafammech..elmekla mafammech..mela chnoua el7all..ech bech yesakathom hal hijouj wel mijouj..mela joua3a mte3 wedhni..9allek 7alfin ya raou7ou bil mikoul walla ebrass elmas2oul.

Haya wou Houma hekaka elmalek DhouSourour..7ayer yedour yemchi wou yeji machghoul..mouch 3aref ech ya3mel wou ech ye9oul..9am chah bandar eltojjar Salah eddin To7koumoun

Wou ta9adem wou tlab mennou yetekallem.

Salah eddin To7koumoun : sidna tasma7li netkallem la3alla na3ti ray yoslo7 wou yetamen ?

DhouSourour: etkallem ya chahbander samma3na.

Salah eddin To7koumoun : sidna el7all bsit..enti malek wou sahyeb siyassa..3andek jeh wou wahara wou hayba..kif tetkallem t3allem..wou t9arer etamen.

DhouSourour: s7i7 wahwa kadhelek..eni houa ebjoudou.

Salah eddin To7koumoun : mela ya sidna..3alech mata3melech khitab..ta7ki fih elli ensab..tsakket hal houkech elli elbarra..wou t9oulelhom eli rahou et9arer ennou elmasoul bech ytechad wou bech ye5aless ntayej elsarr 3alehom fi joret el7arb..ahaouka tadhreb 3asfourin eb7ajra..tsakathom wou tsabarhom wou tna7i 3alik sbab elkharab elli enti fih.

DhouSourour: ma39oul wou hedheka elli bech yessir..lazemha khitab..ema chkoun elmasoul wou sahib lekhrab..elli rassou lazem yetir.

Salah eddin To7koumoun : sidna lazmou yekoun rass kbir..3andou be3 wou dhre3..ema malazmouch yekoun markzou 7assess..3ala khater koll wahed markzou 7assess 3andou wourah ness..lazmou wahed kif tsamih etohma terkeb 3alih..malazmouch yekoun khatih..lazmou 3abed yemess 9ita3..kif tbadlou maykounech bi ghyabou en9ita3..rak fi 3am zamma..wou ray lekehr yarja3 lik.

DhouSourour: ma39oul ma39oul..ech 9aoulekom ech 9aoulkom..emmmmmmm..madam elness joua3a..ech 9aoulkom fi 9ayed elghaba?..kifou kif blech..lé yebel lé ye3el..yeji khadhar akther mennou wouzir..behi walla lé?

Chaouech esslem li Salah eddin To7koumoun (yewachwech) : wallah mché fi beli bech ye9oul Jaafar Taraman.

Bach Hamba: sidna 9ayed elghaba..mahou fi re7la li bled elFo9man..fi 9afla ba7ria bech yejibelna chouaya mekla..taou 3andou 4 ch’hour melli khraj.

DhouSourour: pffffff..behi ech 9aoulkom fi Haj Mogren..ma7achtou bih 7add wou nharetha maoujoud..e9tira7 momtez wella lé.

Chaouech esslem: 3ad sidna el Haj Mogren mahou edwam lellah..mak 9assitoulou rassou nharetha m3a Ezra Ben Hayoun?

DhouSourour: pffffff..la3net ellah 3ala bliss..terzina fehom..behi ech 9aoulkom fi Hafsa Ibn elWard..ahaouka cha3er wou mou9areb..elcha3b ya3rfou 9afef..wou zid kif yemout..maya5srou 7ad.

Chaouech esslem: sidna kif kif.. Hafsa Ibn elWard nharetha 3atek 3omrou..met bil faj3a.

DhouSourour: chnia hal 7ala hedhi..la famma 7ad enajem en3amel 3alih fil hal bled..mela chkoun bech en7ot mas2oul..haya en9ollek wahed mil hal 4..ya el 9ayed Jarouch khouja ya el9ayed Kar3 Dhib ya ghazi albilad wa sa7eb eljayech Takiou Eddin Birsa ya el Agha Fehm Eddin..mahom 7arbou fi hal 7arb elma7nouna..wou 5assrou kahaou yet7amlou masoulyethom.

Bach Hamba: sidna ghazi albilad wa sa7eb eljayech Takiou Eddin Birsa edwam lellah..mat chahid.. el 9ayed Jarouch khouja edwam lellah..met fil thnia lil ardh elma3rka.. el9ayed Kar3 Dhib chadouh rahina wou mazelna makhalasnech elfedya.. el Agha Fehm Eddin 9atlouh ahali lebled elli yo7kom feha.

DhouSourour: wou 3ala ommi wouh..ti haou ma93adli 7ad..haya en9ollkom..a3mlou 9or3a fi b3dhkom ya Bach Hamba..ya Chaouech esslem ya Saheb etabe3 ya Bach Kateb ya elmotarjem Barvazan.

Bach Hamba wou  Chaouech esslem wou Saheb etabe3 wou Bach Kateb (eb a3la southom..mafjou3in mar3oubin behtin): SIDNA..LAAAAAAAAAAAAAAAAAAAAAAAAAAAAAAAAAA..3ALEEEEEEEEEEEEEEEEEEEEEEEEH..CHA3MALNA A7NAAAAAA????!!!!!!!!!!!!!!!!!!!!!!!!!!!!!!!!!!!!!!!!!

DhouSourour: chnoua la chnoua la..eni elli en9arer lazemkom etdha7iou men ajel elwatan.

Bach Hamba: sidna 3aleh ya sidna..rani metrabbi bin yedik..rani keberet fi jalalet ri3aytek..hekka etdha7i bia..rani khdemetek wou 3atitek 3omri wou enti termini..ti konet eni el7am wenti essekin..t9olli af3el naf3al mana9echech jemla..khadmetni baoueb..3achmeoui..wou eni chobik lobik..3aleh ya sidna 3aleh..walla khaterni yetim..3aleh 3aleh lyetim ta3mlou fih hekka 3aleh.

DhouSourour: behi behi..7ammemtli 9albi..mela Chaouech esslem.

Chaouech esslem: ya sidna leh ya sidna..rani 3achirek fi 5demetek..rani dhelek fi machitek..hekka ta3mel fia..9adeh sallamet 3ala 3abed..wou rmit rouhi binek wou bin elmba3bchin wou elmo9malin wel mojrabin elli ye7ebou yeboussouk wi y7amlouk..tdha7i bia sidna.

DhouSourour: behi behi.mela el Bach Kateb..men ghir ni9ach.

Bach Kateb: ya sidna leh ya sidna..rani bou sghra..ya sidna echkoun bech yekteblek 5itabek ken t9ossli rassi?

DhouSourour: behi..3andek el7a9 7achti bik..winou Barvazan manich enra fih..mat9ouloulich met zeda.

Bach Hamba: sidna elmoutarjem Barvazan mché m3a 9ayed elghaba fi 9afla..wou sidna nsi7a lil allah..rahou 3andou jensia okhra..wou moutou yenajem ya3mel mochkla siyassia.

DhouSourour: ye3jebekchi taou mafomma 7ad mosta3ed yet7amel elmasoulia..chnia hal 7ala..haya ma93ad feha ken Saheb etabe3..wou hedhi kelmti lekhra.

Saheb etabe3: sidna leh..ma3andich nharin melli chadit elmanseb.

DhouSourour: kifeh hedhi..3aleh elli 9ablek win.

Saheb etabe3: sidna met fil jabha.

DhouSourour: alahou akber..wou ech hazou elghadi..ya rasul ellah..wenti chkoun 3aynek bellahi..mana3rfekech?

Saheb etabe3: alwazir Abou elkorss Kochber 3ayeni sidna.

DhouSourour: offffffffff menkom offfffffffffff..haya asma3ni ya Bach Keteb..haya ched elabez wou khanteb.. ikhaouni akhaouti eli yosknou fi bledi..rani 7asess bikom wou belli sayer fikom..rahi el 7arb elli t3adet 3ala ryoussna..kletelna ma7soulna wou floussna..rahou eli t3ada mouch chouaya..sakhta wou ta7et 3ala rass el3ayla elmelka wou el ra3ia..7arb met feha 7iwan wou 3orban..wou je3 feha elsghir wel 3eryen..mat9oulech manich nasma3 fikom..rakom entouma menni wou eni likom..rani 7nin wou 3azem wou 7alef bil yemin..eni enched koll maken 3andou jorra wou sbab..wou elmas2oul bech ye5aless elli 3amal..mahma kenet 3andou fi 9albi m3azza wou fi 3ini kber..wou 9araret e3dam el wazir Abou elKorss Kochber..wa salam.

El7adhrin elkoll (behtin wou mouch motwa93in): ABOU ELKORSS KOCHBER !!!!!!!!

DhouSourour: eyeh houa bjoudou..estad3iouh..bech ne3dmouh.

Bach Hamba: sidna rassou bech en9ossouh..wella bech nochn9ouh?

Chaouech esslem: wela na7r9ouh?

Saheb etabe3: wela bech norjmouh?

Bach Kateb : wela fi zit nermiouh ?

DhouSourour: mazelt mouch 3aref?

Salah eddin To7koumoun : sidna tasma7li na3ti nsi7a li jaleltkom?

DhouSourour: tfadhel.

Salah eddin To7koumoun : sidna ken bech ta7r9ouh wela torjmouh..bech ta3mlou mennou chahid..ken bech t9ossoulou rassou wella tchn9ouh..bech ta3mlou mennou rajel sahib maou9ef ..wou ken bech termiouh fil zit..elzit eli bech termiouh fih elcha3b awla yeklou wou yachba3 bih.. DhouSourour: mela ech bech na3mloulou?

Salah eddin To7koumoun : sidna lazem moutou tkoun chani3a..feha 3adheb wou feha “ebra lili maye3taberech..lazem moutou tkoun tkhaouef wou ter3eb elra3ia..lazem etkoun 7dith lil ajyel el9adma..wel cha3b ya3ref eli hedhi etnajem etkoun 3orf wou 3ada.

Bach Hamba: sidna 3andi fekra..sidna mouch marra jaouek hadia 10 kleb wa7chia..yeklou koll chay yo9robhom wi yekhaf menhom bnadem..enti 3alech matrimichi fi westhom..yenhchouh wi yeghadghdouh..menhom yeklou wou menou elcha3b yetfarej..wou terbe7 mil chirat elkoll?

DhouSourour: fekra behia..mela 3ala dhalin amin..nadiouhouli.

Haya jarya mché BachHamba cha5siyan yelaouej 3ala elwazir Kochber..wou 3elmou elli elmalek DhouSourour 7achtou bih akid..wi yewassi elli taou5ir 3alih lé.

Haya da5l elwazir Kochber li 9a3et el3arch el9a tojjar wou masou2li eldaoula 9a3din wou el malek DhouSourour metraba3 3ala 3archou..nafe5 sedrou wou chareb kerchou.

Ba3ed esslem wou ta7ia wel ejlel..wou9ef DhouSourour wou bdé fil klem.

DhouSourour: wazirna elakber Abou elkorss Kochber..ta3rref 3alech naditek elyoum 3ala jana7 elsor3a?

Abou elkorss Kochber: el3elem 3and rabbi sidna..mahou labes..haou eljme3a elkoll malmouma..ma3netha ya famma 7aja 5tira ya mchouma.

DhouSourour: te3jebni ya Kochber kif tkoun dhki..lmour khtira wou mchouma.

Abou elkorss Kochber: inchallah khir.

DhouSourour: lé mouch khir..mak rak rit wou sma3et elli cha3b zdom 3al le9sar..yenadi wou ye3ayet ye7eb yekel wou yetsala7 men 7alou.

Abou elkorss Kochber: sidna sma3et wou chofet..wou kallemet 9ayed el7arass mte3 le9ssar bech ya5ou etadabir ellazma..ema sidna mak ta3ref el7arb makhallat feha 7ata franc..elwadh3ia s3iba wou allah la traba7 elli ken asta wou sbab.

DhouSourour: amin..li hadha 9araret na3mel khitab lil cha3b..wou en3a9eb el masoul loul 3alli sarr fil bled..wel 3ou9ouba bech tkoun chadida..bech tousel lil i3dam.

Abou elkorss Kochber: wahawa kadhelek..klem souab sidna.

DhouSourour: wou 3araftou chkoun elmas2oul loul?

Abou elkorss Kochber: betbi3a sidna..el7adhrin elkoll lahna ya3rfouh..wa hal ya5fa el9amar.

DhouSourour: s7i7 ya 9amar.

Abou elkorss Kochber: chto9sed sidna..yedhorli mafhemtekech mli7.

DhouSourour: la la yedhorli fhemet..ya wazir Abou elkorss Kochber 7komna 3alik bil mout 3i9aban ennek jarrit lebled el7arb dharouss mouch moutakf2a dhed el3adou Chalghoumagne II.

Abou elkorss Kochber: SIDNA HEDHA MOUCH S7I7..ENI BEDHET 9OTLEK Lé..SIDNA EKHI MAL9IT FI CHKOUN TLASA9 ELMASOULIA KEN FIA ENI..WOUZIREK LA3DHEM..HEDHA KFOUA HEDHA KFOUIA.

DhouSourour: MEN GHIR NI9ACH YA KOCHBOR MEN GHIR NI9ACH..ETKADHEB FIA..ETBAZEZ FIA..THEB ET9OUL ELLI ENI DHALEM..GHODWA ELSBEH..BECH NERMIOUK FI SA7ET LEBLED M3A EL 10 KLEB ELLI 3ANDI..MAK TA3RAFHOM MOU7CHIN..BECH ETKOUN 3EBRA LIMAN YE3TBER.

Abou elkorss Kochber: Sidna madam elfess ta7 fil rass wou 9ararek khdhitou..eb7okm el3echra..enajem notlob talab menkom.

DhouSourour: inchalah khir.

Abou elkorss Kochber: Sidna madhabia ta3tini mohla 10 ayem..10 ayem akahaou..nachaba3 bil eddar wel sghar..wou men ba3ed a3mel elli t7eb.

DhouSourour: behi mouch mochkel..fil lekher bech tmout bech tmout..elyoum wella 10 ayem okhrin..ema a3ref elli eni 3azeltek..haya barra taou men 9odemi..wou a3ref elli mohltek tabda men elyoum..haya insaref.

Haya elwazir Kochber khraj..wou fi jortou yetab3ou fih 4 jnoud met5afin b3ath’hom wourah elmaled DhouSourour..bech ye3essou 3alih wou yejiboulou a5barou fil 7in.

Elwazir Kochber mché melloul eldarou..3elem martou wou sgharou..sallem 3ala bouh wou ommou wou ensabou..chef s7abou..wou men ba3ed mché lil jazzar..chra 10 kilo l7am bagri..wou mché lil zriba elli 7atin feha elkleb elli bech taklou..mandharhom etkhaouef sinnehom et9oul senin monchar..rmalhom el7am..kalouh wou houa mazel fil houa..wou men ba3ed raoua7 eldarou sakker elbab..lin etla3 esbe7..men ghodwa fi nhar ethane..kif kif mché lil jazzar chré 10 kilo l7am..wou hazou lil kleb ghazelhom mli7..ghazroulou mli7 wou rmalhom el l7am..kalaouh eb 3adhmou..ma5alaou fih chay..wou 9a3dou hayjin..wou raoua7 lil eddar wou sakker elbab lin tla3 enhar..khraj enhar etheleth..kif el3ada chré 10 kilo l7am wou hazhom lil kleb..rmahoulhom..klaouh wou makhalaou fih chay..7ata edam la7souh wou mchaou..wou houa rja3 eldarou wou sakker elbeb..haya 93ad 3al menwal hedheka 4 ayem..houa yechri el7am wel kleb tozrtou zartan..haya lekhbar wousel fil 7in lil malek wel ra3ia..elli tlammou bahtin fi elwazir Kochber wou elli ya3mel fih.

DhouSourour: ghriba fi hal wouzir Kochber ya jme3a..6 ayem wou houa ye3ach3ech fil kleb elli bech taklou.

Bach Hamba: sidna yedhorli fih mil sadma hbel wou hter..ta3ref ya sidna kilo el7am wousel eb9adeh taou..yedhorli fih ye7eb yosrof floussou elkoll 9bal maymout wallahi manich 3aref ya yesa5afni ya yedha7akni.

Salah eddin To7koumoun : sidna eni chakek fil 7kaya.

DhouSourour: kifeh trah.

Salah eddin To7koumoun : sidna lazmek tetsaref fisa3 fisa3..eni khayef lé elwazir Kochber..ka3ed ye5alli fil kleb troumou bil makla elli yewakalhom feha..wou nharet elli nermiouh binethom maya3mloulou chay..mak ta3ref elkalb wafiy.

DhouSourour: za3ma!!!???..cha3malna mela.

Salah eddin To7koumoun : sidna eni enra enou ma3adech enkhaliouh yo9robhom 9bal mayfout elfout..nharet eli yokhrej mil eddar cheddouh..e7bsouh..enti wou3edtou ebmohla mte3 10 ayem..mouch bedharoura ye3adiha fil chare3.

DhouSourour: wahwa kadhelek..Bach Hamba kallem el3asker bech yechedou Kochber wou ye7bsouh douba mayo5rej mil eddar.

Bach Hamba: sidna ma3loumetna et9oul elli elwazir Kochber melli dkhal eldarou nhar elrabe3 makhrajech..la3alla estinef wella mridh..sidna t7eb nozdmou 3alih?

DhouSourour: lé khalli ghodwa..douba may5rej cheddouh..la3alla mridh.

Haya nasboulou el3assa wi estannaouh 9oddem eddar..9odem eljazzar..9odem lekleb..chay mabanech..estanaouh kif kif men ghodwa wou chay..la 7ayata li man tounadi..haya balghou elmalek..elli habat eb tommi tamimou..wou sodmou 3al addar..elli l9aouha s9af wou 9a3a..mafeha 7ad..elwazir Abou elkorss Kochber..gate3 wou fsa3 mil bled 3andou 3 ayem.

Wa tamdhi alayam./.

7kayet Neji wou Moufida m3a l’album

5 Juil

9allek ya sidi ben sidek.. Fi ayoumen men ayami eldhahira.. elNeji wou Moufida 9a3din fil dwira….rekchin 3andhom mdida..3aychin fil sa3ada wou tfarhida..wa allahou a3lem chnia mestanyethom men msiba..mak ta3ref elwahed idha dh7ak wella tfarhed mli7..enkad rahou jayih fil tri9.

haya houma 9a3din 9al9in..Moufida tetfarej fil talfza wou Neji maded magazine mte3 immobilier yetfarej fil appartmenet..yetsafe7 wou houa me7tar..et9oul bech yechri dar..yethabet wi yechouf fil des S+2 eb miyet lalouf..wou houa cha’hritou machia fil 9sassat..bil elavance wel 9roudhat..

9amet Moufida..ba3ed maghzret lil Neji wou 3amlet tanhida..wou kharjet mil salla wou mchet

Neji(fi 9albou): chbi 3azeha hedhi..ekhi eni cha3malet..za3ma saret faza..rat 7aja fil talfza wou rat elli manich na3mel feha wou m9asser m3aha..abay..ti hedha documentaire elsamak..wou eni lani kalb b7ar wou lé hia denfir.

Neji tmad 3ala janbou fi plongant wou mad yedou lil télécommande wou badel el chaine..fed min baramej ellli tetfarej fehom Moufida wou t3aoued..mouselsel fih sab3a ajze2..tfarjet 3alih 9 marrat..wet9ollek fomma faza nsitha..barnamej documentaire..3al khanfouss labyedh fil tchozolklomania..chay yezougheb el9alb.

mahou 3achia kifman hekka nhar a7ad..mafiha bess chouaya baramej chlaoulana..ye9asserou ennhar wou yedakhlou elbahja li omm elsghar..khir men dbaret elyoum wou tasnifet el chef ma7noun..elli 9ad matfarej fehom..lé nhar klehom..7addou chakachek wou m7ammess..haya houa hakkeka dakhlet 3alih Moufida..tlaftetlou

Moufida(ghazretlou teg7er): fech ta3mel..chbik badalet

Neji(et9oul emwa9ef fil 3adlia): enti 9omet mchit

Moufida: eyeh 9omet mchit..tbaddel..chbini manich raj3a..chbini 7ra9et ..hajit yekhi..etbadel hekkaka..entabe3 fih eni elbarnemej hedha

Neji: etabe3 fih?!!..ya Moufida rahou lancement hedha bech ye3adiouh nhar tletha.

Moufida: et alors..elbarnemej elli ba3dou entabe3 fih

Neji: ti hak btit enti..wou estanna lin youfa el ich’har.

Moufida: eyeh..wenti si chbeb..ekhi nemchi mat9oulech win mchit

Neji: ekhi chbeha hedhi..ekhi khrajet ebfalijtek..darna cha9e9ha el autoroute..nosknou fi 20 hectar couvert..ti jard s+2 bi3tibar el frigidaire..t7eb enraja3lek barnamjik

Moufida: barnamjia..3aleh 9anet ebaya hia..barnamjia wallat..ma7achitch bi mzitek..deja tfarajet 3alih men bekri..hedhi i3ada

Neji: behi wenti win mchit..wou chnoua elli fi yeddek hedheka

Moufida: ah hedha.. album tsawer mte3 darna..jebtou m3aya elmarra elli fetit..khalini enwarik tsawerna sghar.

Neji: ahhh maou 9olli hekka melloul..kif tfarajet 3al documentaire mte3 el7ayawanet etdhakartou.

Moufida: 7aywanetéé..madhemrek ya rabbi..ya rabbi 3al foukaha mte3ik..essaber wou barra..7aywanetéé..lé 3azizi..eni kif 93adet netfarej wou ghzartlek..tnahadet 9olet barcha 3alia 7ayawanet fil talfza wou fi janbi..khalini nchouf tsawer bnadem 3al 9lila.

Neji: ha ha ha..masta barcha

Moufida: behi ija chouf taswira hedhi..te3jebni barcha eni.

Neji: chkounhom hedhom..obok obok..chou kifech..ken majaouech elch3ouret elmakcherda..rani 9olet taaswira mte3 tlayen..offana 3al 9afez wel 7tayet..noir & blanc ema wou lé 7atta mte3 bnet taou

Moufida: rit elwahra wel fyena rit

Neji: fyena wou sa9in 3eryana..chkouni hedhi elli tpozi..ka3ba 7loua

Moufida: hedhi?

Neji: eyeh hedhika

Moufida: tala3 hay..ma3a9lthech?

Neji: lé wallah lé..chkouni

Moufida: khalti Founa

Neji: 3alik ebta9wa allah…bel7a9 bel7a9..blé tfadlik..chkoun?

Moufida: wallah khalti Founa

Neji: hedhi khalti Founaaaa!!!!????

Moufida: eyeh khalti Founa

Neji: khalti founa khalti Founaaaa!!??khalti Founa mte3na?!!!!

Moufida: eyeh mani 9otlek khalti Founa..ekhi 3ana ghirha..rit ma7leha 5ouilti..to9tel bil ezzin

Neji: et oui tfate9 bil ezzin..7assilou sobhan allah moughayer ela7wel..sobhan allah..ya wallah a7wel..khalti Founa kenet Founa bel7a9..taou ebjaddek hedhi khalti Founa?!!!!

Moufida: ti chbik..et9oul wallet 7aja okhra

Neji: 3ala khater wallet 7aja okhra jemla..ti 9oul rabbi haz 3abed wou 7at 3abed ekher..ekhi el3abed hedha..ezvaltout wellla khaltek Founa elli toulha 9ad 3ord’ha et9oul 9ortass 7omes..mka3bra smina mchalfta wou mjalda..et9oul ballouna mafouchoucha

Moufida: ti yezzi blé bleda..ti sghira lenna

Neji: na3ref sghira..estanna 9olli etaswira hedhi base 9bal maraou7et khaltek Founa mil japon ?

Moufida: khalti Founa raou7et mil Japon ?!..ekhi mnin lik elli khalti Founa kenet men aslou fil Japon ?!..ti hia 7addha ab3ed blassa mchetlha Hamam elZeriba.

Neji : 3ala khater el ta7aouell elli sarelha..mte3 wahed dharbetou 9onbla dheria en pleine figure fil Hiroshima.

Moufida : chnoua nadh7ak wella chnoua ?..daghdaghni daghdaghni..to9tel bil dokk..yesser dhamer wou 3andek rou7 elfakeha..9alou 9onbla dheria..elotef 3ala khalti 9alou Hiroshima..inchalah fi rassek ya sakhta..wou fi rass elli yakerhouha elkoll..dima bi klemek el merzi ya kazi…inchalah 3ala gobbek eti7 9onbla niwaouia el ham hedha..khalini nerta7..Japan !! vévévévey..mela tdhoumir maset ya rabbi.

Neji : ti yezzina 3ad..3ala khaterha khaltek..ken jet wahda tkoun menni wella na3rafha..rak chre9et bil dho7ek.

Moufida : mela lééé..chou khouilti..mabanha wou mazyena..tchareh..etaye7 3ala bnet taou.

Neji : houa s7i7..men na7iyet etya7 etya7..ema 9olli fil taswira hedhi..lebnet hedhom malmoumin eb ema mounasba..ahhh..men ghir mat9olli..dha’hra..ahaoukom metsawrin m3a Tarek Dhiab..base fi tombek Argentine 78.

Moufida :  lé 7aklek..enti mnin lik metsawrin m3a Tarek Dhiab?..yezzi blé bleda..coupe Jandal kenet moudha wa9tha.

Neji : ti yezzi ekhi mana3rfouch radditni..ti ahaouka 7ata mil chlaghem chlaghmou

Moufida : 3ala chkoun ta7ki

Neji : hedheka elli bil la7mer

Moufida :  yerrak 7zin..haya 7adek 7ad lemso9i..sayeb bledtek b3id behi..ommi hedhila ya sakhta..

Neji (yabla3 fi ri9ou bil essif): abay..wallahi bel7a9..mché fi beli houa..wallahi lé 3a9ltha melloul..(yebadel fil maoudhou3)..ema khalti Founa..mela style wou mela 7tayet..chou hek elsa9in wou hek el jupe micro..Wella hek el décolté..al3ab m3a el foufou..wela agda3 sahhara.

Moufida : mela winek..kenou 7taytia wou 9affeza..manach 93or wou jayin min woura leblayek

Neji : termi fil ma3na yekhi ?.t7eb et9oul elli na7na jayin min woura leblayek..yesam7ek rabbi..ema men na7iyet 9afzin 9afzin..wou open zeda..estanna la7dha.. chou ken sada9ni rabbi khalti Founa kenet eb bakouha lou7ayda..taou ya Moufida sûre elli hedhi khalti Founa?

Moufida : ekhi eltaou makech msade9..bech t7ebni ne7leflek yekhi ?

Neji : berjoulia koll manzid noghzer wou nthabet..enzid enchokk elli hedhi khalti Founa elli 3amlet chouha el bent bentha Sirine elmeskina..3ala khaterha lebset short 9sir wou triko sans manche ?..ti hay kenet mhabla rou7ha labsa wou 3amla khleha fi ma waleha.

Moufida :  ti yezzi 3ad..elli yasme3 ye9oul kenet embadd3a..ti hedhika el lamoudha wa9tha..3adi fi wa9thom.elmicro wel dokhan ken 3adi jeddan el periode hedhika..labset koll youm..mouch kif taou..wou zid fazet jeunesse..3ejbouni eni la79i9a..ma7leha eldenia fi wa9thom

Neji : bellahi yezzina 9allou 3adi..fi 3ahd kakka3..ba3ed eljahilia bi draj ken 3adi ?..wou taoua fi wa9tna lé !..9allou 3adi fi wa9thom..ti el 3amma Dor3ia welli hia el3amma Dor3ia elli tetsamma el9afza wel metmarrda fil 3ila elkoll..marra fi 3eres..3omri manensaha 7yeti kemla elfaza..sghir wa9tha ema netdhakrha kifma taou..wa9tha marra fi 3eres lella Mena rabbi yodhkerha bil khir..lebset fouta wou blouza metsalfethaom men 3and wa7da men slaf o5tha..wou hia hek elblouza kbira 3aleha et9oul labsa dere3 Hannibal..wou zid el3amma Dor3ia men 3and rabbi ma3andha chay..7assilou elchay dhaye3 fi weset hek elblouza..wou zid hia dhmeyma..elfouta kbira 3aleha taref..ya benti douba ma sorretha dhohret chouaya..wou ye3lej 3aleha el3am BouJom3a eb chalbou9..jebha temred fil 9a3a.. machtetha jebhelha elkoll tay7a 3ala ktefha limin..3 ayem souabe3 yedou 9a3dou matbou3in fi wejha..tnajem ta9rlou elkaff men khadha..3inha lisar ila yawmina hedha madhebba..ch’har 9a3det bech raj3et tante9 el ra men jdid..wejha t3aouej elmeskina bil dharba..raja3 bil tamsid wel mé elskhoun..Et9oul 9omsan plastique..3amin 9a3dou familyetha wou ansabha wou a9arebha bech raj3ou yekallmouha..sarr feha elbhadhel elmeskina..Wenti et9olli 3adi fi wa9thom.

Moufida : makom g3or.

Neji :  ah ahhh..toghlet lenna ya Moufida..wou ma7ibthech mennek..ne3lmek yella..elli elg3or elli eni menhom..houa elli khtarek bech etkoun martou..ken houa go3er donc enti majit chay ma3netha

Moufida : lé 7achek 3azizi..ken enti barek lé .

Neji : bellahi bellah..t3aoued feha..ma3netha familti g3or

Moufida : wou zid houkech wou bezgellif

Neji : haya dhom fommek lé elwahed yeghchmek ebkaff..yetaya7klek 9adrek

Moufida : n3am ya baba n3am..3aoued ech 9otli..teghchmeni ebkaééééf?!!!..3aleh chbini 9at3a 7bal jeyebha wédéé..3aleh ma3andich emmali ma3andich rjal wouraya..wou taya7li 9adriii!!!?!!..3aleh lammeni mil chere3 syedtek wella lammeni mil chare3..natla3chi nekhdem 3and elsayed elwaled..7louachi zeda..taou enkallem Abouda khouya..wou tchouf 3alli ye7ezek wou ataou enchoufou ech koun 9adrou elli bech yeti7

Neji : barra 3aaaad..rja3na elnafs elma3bouka.

 

………………………………………………………………………………………………………………………………………………………………………….…Watamdhi alayam./.

7kayet elFoul

15 Avr

Elfoul wou ma adrak mal foul..elfoul men naou3 elbou9oul..ma3rouf wou mach’hour..deja elli ye9ollek 7omess..base tjaoubou foul..elfoul metjadher fi tarikhna wou 3adetna wou ta9alidna..mo3ta9Adetna wou 7yetna..fi mekletna wou klemna.

Chkoun fina ma7tafalech wella mastamta3ech fi soghrou wella fi kobrou bil foul..elfoul mortabet bi mounasbatna..deja fi rass el3am el3arbi ech noua neklou..mahou kosksi bil 9addid wou m3ah ka3bet foul..chkoun maklach mdammess bil foul wou m3ah rach’cha kamoun..wou ya3ini 3al kammoun..yekhli dar waldih..yebannen mouch normal..ema taoua maoudhou3na elfoul el3adhim..elfoul rahou marbout bina..intime m3ana..tal9ah m3ana fi koll monasba dinia wella mouch dinia..ekhi fomma wahed majarabech kamia bil foul?..betbi3a lé.. fommechi wahed mché elmasr wou mazarech elahramet?..betbi3a mosta7il..kima zeda mafommech wahed mazarech maser wou majarabech elfoul wel ta3mia..3ala ma ra wou sma3 elmsara fi aflemhom wou mousalsletthom ya7kiou yeklou fih..

Wel foul anwe3..fomma elfoul..wel foul elmasri..welfoul elbassass hedheka elli ri7tou jifa..wou elfoul elsoudani mayou3abber 3anou bil kakaouia..ema mouch 3aref fil 7ala hedhi est ce que fi tasmitou hekka..taya7na 9dar elfoul wella taya7na 9dar elkakaouia..ema mouch mochkla..elfoul men ay bled bnin wou fih elvitamine..wou atharou eljanibia tetsma3 wou tetchamm lil modda touila..

Ema si elfoul mouch marbout bil mekla barek..elfoul 3ala mahoua metjadher fi 3adetna wou makletna..walla marbout bi klemna..mathalan chkoun marra mal9ach elli elfoul tellement mou3aber..ma9alech “sob7an rabbi yechabhou 9adech li b3a’dhhom..et9oul foula wou t9esmet 3ala thnin”..wa illa “rod belik ta7ki li flen..rahou foula matetbalech fi fommou”..3ala ma flen yemchi wou lsanou yemchi..ya7ki wi yesob elsabba..wella kif edenia te3ksek jemla wou tchouf la3ouaj fil eddenia..wou tra fi ghirek mouch yestghal fili 3andou.. “ya3ti elfoul lelli ma3andouch zrouss” .. wella kif matal9a 7ad..wou koll wahed lahi fi machaghlou wou 7yetou..mak et9oul“koll foul lahi fi nawarou”..wella kif t7eb et9oul elli etyour 3ala achkeliha ta9a3..mak t9oul “koll foula khamja liha farrouj a3ouer”..wou betbi3a el9aoula elli feha foul welli ye7ebouha wi ye9oulha la3bed elkoll khassatan kif eji 7ad yansa7 fik 3ala 3abed ken sa9et wou mouch behi m3ak.. “elli ba3ek bil foul bi3ou bil 9chour”

Elfoul 3ala 9ad mad5al fi 3adetna dkhal fi mo3ta9adetna..ta3ref elli fi nita9 el7amla eta7ssisisa wel tachji3ia 3ala makelet elfoul.. kharejet ma9oulet ..  «   elli yekel elfloul bi9chourou..fil mnam elrassoul yezourou”..3ala koll eni louah jbedet 3al foul..3ala chnoua konet bech na7ki ya rabbi ?..ta3ref ensit..pffff…chnia ya rabi chnia..nsit jemla..3ala koll ataou netdhaker emba3ed..wou fil athne2 na7kilkom 3ala Mohamed Ali wou Samir..ya sidi ben siddek..nhar mel nharat 3ammek Samir yedour wou ye3kel fil 7ouma..hedhika sana3tou..ahaouka yechamchem 3al la5bar wou yb3ath fil slam lil kbar wel sghar..haya wou houa yemchi chlaoulana..yal9a Mohamed Ali meteki 3al bouto elli ba7dha darhom..dhaher feded tal3etlou lil s7ab..wejhou mfaghem mil doukhan elli yetkayef fih sigarou fi joret khouh..mzafter mil chams elli dharba fih..3inih tale3 menhom elcharr wel fadda..

Haya Samir rah..mchelou yejri toul.

Samir : Ahla sadi9i..cava

Mohamed Ali: Tir

Samir : Chbik

Mohamed Ali: 9otlek tiir

Samir : Kifeh

Mohamed Ali: 9otlek e9leb mandhrek men 9oddemi

Samir : Abay chbik labes

Mohamed Ali: Labes..eyeh labes labes..9otlek e9leb din omm wejhek men 9oddemi..hez rou7ek wou tir

Samir : Ekhi chbik cha3matlek

Mohamed Ali: Ma3matli chay..tbahness mli7..tbahness

Samir : Abay

Mohamed Ali: Abayin..matabdech 3amel rou7ek mafibelikech..tetbouhet et9oul fnarat 4L..hez safirek wou tir men 9oddemi taou..khalina moslmin

Samir : Ye3jbekchi zeda..ti cha3matlek eni

Mohamed Ali: Eyeh haou 3amel rou7ou ensa jemla..ya weldi zayed elarbi arbi..ya3mel 3amltou wou ya3mel rou7ou mafibalou ebchay

Samir : Ya sahbi chbik..wallahi la fi beli cha3matlek..ekhi ghlotet m3ak?!!

Mohamed Ali: Ma3adech t3aouedha hedhi sa7bi..lé s7ab lé 39ab..wou madha bik elmarra eljeya ki no3rdhek fil chare3 etdaouer wou tbadel ethnia..wou matjich 3ala sa7ti..3ala khater ken elyoum chaded rou7i wou mrazen 3a9li wou kallamtek..elmarra eljeya mata3rafech chnoua yessir..eni hani nabahtek wou enti matloum ken rou7ek..daccourdou

Samir : Eza7 lil darja hedhi..wou rass eldada 3icha la 3aref ech noua elli sarr binetna..estanna estanna..mat9olich fomma chkoun 9allek 3al 9ahwa elli 3amaltha eni wou Hana..bellahi chkounou weld la7ram elli wassalek leklem

Mohamed Ali (jhel): HANAAAA..ekhi wenti men wa9tech wallit to5rej m3aha..E5I MA3ALBALEKICH ELLI HIA TAB3ETNI..N3AN BOUK WOU BOU BOUK..YALLI MAKECH RAJEL DAYER BI BNAT LA3BED

Samir (Mohamed Ali chaddou men 5na9ou): TI SAYYABNI..egh555777..TIgh555 SAYYABNIgh555..BEgh555CH TOKHNO99..NO99NIgh5..ehehehe ouhh..yetwallak rabbi khna9tni..Sara enti mafibelikech..hia 9atli eli binetkom woufé..wou mak ta3ref elli eni 3ajbetni melloul..9olet eni awla men ghiri

Mohamed Ali: MADHHEB BOUK WOU BOUHA..BECH FI BELI..ELYOUM NADHB7EK WOU NADHBA7HA..WOUFE!!!????!..CHNOUA ELLI WOUFE..ALLAHOMA 3OMREK WOU 3MORHA..

Samir : Ya weldi salli 3al nebi..chbik ekhi hbelet..ya weldi..ti hak mafibelikch..khalina na7kiou rjel..wou enchoufou kifech..(waldih haou mafibelouch tla3 mela louah mnarvez menni)..estanna estanna..o93ed lenna.wou haddi rou7ek..asma3ni..wou men ba3ed a3mel elli t7eb

Mohamed Ali: Hani 93adet..7el jalaghtek wou tkallem fisa3..elyoum bech nasfarlek ebrou7ek..dayer eb Hana..wou ye7el fi fommou 3ajbetni melloul..zayed wati..rana netsamaou 9arin elfat7a ma3netha ya sa9et..rani netsmma fattou7’ha wou rahi hia attou7ti yalli makech rajel..wou hia ech bech ye9oul fommi..kharja m3ak..chbini khicha eni..manich rajel..ma3andich 9ima..et9ossha men ghir mat9olli.

Samir : Asma3ni mli7..kima 9otlek..eni sma3et elli entouma 9assitou..wou hia zedet 9atli elli binetkom woufé..hek 3alech..ekhi jitek jdid..rjel rana..motrobin jmi3..manich mte3 hedha..rak khouya

Mohamed Ali: 9otlek manich khouk..le5ouat maya3mlouch hekka leb3adhom..wenti chkoun 9allek elli na7na 9assina..hia bent la7ram 9atlek?

Samir : La79i9a..sma3et men 3and jme3a elli entouma 9assitou..wou zid kif 7kit m3aha..9atli rahi sam3et elli enti ommek 9alet lé wou bech to5toblek wahda tkoun mennek

Mohamed Ali: Abay..wouled la7ram..chkoun ye5arej fil icha3at 3alia..mafammech menha hal 7kaya jemla..lé tkoun menni wou lé ommi 9alet lé..9otli fomma jme3a mela..behi behi..ataou encheddou elwati..bel 7ram lé ntal3ou.

Samir : Estahda bellah..masar chay rit..sou2 tafahom wakahaou..wou e7sebha mara7la wou t3addet..tet3allem menha..wou hedha maktoub sa7bi ech bech ta3mel

Mohamed Ali: 9otlek ma3adech t9oul sahbi..es7ab fil smé..9allou maktoub..maktoub termtek..dayerli eb sa7abti wou 9alli maktoub..ellyoum nekteblek elnihaya mte3ik

Samir : Aman khouk rani

Mohamed Ali: Khouya..ti houa 9abil 9tal habil..maghnek enti..matkounech menni jemla..ti no9tlek wou chouaya fik..tii nasfarlek ebrou7ek..wou en3al9ek men chouafrek 3ala maghalabt 3alia rak

Samir : Wallahi lé fhemet chbik wa5ou maou9ef menni..ti 7ata 7kayti eni wou Hana ma3albelekch beha tla3et..ekhi cha3matlek

Mohamed Ali: Chou ye3aoued feha..eni wou Hana..Hana ma3adech tejbedha 3ala lsanek ok!..wou 7essek nasma3 bik kallamtha wela doret beha..inchara7 madhheb bouk..9alli cha3malet..ekhi enti khalit 7aja ma3amalthech..chou 7abni rabbi wou sma3et bil zhar..wou eni elli konet bech enghafsek men bekri 3ala 7kaya okhra.

Samir : Mat9ollich mela 3al jem3a elli ba3eth’hom elmo3tmad yelaoujou 3alik 3 jom3at etltali  wou eni 9oltelhom wallla 3ayech elbarra

Mohamed Ali: Estanna estanna estanna…ema jme3a wou elmo3tmad louah yelaouej 3alia?”

Samir : Ekhi enti mafibalekech?..Mahou elmarra elli fetit..fomma karhaba teb3a elwilaya wella il mo3tamdia..mouch 3aref matricule 7amra el7assilou..kharjou menha zouz mennass..eni kif 93adet entabe3 fehom wou enchouf fehom..fhemet elli houma 9a3din yelaoujou 3ala 7add wella 3ala andrissa..3ad kif raouni noghzrolhom..chal9ou bia 9a3ed en3ess 3alehom wou entabe3 fehom eb 3inaya men b3id..3ad nadaouni..eni el7a9 mchitelhom khatoua el9oddem wou 3achra eltali..3ad kif 7kit m3ahom..tal3ou yelaoujou 3alik win tosken wella win to93ed rahou elmo3tmad yelaouej 3alik wou ba3ethlek ested3a 7ajtou bik dharouri..chay eni 9assit 3ala klemhom..9oltelhom flen yar7mek elra7men rahou ya 7assra melli tla3 lefransa rabbi fta7ha fi wejhou wou dabber contratou 3ayech labes 3alih..9alouli yakhssara..sara fomma charika talba khaddema wou elmo3tmadd 7atet esmek fil lista bech yedakhlouk tekhdem..eni bech manodh’horech nekdheb..seket 3ala rou7i wou bla3et elsekknia ebdammha..hekka bech nodher sfih.

Mohamed Ali (jhel wou héj) : ENA3AM EN3AM EN3AM!!!!!!!!!!!!!!!!!!!!!!!!!!!!!!!!!YEHLKEK RABBBIIIIIIIIIIIIIII..CHA3MALET YA HEMMA..3ALAH CHA3MATLEK..3ALAH HEKKA 3ALAH..LA3NAT ALLAH 3ALIK YA WATI..LEH HEKKA LEH..7ATA JARED ELKHEDMA ELLI ENLAOUEJ 3ALEHA SNIN ALLAH DHAYA3THA MENNI..EKHI CHKOUN MSALLTEK 3ALIA CHKOUN..MELLOUL SA7ABTI WOU TAOUA ELKHEDMA..BJEH RABBI CHBIK 3ALIA CHBIK

Samir: TI SAYABNI TI SAYABNI..EKHI BECH TAHRABNI WOU ENI ELLKHAMMAMET FI MASLA7TEK?

Mohamed Ali: Masla7ti masla7i..ekhi tekdheb 3alehom wou etalafhom wou et9olli masala7ti..etdhaya3 3alia elkhedma wou et9olli masla7ti..fin masla7ti fin..ya bhim

Samir: wallahi mché fi beli yelaoujou 3alik 3al rafel hek 3alech tallafthom

Mohamed Ali: ti haou ebfommhom 9aloulek elli yelaoujou 3alia 3al khedma..chbik ma7alitech fommek ya sa5ta

Samir: ma7abitech nodh’her kadhab fi 3inihom..hek 3alech sketet wou enti mnin ta3ref mouch ye9oulou kelma 3aliha lemlak wou kelma 3aliha elchitan..la3alla ta5taflek fil kharej wou etdaber laoure9.

Mohamed Ali: Ech bech na3malek eni taou 9olli ech bech na3malek..nerdmek 7ay..naklek ebsenayya..enfache5 waldik..nghaffsek ebsa9aya..9olli bellahi 9olli ech bech na3malek..ah ya rabbi ah cha3malet fi 7yeti ech a3malet fi 7yeti..9allou ma7abitech nodh’her kadheb..tdhorni wou mat7bech todh’her kadheb..ya rabbi yaaaa rabbi..ech 3amalet ..wa9tech nerta7 men hal znouz ya rabbi..cha3malet charr fi 7yeti bech yessir fia hakka..ti 7ata el7ar9a elli nwit 3aleha..baba wou ommi ghaflouni wou sakkrou 3alia elbab mte3 elbit liletha..9rib lakassartou elbab..la7did mte3 elchobbek 9rib laklitou ebsenya…so7et 3ayatet..kfaret 3alehom..wou Houma 9alouli 3albalna bik bech ta7ra9 ellila..elkhourj lé..diwiou makech machi..manich 3aref kifech wella mnin sam3ou..rabbi yehdahom..floussi dha3ou wou eljme3a mchaou..kollhom weslou salamat lil lambadouza wou eni 9a3ed lehna 7ali kil zir elmteki..lé yedha7ek lé yebaki..rabbi yahdahom elchayeb wel 3azouza..elli sabb bia yahdih rabbi

Samir: Mela ech t7ebni na3mel ya s7aybi..temchi wou tkhallini wahdi fil 7ouma

Mohamed Ali: 7ata eni hani barek ba7dhek..stanna stanna..chnia..chnia 9otli?!!..mat9ollich enti elli sabit elsabba lil chayeb wou la3zouza

Samir: Kifeh!!!!..ehhhh…;.

Mohamed Ali: CHNIA EH CHNIA EH..YA WELD LA7RAM EKHI ENTI ELLI 9OLTELHOM RANI 7ARE9 LILETHA?!!!!

Samir: Asma3 rani..mal9it mana3mel khayef 3alik..ken toghre9 wella yechedouk el7akem..ech na3mel

Mohamed Ali: JADD BOUK ELKALB..SARA HOUA ENTI..KHAYEF 3ALIA YA SA9ET..AHHHHHHHHH.. YA RABBBIIIIIIIIIII..EKHI CHBIK 3ALIA CHBIK 3ALIA..ELHAMM LAZRE9 HEDHA..NE9ESS ENI NE9ESS..BARRA YENA3MBOUK WOU BOU BOUK YA KHAMEJ YA WATI..3ALEH HEKKA 3ALEH..CHA3MATLEK METCHAMMET FIA..MAYEZZICH HANA WOU ZID ELKHEDMA WOU EL7AR9A..EKHI CHBIK..ECH HAL HAMM HEDHA..CHET7EEBLEK TRAHDIN..EKHI WA9EFLI KIL WAKSS FIL EDDOURA..EKHI METCHAMMET FIA..EKHI 3AMALET M3AK ELKHAYEB..YA RABBI AHHHHHHHHHHHH

Samir: Ti chbik ti chbik (sara mouch hedhi elfaza elli mnarvez menni 3aleha?)..ekhi cha3amalet 3ala kahterni khammamt fi masla7tek ta3mel hakka..elli fett met taou..elloum ba3edd le9dha bed3a..welli ta7 ra7

Mohamed Ali: Elyoum bech tfout wou tmout ya hamel..elli youm etya7 rou7 fi jortek..mil elmarra elli fetit mel marra elli fetit..mel faza elli saret ekher marra wou eni enghaleghel 3alik..juste 9a3ed enra bil jira wou ommek elli bahia m3aya..tzid tkammel 3alia bi 3 fazet hedhom zeda..ma3adech feha taou..wou ra7met chef langar wou ra7met eldada 3icha..elyoum 9atlek ya kalb.

Samir: Ema faza..ema faza..ekhi cha3matlek 9olli ech 3amaltek bech tghalghel 3alia..brass ommek cha3amtlek 9olli wou a3mel elli t7eb

Mohamed Ali: Nsité..nsité..haou bech endhakkrek..ta3ref cha3malet wella lé..haou bech en9ollek..tetdhakker elli marra elli fetit…

Ah oui tdhakraet taou 3alech 7akit 3al foul..ataou elmarra eljeya enkammel./.

7kayet el7aja 3al sbe7

23 Déc

3al sbe7 wel rbe7..ya fate7 ya raze9 et9oul ta9rib el 10 mte3 sbe7..fi appartement mil appartemenet fi 3imara mil 3imarat fi 7ouma mil 7ouem..zouz men ness..9aymin mazroubin..sab7in re9din..retard..akahou elli yebet seher lil fjari..trassilou 3al sbe7 9ayem mafjou3..yejri naoui yenajem yal7a9.

Loulani : ya7 chnia hedhi

Thani : chnia

Loulani : hedhi..ahaya
Thani : fin..chnia..ya7 bel7a9..chnia hedhi zeda

Loulani : mnin na3ref eni hani nesel fik..tra chnia

Thani : 7ala mte3 wedhni..wenti win el9itha ?

Loulani : chnoua win el9itha..jebtha m3aya..hani nesel fik..enti 3amaltha
Thani : rabbi ya3rfou..chbik..ca va pas..eni na3mel hekka
Loulani : za3ma 9attouss d5al walla za3ma 3anna farr fi eddar

Thani : 9attous eyeh wella farr..hedha 7add 3a9lek taou..9adeh kobrou hal farr bellahi..ken farr wella 9attous ya3mel 7aja kif hekka..etakhedhna..rahou klena men hak el3am

Loulani : mela 9olli chkoun 3amalha..nagzet mil chobbek?!!
Thani : la3alla enti..na3rfek ta3mel el3amla wou twa7alha fia
Loulani : bellahi..chahed e5er wou twalli bel7a9..hedhi 7ata bi tfadlik ma3adech t3aouedha..9allou eni..3aleh chbini 7aouen lil darja hedhi.ne7lef 3alik enti..ta3malha wou termi el9atla..tabda tetbouhet..3amel rou7ek mafibelik ebchay..chbik bahet fia eyeh na7ki 3alik enti..chkoun ghirek..mak z3im.
Thani : chnia z3im..ta7ki bjaddek wella tfadlek..3aleh ritni eb3amelti..wella chaditni bil kamcha na3mel feha..jab rabbi ritha m3ak..ye3jbekchi zeda

Loulani : mela chkoun bellahi..ommi..mani eni wayek barek lenna..ejnoun 3amlouha..wou ma3adech et3aouedha hedhi enti 3amaltha hani enabbeh 3alik..7louachi zeda..jab rabbi eni warithelik

Thani : eyeh warit’heli..mouch ma3netha ma3malthech..elli chamha lammha

Loulani : chnoua hal 7dith bellahi..eli chamha lammha..eli chamha lammha..3aleh bassa hia..mak tra feha..9ad essakhta..3amaltha enti..mala manta9..chbik ritni houkech 9oddemek

Thani : mana3rafech 3alik

Loulani : chou kifech ye3aoued feha..ma3netha t7eb etlassa9ha fia eni..cava pas fi mo5ek..7louachi zeda..en9ollek 7aja bil 7ram matatla3 ken enti..asma3 rahou mimouna ta3ref rabbi wou rabbi ya3ref mimouna..khalini seket taou..lahi fi hal msiba

Loulani : lé a7ki baba a7ki..9allou rabbi wou mimouna..a7ki..ech ta3ref..tkallem tkallem..ken 3andek 7aja 9oulha baba..mat5alihech fi sedrek behi..wou ken enti 3andek mata7ki..eni 3andi manekteb ktob 3alik wou 3ala 3amaylek

Thani : bellahi fok 3alia..manich ne9ssek taou..bech no93dou net9ab7ou fi b3adhna..wou hal kazi hedhi ma3malna feha chay..cha3malna wou ken mli7 taou

Loulani : chnoua ech bech ta3mlelha..hezzha

Thani : manhezhach rabbi ya3rfou..hezzha enti

Loulani : manhezzhach eni..manajamech

Thani : 3aleh baba yedik bil 7enna

Loulani : lé en3if

Thani : ma3eftech kif 3amltha

Loulani : khareeeeeeeeef..haou ye3aoued feha..ti fok 3ala jad waldaya..ekhi tejebd fil chbouk 3al sbe7 elma7noun..ekhi bessif eni 3amaltha..chaded s7i7..bel7ram bel7ram matatla3 ken enti madamek chaded s7i7

Thani : te7lef bel7ram te7lef bel7ram..mela chkoun ghirna eni wayek fil eddar..ken mouch eni enti..chkoun 9olli eljnoun?!!

Loulani : mouch eljnoun..ema eznouss elli kifek ya3mlouha wou maye7chmouch

Thani : ekhi chbik 9olli chbik men bekri wou enti tsama3 fia fil klem..ekhi naoui 3ala 3arka walla chnoua..taou enlabezk beha fi wejhek..9allou mouch eni..ommi mela

Loulani : wou jeh Sidi Téta lahou eni..bechtsade9 ezza7

Thani : inchalah yeti7 fik..hay hez hez..9alou bech ensade9..mahouch eni wou mahouch enti..ema manach bech en5aliouha lenna zeda..haya fisa3 ennhar ra7

Loulani : 3ad hezha enti kif mazroub

Thani : bel7ram mathezha ken enti..eni akber mennek

Loulani : chou akber menni..elli yasma3 ye9oul zayed 3alia 50 sné..ti tabdachi 3andek 1000 sné..mat5afech 9Aderek mouch elhek edarja bech entabess eni wou enhezha

Thani : et9aba7 et9aba7..wallahi enched elbazlek beha wejhek ataou ta3ref

Loulani : hezzha barek wou ken najamet labazni beha..din waldeha makbarha

Thani : bech bech enhezha hal sakhta hedhi..lé trab7ou elli 3amlha lé trab7ou

Loulani : ejiblek chi9a?

Thani : ech men chi9a bellahi..lazemha jeld karkadan bech tetlam ebkollha

Loulani : fisa3 fisa3..ataou net3aounou m3a b3adhna..9bal mata3mel elri7a

Thani : waldeha mafihech ri7a eltaou..efffffffffffff elwahed bech yemas5 yedih wou trasilou ye3aoued yeghssel..la3net ellah 3al bliss

Loulani : estanna estanna..ataou enlamdouha bil mal7fa..hia déjà mrabb3a wou 3aridha..mafamma ken mal7fa tlemha elkoll

Thani : ema mal7fa bellahi..bech tehlek eddenia elkoll hekka

Loulani : ya weldi mal7afti mat5afech..ataou enraoue7 lil eddar endabber wa7da o5ra..ema khir elwahed yebalbez rou7ou wel eddenia tetjalouet..3andek wa9et bech tnadhef edenia taou

Thani : behi barra fisa3 barra

Loulani : chou 3ala khater mouch mal7aftou 3adi..yetwallek rabbi

Thani : ti jab rabbi enti etkallemt wa7dek..kif bayek zemzem ye9oul wou yendem

Loulani : haya behi..wou taou..fin bech entaychouha?..mat9olich nahbtou beha edrouj?

Thani : lé lé mouch 7all..wou zid 3ala 3inin eljiren..asma3 entaychouha mil barkoun..ensa9touha fil poubela mte3 elbaladia toul..ech 9aoulek?

Loulani : haya..barra hezz men ghadi..ya rabbi

Thani : sayess sayess..ija hekka..bil chouaya..ema mouch bi chouaya..tatla3chi tsa9ter mellouta

Loulani : ti hay yabssa kess7a kif rassek..wou déjà mahiach mjalouta chay..lefha kil Libanais

Thani : a333333..3aoueftni ya khra..haya haya ..barra barek..hay hay hay..syess 3al…ohhhhhh..ekhi ma7alitech elporte fenetre..mela msatek kifech 3amalna taou

Loulani : mnin na3ref mazel 3andi mokh chaghchbteni..mathabathech..estanna enjareb ebsa9i

Thani : mela bahlaouen..bech ye7laha ebsa9ou..9ered ma7ssoub..asma3..inraj3ouha li blassetha wou en3aoudou en7elou elporte fenetre.

Loulani : behi haya..rod belik..bi chouaya matejrich

Thani : 3ayit math9elha elhamm..mela zenzra

Loulani : barra 7el taou

Thani : haya hezz fisa3 feddit

Loulani : matejrich sayess..haya à la uno à la dué

Thani : tal3ab !tal3ab !..tayech fisa3

(wou jdevvvvvvvvvvvvvvvvvvvvvvvv..sakhta habtet fil ka3a..ti7etha et9oul sa5ta habtet mil smé..tetsma3 et9oul 9onbla)

Loulani : eh opppppppppppa..ay jet elbarra mil poubela..pfffff cha3malna taou

Thani : taou tdhom fommek wou kheff rou7ek..ataou jme3et elbaladia yehezouha..elmouhem kharejt mil eddar

Loulani : mouch 3ib ?

Thani : toll chouf..makech tra fil zebla fi koll blassa ken fil poubela..rabbi ya3rfou 9otran 3ala 7alou walla fil 9a3a..haya haya..taoua ta7 3andek edhamir..winou dhamirek kif 3amaltha men bekri

Loulani : ti chbik ya skhata chbik..t3aoued feha ma3neha..matatla3 ken enti ayah..mafjou3 etayech feha et9oul 3amllin jrima

Thani : haya haya zeyed la7dith ennhar ra7 fi jorrtek

Loulani : ……chou kifeh chou..et3aoued feha ma3netha

wa tamdhi alayam./.

7kayet Noureddine fil lila elkalba

14 Mai

Fil laylatin men layali elsayfi el7arr..fi laylatin kollha ghatt wou skhanna matenta9ech..laylatin wou loukan tna7i dabchek elkoll wou matebredech..laylatin lé teddour feha nessma wou lé houa..laylatin lazmek menek lil b7ar..laylatin men layali elsayef elkalba..wou fi dar men dyar wou fi bit men lebyout..

 

Noureddine : effff..Trah ija hekka..lé o9rob..lé effff..hekka hekka..ooooo..pffff

Souad: echbik etaféf men bekri kil 7nach

Noureddine : effff..skhonet skhonet..ennar bech tech3el fia..elwahed walla ghare9 fil 3rou9at..Maynajem ya3mel chay fil hal lila elkalba..

Souad: skhana rabbi ya3rfou..sif essné mayenta9ech

Noureddine : tawa wallit mo9tane3 enou lazemni enrakkeb climatiseur fil bit

Souad: 9addech men marra en9ollek..rakkbou rakkbou..et9olli louah mouch wa9Tou..hia betbi3etha kif en7ellou echbiek tethaoua

Noureddine : Ti na3ref..ema mouch 3ala 7aja..ema ellila ellila..7ala 7lila..elwahed mayanajem ya3mel chay..wou eni elila chahi na3mel koll chay..ya ltif..elwachwacha elyoum mouch normal..elwahed yebatech ye7ok wou ye’hech..wou lé zid si bouk mal9a yor9ed ken ta7et chobekna.

Souad: Meskin baba fedd mil skhana..win 3andou bech yebet..eldar skhouna kil koucha..en7ell elbab?

Noureddine : T7ell elbab..ekhi chbik..3ad nokhrjou elbarra khir..wou lé zid weldek elbarra..la battle forja fil talfza wou lé zid wedhnih ya ltif kil fanak..wou zid weledek kber rahhou..ya3ref walla..Chuuut..cho cho..tra fil khyel..fomma chkoun wa9ef 9odem elbab yetsannet..mayatla3 ken weldek hedha..el3amla elkalba elli met3allamha manich 3aref men 3and chkoun

Souad: Termi fil ma3na 3alia?

Noureddine : Houa elmojrab tehmzou mraf9ou..ema eni manich nermi fil ma3na..eni no9ssed fik..ti ballehi 9adeh men marra enchedek bil kamcha tetlousess 3alia wou eni fil talifoun

Souad: Aman..eni nasnassa..3aleh ritni wazgha 9odemek..mahou enti etjib fil chakk erou7ek..yesoni portablik..tetnater lil bit tetkallem..tadhrab bil se3a ta7ki wou tadh7ak..wou men ba3ed to5rej embaouez et9oul konet ta3mel fi 3amla.

Noureddine : Eni!?pff.mani 9otlek ya mra na7i hal weswass men rassek..rahou mabach ye5liha ken elchakk elli 3andek..elmouhem..ama weldek kathrelha wella yetsannet 3alina wou na7na fil farech msakrin 3ala roua7na..walahi ken majitech fi hal 7al..enched enwaklou tri7a encha3fou..ya Hazem..ya Hazem..eb3ed mil bab la njik taou..Chou kifeh tafani

Souad: Ya Hazouma 3ayech weldi eb3ed wou ched bitek

Noureddine : Hazouma ! Hazmouma !..tetrabej bih zeda!..ya Hazem bech en9oumlek rahou..Chay..chou kifeh chou..en9oumlou taou en9oumlou

Souad: Ti lé weldek blid ama yasma3 leklem..if tonzer 3alih yeb3ed

Noureddine : Mela Yatla3chi bouk zeda..lé 3ad 3ezetha wa9tha..hedheya ech na9ess..3ad yodkhol yetfarej wakahaou.

Souad: Lé Abadan..baba!!..ti lé asma3..ti baba haou 7essou elbarra yech5er

Noureddine : Mela chkoun..eb3ed men ghadi e7chem

Noureddine : Bel7ram ma9ayemlou taou..tri7tou ellila..a3tini pyjamati..khalini enchedou bil kamcha..a3tini elrobe de chamber trah..

Souad: Estanani ensa9et roubti estanna

Noureddine : Bechouaya chuut

 

Trakkk wou 7all Noureddine elbab bil 9wi et9oul fer9et mou9awamet lerhab..3ala assass bech yeched wahed bil kamcha..7alla mte3 masra7iyet wella film action..wou kenet elmoufaj2a

 

Souad: ti bechouaya baba re9ed..ataou t9aymou

Noureddine : Fomma 7ad..rahou hrab..fil salla hedheka..

 

wou mché Noureddine wou Souad yejriou lil salla..ye7ebbou yecheddou Hazem bil kamcha..Noureddine 7alef elyouma bech yewakklou tri7et nabbech le9bour..wou Souad bech ta3mel rou7ha t7ezz 3ala weldha.

 

Noureddine : Hazem fech ta3mel

Hazem: Netfarej fil film

Noureddine : Fech konet ta3mel 9odem elbit

Hazem: Ema bit

Noureddine : bitna!

Hazem: wechkounkom entouma?

Noureddine : tmousset zid tmousset..9olli fech konet ta3mel 9odem elbit

Souad: ti bechouaya baba re9ed..ataou t9aymouh

Hazem: Ema bit

Noureddine : Biti eni wou ommek

Hazem: Makontech 9odemha..men bekri wou eni 9a3ed lenna

Noureddine : Tekdheb

Souad: ti bechouaya baba re9ed..ataou t9aymouh

Noureddine : bellahi a5tani enti..Hazem fech konet ta3mel 9odem elbit

Hazem: wallahi men bekri 9a3ed netfarej fil film..mat7raktech men blassti

Noureddine : tekdheb..mela chkoun d5al men bekri..jeddek d5al leddar?

Hazem: wallah ya pa’ wallahi lé 9omet men blassti..wou 3azizi..men bekri re9ed maritouch d5al

Souad: ti bechouaya baba meskin re9ed..ataou t9aymouh..wou enti chaded s7i7 elli houa baba..taoua hedha 7add 3a9lek..todhlom fil rajel bessif….Hazem!!..chnoua hedha elli tetfarej fih..Hazem!!tetfarej fi 3abed tbouss fi b3adh’ha!!!!??..tetfarrej fil fsséde!!!mate7chemech?!!!

Noureddine : bellahi 9ini enti..taoua wa9tou hedha

Souad: ekhi maritouch fech yetfarej?!!..normal 3andek woulad fi 3omrou yetfarej fi 7ajet kif hakka?

Noureddine : ti bellahi wahed bess wahda..film américani rahou..ti ma7ssoub mousalsletik houma elli 9a3din yessab7ou wou yebtahlou fehom..haya en9ollek 7aja..Hazem..sakker etlafza wou barra chedd bitek..barra or9ed

Hazem: paaaa’..3aleh..wallahi lé 3amalet chay 3alech bech tra9adni men taou..ma3malet chay

Noureddine : 9olltlek 9oum or9ed..taou..ma3adech bekri

Hazem: ezza7..dima hekka..sif wella chté..7ata fil 3otla..manetfarhadech..nor9ed bekri wou eni msala3.

Noureddine : etza7za7 3alia!!..wallahi lé te7chem..9otlek 9oum taou chedd bitek..wou sakker el climatiseur..manich nekhdem fi darr edhaou rani

Hazem: behi behi sama7ni za7za7et mouch bel3ani..wallahi skhouna ya pa’..behi khalini enkammel elfilm wou nemchi nor9od

Noureddine : 9otlek 9oum taouuu

Hazem: dima hakka entouma dima hakka

Noureddine: chnoua elli dima hakka?

Hazem: t7arrmou 3alia koll chay

Noureddine: zid et9ba7 zid

 

9am Hazem wou mché elbitou mdankass rassou ba3ed masakker bi marara eltalfza wel climatiseur..bouh khlatt 3alih..thanna 3alih dkhal..wou houa jé bech yessaker elbab Hazem 9al elbouh wou ommou

 

Hazem: ekhi chbikom labssin dbachkom bil ma9ouloub?

Noureddine (yoghzer elrou7ou): wallahi lé te7chem..bech ensakker 3alik elbab bil mefte7

Hazem: 3alahh!!!??

Noureddine : bech ma3adech t3aoued sana3tek

Hazem: wallahi lé 3amalet chay

 

Wou Noureddine sakker elbab ebdourtin wou hazz elmefte7 m3ah mtaffi ta9ri9 weldou elwa7id..wou mché bech yessakker zouz biban mte3 eddar bil mefte7 zeda

 

Souad: bech tsakker 3ala baba?!!!..wou loukan ye7eb yodkhel lilt wallet..wella yegress fil lil..wou kifech bech yetwadha men ba3ed?

Noureddine : bech na9ta3 elchakk..ahayki fomma eljarda ken ta7ssar..wou fil lilla elkalba hedhi..mafommach sradd..ahaouka metghotti..wel fajer mazzzel..haya arja3 or9ed

Souad: 7ram 3alik..ken jé bouk wella wahed men 3ayeltek rak ma3maltech hakka.

Noureddine: fil lila elkalba hedhi..mouch kif yabda baba..kif tabda ommi yar7amha..emsakker elbab emsakker elbab..haya narj3ou nor9dou.

 

Haya raj3ou lil bit sakkrou eldhaou wel bab..wou takaou 3al farech yoghzrou lil b3adh’hom..eddenia calme..lilla skout wou nbout..matsma3 feha ken ch5ir bou Souad wou tzanzin elwachwacha.

 

Souad: Noureddine!

Noureddine : oui Souad

Souad: ekhi ssakkaret elbiban mli7?

Noureddine : eyeh 3aleh..3ala bouk enti?..behi ataou en7ellou men ba3ed 9bal manor9dou..7ata Hazem ataou en7ellou..yeta7ssarchi ya3malha fi farchou.

Souad: lé lé mouch 3ala hedha..ema 3ala khater..fomma khyel wou9ef 9oddem elbit

Noureddine : yen3abou hal lila elkalba..za3ma taoua chkoun./.

%d blogueurs aiment cette page :