7kayat a5bar elsou9

fi yaoumen men ayam el7ar elchadid ghayra ba3idin 3an elsou9..ken Ibn Boulay9a mota2ken ta7ta sabtin men alasbat..7ina ja2a sadi9ahou min sou9 mo7amlan bi ma ladha wa tab mina almochtarayat..

el sadi9: mar7aban ya Ibn Boulay9a..kayfa 7alok.
Ibn Boulay9a: bi 5ayr wou 3afia..ken khalaouna la3bed..wou enti ech na7welik?
el Sadi9: alhamdoulelah..efsa7 li amjal 9alilan li ajlousa bi  janibika.
Ibn Boulay9a: heeeeeen..o93od..eldhi9 wel tzarzi9..9olli mela kifeh..konet fil sou9?
el Sadi9: na3am..wa ana 3a2idoun lil bayt inchallah.
Ibn Boulay9a: wou chnoua a7wel sou9..ech femma jdid.

el Sadi9: al a7wel el3amma fil sou9 jayida..wa hounaka 3adido alakhbar almoutawatira allati torwa.
Ibn Boulay9a: kifma chnoua trah.
el Sadi9: hal ta3lem anna Hafsa Ibn ElWard 9arrara tazahouda fil 7ayat wa bay3a elhafsa donia li ichtira2 elakhira?
Ibn Boulay9a: emmmm tazahod fil hayat..jad 3alik ma7soub..te5sebni mana3rfouch Hafsa Ibn ElWard mte3ik ..ti mafommech wahed ya3rfou akther menni..ti hedheka machi bi mabda2 idha watat 7let..ti houa fa9ri wou yegrilou men aslou..ti mak ta3rfou battal..welli yasba7 3alih yebat 3alih..la frank wou la kharouba..ti 3omrou makhdem khedma..wou la9ra kelma..mahsoub ken yosrof men jibou houa 9bal..mahou 3ayech 3al tlahmig wou ramyen smiltou 3al la3bed..ye5alsou 3alih wou yosrfou 3alih..ti 9addech men marra enrah fi zarda yekel m3a elfogra..ti 3ayech men le7yet eldghof 7assbinou sa7eb wou yechmlou elmasrouf men majmou3 el7adhrin..ahaouka kif kber wou las7ab kebrou wou be3dou 3al hamla wou wou3aou elli houa 3ayech men dh’hourethom..be3dou 3alih wou 93ad hekkaka..bhim wou gdem gar3a..wou zid houa la 9raya la san3a..chkoun bech ye5admou wella  bech yetlaha bih wou sobhan rabbi 7ata elkhel9a khayba..7ata 3azouza matardhach bih..wou khlou9ou fezda wou som3tou seb9etou..hedheka ya sidi mayosle7 elchay..7achek kif legralou la yetakel wou la yal3bou bih..wou ki tji tchouf rete7na men fatchatou..wou la 3ejbetni fazet ba3 eldenia..ti hedhika eldenia 9alet ba3 mennou..wou la chouf kifech 9allek yeheb yechri elakhra..ti hedheka kla edenia wou ye7eb yetsa7er bil lekhra..ahaouka 9al fi 3oudh yetaye7 9adrou wou yo93ed yessassi ba3ed dlalou..ahaouka ya3mel rou7ou metzahed wou chikh..yasm3ouchi bih ba3edh eldghof wi yewalliou ye7sbouh fgir wou rajel sale7 wou yebdaou yosrfou 3alih..ema hayhat kifma 9otlek hedheka som3tou seb9etou wou la3bed fey9a bi rouandou welli fih tabba 3omroha matet5abba.

el Sadi9: wa hal same3ta khabara kabir eltojar Al A3oues Ibn El Akhrach?
Ibn Boulay9a: chbih zeda?
el Sadi9: you9alou wallahou a3lem..anna 7oloman rawadahou fi manamihi..fihi malakon aou rajolon sale7ion ya7othouhou 3ala i3anti el7ajij..fa9arara an yahiba tharouatan 3adhimatin wa 9ayematin li tahyi2ati tari9 el7ajij wou 7afri abarin 3ala kamili etari9..kollou dhalika 3ala nafa9tihi el5assa.
Ibn Boulay9a: hekka 9olet enti?
el Sadi9: hadha ma yorwa ya Ibn Boulay9a.
Ibn Boulay9a: haya ya sidi ritou hedheka Al A3oues Ibn El Akhrach..hedheka bedhet yentabe9 3alih elmathal..mafommech 9attous yestad elrabbi..ya weldi hedheka tajer..wou eltijara wel rebe7
yejriou fi dammou..radhe3hom fil 7alib..ma3netha elrajel bech yedfa3 flous men kasstou elkhassa bech yehaye2 eltri9 lil haj wou bech ye7fer labar 3ala 7ssebou..ta3ref 9adech yekallfou wella la..baaaarcha flous..ti n7ot yeddi fil ennar ken mahouch dhamen elli houa rebe7 emba3ed..ya weldi elsayed hedheka maya3malech khir..mayesta3ref  ken belmchari3..flous ya habibi flous..hedheka 3andou elfrank elli yo5rej lazmou yejib 1000 kifou..bech t3allamni fil Al A3oues Ibn El Akhrach..hedheka yebi3lek kol chay..7ata 5aritek..yeghomek yeb3ihelik wou zid traoua7 far7an..Al A3oues Ibn El Akhrach maya3ref sebtou wou sirtou ken eni..9allou jah malek fil mnam wou 9alou osrof 3al la3bed..mouch ken y5orjlou bouh mil 9bar..ken maye7sebhech mli7 wou yal9a rouhou mahouch rebe7 7aja bil 7ram la yadfa3 sourdi..ti houa kif yejih talleb mte3 ya krim mte3 allah..wi ye9olou 7aouija lil allah..yemchi ye5admou nharetha elli yeji wou men ba3ed ya3tih jornatou..wou laya3tih flous hnani bnenni..ti enzidek zyeda..ti houa el zaket mayzakihech..ti el7aj elli bech yesahalou eltri9 mamchalouch..ahaouka fi sreh wou metchabe3..3omrouchi 7aj..taou mouch ken awal elrajel elsaleh ye9ollou emchi 7ej ya sakhta..ma3net’ha 7kayet lemnama feha wou 3aleha..ti jebdoulou marra 3al 7ijj 9allek wou 7wenti wou tijarti lechkoun bech enkhaleha ti rahouelsayed hedheka kif yemchi fil chare3..yabda yemchi wou yetlafet wourah khayef la fa9er yenagez 3alih..wou enti et9olli elli houa naoui ye7fer labyar 3ala kesstou..en9ollek elsebba chnia 7kayetha..haya ya sidi tabba3ni mli7..hedhka kif tsobbli
nochrob..sma3chi elli 7kaytou fe7et elli houa mouch 9a3ed yezaki..wou mahou elwali tbaddel..ma3adech sa7bou elli ken mghoti 3alih..wou sma3chi elli bech yo5rjou yelmmou elmajba elsné..3ad 9al chbini manharabech taftoufa flous..kifech na3mel kifech na3mel..wou zid houa mil naoue3 elli leflous elli matoudrech wou mat5demech 3andou fi ma7soub le5ssara..wou zid sma3 akid elli el7ojej met9al9in mil thnia elli ta3eb wou kifech fomma 3abed elmarra elli fetit matou bil 3atach wou dha3ou fil thnia..3ad 9al nestathmer fil tri9..wou zid houa dima 3andou 9aouefel temchi wou tji men ghadi..yewalli fomma elma maoujoud ebkathra..twalli elthnia 3amra..betbi3a elmamlka twalli malzoum 3aleha t2amenha men 9otta3 eltor9..ahaouka dhman salamt 9aoueflou..wou 3andou el7assria fil tri9..mayjikech 3ajeb ya3mel maks 3aleha..wou zid ta7ya ghadi  leblassa..yebniyelha fondo9 wella thnin..tewalli eltijara etdour..wel frank elli daf3ou yeraj3ou thani wou mthaleth..hedha ken ma3amloulouch sou9 fi thnia..wou asma3 yelli masma3tech al A3oues Ibn El Akhrach haye2 tri9 lil 7ojej..melli ken tajer kbir..yewalli tajer kbir wou rajel fdhil..wou wa9tha chkoun bech yetjare2 yekallmou 3al majba marra okhra..7ata 7add..elsoltan bidou mayetlafetlouch..wou wa9tha yekoun dhrab 3asfourin eb 7ajra..hedha ken mawallach mou9areb mil 7akem wella ken mét ma3amloulouch zaouiat sidi Al A3oues..rit la3bed kifech tkhamem li b3id..mouch kif 7aletek maz3im ken et9al9el wou tjib fil 7adith fi hal 9weyel..chaya7tli ri9i allah yechaye7 ri9ek.

el Sadi9: yo7ka aydhan anna Ibn Abi Abtach 9arrara e3tizal el ness wou ja3ala kahfa elchaye5 Mogren baytan wou maladhan lahou..lil 3ibadti wa t2amoli fi malakout allah.
Ibn Boulay9a: la hadhi 9altelhom osktou..wallahi dha7aktni..kifech 9otli mela Ibn Abi Abtach 9arrara e3tizal elness..wou bech yosken fi kahef fil jbal..ti bel7ram hedheka matatla3 ken martou hajejtou mil eddar..wou 7elfet 3alih ma3dech ye3ateb elbab..9arrara e3tizal elness..wou houa mazel 3andou wejeh bech ye9abel elness..ti jeb el3arr wel dhel lil rjel..ti dharba dharbtin wou martou mtardetou mil eddar..ti houa modda 3ala modda tal9ah beyet ya fil jame3 ya ta7et sbat mil asbat wela khirba mil khreb..ti ken majaouech wled la7lel yetda5lou bil 7ossna wou bil tla7li7 m3a martou rahou men hek el3am yehoum fil chare3..ema houma zouz la chaf3ou ou la tabou dima el3arek wel ma3rouk..koulni  neklek..ti melli 3arssou wou houma hedheka elm9aress hedheka elma3joun..fil machekel elchouchet’hom sbeh wou lil.. wou zid 3ala abset elachye2..sa3at sada9ni 3ala 7kayet fergha ma3and’ha ma3na..momken 3ala khater etbaye3 mouch rekba 3ala b3adh’ha..ema zayid houma sabrin 3al sghar mesta7mlin b3adh’hom wa illa rahom tal9ou men hek el3am..houa 9bal ken koll 3arka yokhrej wi ye5alyelha eldarr was3a wou 3aridha wou yemchi eldar bouh yebared wejhou n’har wella thnin lin tahda loumour..ema melli ba3ou dar bouh..wella ma3andou win yemchi..wou zid 93ad koll marra yemchi lil fondo9 yo93ed hek elmodda..3adbil wa9et  wallet 7esebtou mouch m9abla jemla khassatan elli mansoub el3arek kthor wou zid martou 3arfetou ma3andou win ymechi wallat t’hajej fih jemla..wou zid mana na7na bahin barcha..woujoudou wella ye9alle9..3ad marra lekhra limam 9allou chnoua yekhi 3amatli eljame3 dar m9am 7ata ken jit tsalli..ya 5ouya chouf 7al m3a martek wou m3adech tjini..el5reb houma bid’hom saknin fehom hek elli mayetsamaouech..houa yeji wou jme3a kifhom yetir..3ad waklouh tri7at nabbach le9bour wou 9aloulou sbarna 3alik wou skhefna 3alik melloul ema rak katharet 3ala ma wasaoueh..wenti chlak chalafak maded wejhek..haya t7ot se9ek lenna marra okhra en9ossouhelik..ahaouka mal9ach feha 7al..mcha chadd ghar fel jbal..ahaouka yet2mel fi ghbintou..hadhika la7kaya wou mafeha..la 3ibadat la ta2amol..wou tji lil rassmi rete7n men fatchatou el7arfa.

el Sadi9: yorwa aydhan fil sou9 wa 3ala alson el3ama inna Ibn 3orwa wou Ibn Solay9a..3azma 3ala tarki elbilad..wal modhiyi ila biled elmachre9..li yatoufa 3al madarissiha wou 3olma2iha wou fo9aha2iha..li iktisabi el3elmi wou el7ekma.
Ibn Boulay9a: Ibn 3orwa wou Ibn Solay9a!?
el Sadi9: na3am.
Ibn Boulay9a: ti yezzik men hal klem ya rajel..ti klem faregh fi faregh..hedhkom woujouh 3elem wou 7ekma..ti zouz hommel mil brima..ti as7ab charr wou 9a3da wou tich maratech kifhom 3ini..na3tik elrassmi..ritou hedheka Ibn 3orwa..ya sidi hedheka hajej men darhom 3ala khater bouh 7kom 3alih ye3aress eb bent 3ammou bessif wou houa rafedh 3ala khater hia aslan 3efcha khlass wou zid houa 9al mazelt eni  sghir wou mokhi mouch fil 3eress taou..ahaouka tsabbel bil 3elm wou el7ekma..wou Ibn Solay9a mahou kif dhillou..rassin fi chachia..wou yetabe3 fih kil jarou..mayatl3ou ken bech yetoufou 3al khammarat wou makhourat elli ghadhi el koll..ye9ollek bnet elchare9 zin wou 3in yeghaniou 3alihom ach’her elcho3ara..hay machlouta ken kesbou wella ektasbou 7aja..ti kif may9oulou ken ja fale7 rahou men bare7..3aleh ekhi na7na ne9ssin medbia wela chyou5a wela 3oulama..ti ahaoukom kil batata..3ala ama
madh’heb tardha..lazem yemchiou elekher edenia..wou zid taoua edenia taouret..kol se3a 9afla todkhol..wou tjiblek elkteb elli t7eb 3alih..wou enzidek zyeda hadhoukom woujouh 3elem wella fe9eh?..wella 3ala khater zouz abyet che3er 7fadhom Ibn 3orwa bech yetghazel wou yebzness bnet elness..rami smiltou wou 3amal mchakel li nsa elmoumnin m3a 3aylethom..masalma mennou 7ata antha..wela 3ala khater Ibn Solay9a 7afadhli zouz ayat wou arb3a a7adith tholthin menhom dh3af..yefti ye7alel behom elrou7ou..wallali wejeh 3elm wou 7ekma..yezzik ya rajel wou fok 3alik men hal klem..wou  haou binetna layam..ken matoufech 3alihom leflous wou yeraou7ou eb khofay 7ounayn.

watamdhi alayam./.