Fi lila mil lyali fi dar Cyrine..ni9ach 7ad..Cyrine mgabdhet’ha 3al rass bouha wou ommha..elli ba3ed mat3achaou..ya endra chnoua eltalab elli talbetou menhom wellli houma roufzouh kif el3ada..
Cyrine kharjet men sinet’ha..la3allha eli 9otra elli afadhat elkess..momken tsawret koll chay..ken ennhom bech yeroufzou talabha..3ala koll Cyrine chen3et wou ech bech yesakkatha taou..
Cyrine: khaliouni faddit rani..notlob menkom flous mta3tiounich..nheb netfarhed m3a shabi..tamn3ou 3ali lekhrouj..nheb nemchi el randonnée wela camping la mafomech machi wahdek..fadit men 7yeti faddit men rou7i rou7i tal3et..ken 9oltelkom 3al dbach..et9oulouli hana chrinelik..nheb nekel elbarra..louah mahou 3anna ftour fil eddar..wel mekla elli mtaybetha ech bechna3mel beha..bech enkabess beha rassi..bech entayech ne3met rabbi fil zebla..wejebed men hek laoui..haou 7ram..haou 3ib..haou mayjich..et9oul kefra..nheb netfarhed..nheb netfarhed..wou eni la3omri tfarhadet..la fi mounesba wella ghir mounesba..3efet rou7i rani 3efet rou7i..aid sghir..maset lasset..mayezich labssa 7weyej mouch 3ala kifi wou zid haou 3al sbeh min jabbana eljabbana..ya rabbi..elwahed yegedd wou yezayenmen ba3ed yesabeh 3al mouta..wou nhar wou toulou no93dou endourou men darr eldarr..elwahed negrou elsokker wou sennih saousou fi jorret el7lou wou eljuet wel gazouz..wou 7ata ken jit na3mel jaou..ya Cyrine barra al3ab m3a bnet khaletek mesta7chinek…barra al3ab m3a bnet 3amouetek
3andkom barcha matal9itouch..wou eni enfed menhom..ya kbar yabdaou yetmanikou 3alia wou yevaysou 3alia..ya sghar manajamech nal3ab m3ahom..wel aid lekbir 7oussa wou tandhif wousakh mte3 msaren..woou hedha elkoll 3al la7ma mechiouia..eni m3adech wakletou ell7am..wou manich naouia natla3 megdia wou 7orra..7atta mel reveillon..men doun s7abi elkoll..elli yehabtou fi sotiret haou sahriet wou jaou..eni enkabbi mil 9la9..3inaya 7welou mil tabdil elchanet..et9oul bech tal9a jaou wella bech tokhrejlek ra99assa mil talfza..ti houma elli ye9admou fil baramej..deja kharjou yasaharou tellement 3arfin eli mounaou3at mte3hom masta..wou zid no93ed souye3 nhadhem fil 3acha wel 9loub..nestanna fi nosf ellil bech nakel jared moursou gateau bech netekhmed nor9od..ti hia ka3bet elgateau hia bidha nafsha gateau aid miledi juste elktiba men aid miled said welat 3am miledi sa3id..wou aid miledi mna7kiouch 3ala jawou..mana7kiouch 3al cadouet elli matbadlouch
melli wala 3omri 14 sné..biblouet..biblouet..kwatrouet..biti tgarr3et menhom..wallahi 3icha slatta 3icha slatta..ya rabbi 3alech majitech woulad..bellahi 9oulouli kif matnajmouch tfarhdouni wou tosrfou 3alia kif matnajmouch t7aoussou kif la3bed louech jaybini..louech wouledtouni…
Tertaf todkhol Cyrine wou tarba9 beb elbit wouraha..wou tasma3 ken southa yenin bil bka wou noua7.. toghzer Om Cyrine el Bou Cyrine..wou 3ineha
kollhom alf souel mobham wou alf fikra 7ayra..tnahed Bou Cyrine bi ma ma3nah..khaleha 3andi..ka7 ka7a sghira bech yesare7 soutou..taba9 eljarida elli
fi yeddou..tabbas el9oddem bech yemed telecommande men fou9 etaoula..na9ess fi sout talfza 7ata eljarida fou9 fakhdhou..wou bdé yenadi
Bou Cyrine: Cyrine..Cyriiiine..ija 3ayech benti..ija ija.
Cyrine makharjtech mil bit..matasma3 ken sout elbka juste n9oss chouya..Om Cyrine ghazret elBou Cyrine..elli houa ebdaourou ghzarleha..ghamedh 3inih
wou 9al n3am ebrassou..fi ma ma3neh..na3ref na3ref..mat9ala9ech rou7ek wou nada marra okhra.
Bou Cyrine: Cyriiine..ija 3ad..3andi man9ollek..Cyriine haya 3ayech benti..jitchi taou.
t7all elbab..wou kharjet Cyrine..temchi bil chouaya..3ineha mzaghlelin wou emnaf5in bil bka..elmaskara mte3ha sel wou walat mandharha kil panda..
khnénetha talma3 ta7et khchamha..
Cyrine: (snif snif « sout khnénetek kif t7eb tsil men khachmek wou enti traja3ha fi ekher wa9et »)oui chnoua t7ebou menni ekher (snif snif).
Bou Cyrine: chouf benti elmezyena..lazem ta3ref elli na7na en7ebouk wou enkhafou 3alik wou man7ebkouch tkoun 7zina wela ma5dha fi 5atrek.. wou..
Cyrine: hedha tsamiouh 7ob..ekhi..
Bou Cyrine: 3ayech benti men bekri wou enti ta7ki wou faraghet 9albek wou na7na ma9ate3nekech wou sma3nek lil lekher..donc khalini enkamel na7ki..behi?
Cyrine: behi baba.
Bou Cyrine: sa7it 3ayech benti..eni men bekri 7akit wou 9olet elli 3andek elkoll..ema fomma 7aja 9oltha ghadhetna..wou men daouri eni wou ommek ka waldin ye7ebou benthom..lazem en9oulouhelik..enfasrouhelik..enti ma3adech tofla sghira..mchalla kbert..wou il est temps bech en7eloulek 3inik 3ala 7kaya.
Cyrine: chnia hal 7aja?
Bou Cyrine: behiii..men bekri enti 9olet wou matonkorech eli enti 9olet bil 7arf elwahed « 9oulouli kif matnajmouch tfarhdouni wou tosrfou 3alia kif matnajmouch t7aoussou kif la3bed louech jaybini..louech wouledtouni. »..9oltha wella la? 9olli.
Cyrine: eyeh 9olet..ema..
Bou Cyrine: men ghir ema..enti wa9tech touledet?..mouch fi avril.
Cyrine: eyeh.
Bou Cyrine: donc tarja3 9 ch’hour eltali enti7ou fi juillia..wou ta3ref skhanet juillia wou lyali elskhouna wel twila mte3 aouessou..wa9tha eldenia mouch kif taou..heyheyy..
enti maoulouda fi se3a s3ida wa9tha la famma climatiseur..la parabole..
wou zid la3andi karahba..la fomma internet wou la facebook..wou la 7atta chay wou la 7atta chay batatan..ba3ed la3cha tched eldarr..donc bech en9assrou ellil surtout elwahed mkanji..mafamma ken 3och elzaoujia..donc wa9tha fi lila mte3 9la9..baderet eni wou ommek bi takksir elroutine wou ta7addi el9la9..
wou kif mata3ref wou base 9rit fil science men milliard 7ayaouen manaoui..enti tbarkallah 3alik..elgamoudi jit elloula..wou ne3lmek elli hedhika elmarra elwahida elli jit feha loula fi 7yetik..donc bnyati enti men doun lokhrin elkoll sba9thom wou ghlebthom
bech tousel wou tetkaouen 3abed elli houa enti taou..wou enti mil les Y elkol jit X..mchallah 3ala bnayti ghelbet eldhkoura elkoll..donc..(cyrine mbahma)..chbik mbahma 3adi hedheka elwa9e3..donc bnayti enti elli khtaret bech tji mouch na7na..
n7na wa9tha juste 9al9in fi lila skhouna wou twila..men layali aouessou..enti elli 7abitna njibouk..wou kif ommek 9atli rani enceinte..9olna cha2a allahou mafa3al..elchay elli fi kerchek..nadhel bech yousel enjibouh houa..
wou madamou asarr wou ala7 wou sabe9 eljami3 wou rabbi sahalou bech yousel..enkhaliouh bech ye3ich..lazemna ebtaoujou majhoudou eljabbar..donc fi avril jit wou samminek cyrine..taoua ya bnayti..9ollena enti.. »louach jit wou 3alach khtaret bech etji..wou 3alech 3amalet elmosta7il bech etji?..ah 9olli?
Cyrine (mbahma mouch fehma ech bech t9oul wela ech 9allha bouha):(snif snif)
Bou Cyrine: bech et9olli mafibelich wa9tha..et ben haou fi belik taou wou 3ala belik men tra 9adech men 3am..makdhebnech 3alik..magharinekech..maou3ednek ebchay..na7na houma na7na melli bdina 7yetna..fhemtni 3ayech benti?
Cyrine (mazelet mbahma): (snif snif)
Bou Cyrine: haya tasba7 3ala khir 3ayech benti.
Cyrine: tasb7ou 3ala khir.
Dakhlet Cyrine elbitha wou sakretou..Bou Cyrine zed fi sout eltalfza..wou 7at ba3dh elchainet..wou Om Cyrine 9a3da toghzrlou behta.
Bou Cyrine: chbik?
Om Cyrine: chnoua hal klem hedha..hedha elli bech tradheha wou taybelha khaterha wou ta7ki m3aha bil syessa?
Bou Cyrine: ekhi eni ech 9olet..hak ritni 7kit bil syessa..la 3ayet 3aleha wou la nbeztha ebkelma..fassertleha elwadh3ia..wou 9oltelha la79i9a..ekhi elli ye9oul la79i9a wou yesare7 beha 3ayeltou walla 3alih el3ib..wou zid hek rit tari9at el7iouar efficace..efficace wella la?
Om Cyrine: efficace..zayed m3ak la7dith.
wa tamdhi alayam./.
Wa Tamdhi Alayam 